Luka 2:4 - Mawu a Mulluku

⁴ Yosefe avenyera o etawoni ya Nazareti o Galileya, aya o etawoni ya Betelehemu o Yudeya, wayarelliwe Davide kaambiiwa Yosefooyo aari edduullu ya Davide.

Luka 2:4 Iomraidhean Croise

Genesis 35:19

Rakele akhwilleeye, avitthiwe mukhwipi mwa musewu wooya o Efurata, sika wi o Betelehemu.

Genesis 48:7

Kenre ddenndda ekaamba yawi enthawi kavenyereemi o Mesopotamiya, amaayo Rakele yakhwenlle mu ellapo ya Kanani, vihanlle mwanamutunda wi niphiye o Efurata. Ethakaraka ddaakimora wunchichi. Vano nahaavittha wenko mukhwipi mwa musewu wooyeella o Efurata.” (Efurata tti Betelehemu.)

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Mateyu 1:20

Vano aganizeeye ello yeella, mungelo a Apwiya ahooneya wa Yosefe muullohani allota wi, “Yosefe, edduullu ya Davide, ohoove omutthella Mariya. Erukullu yeella tti ya masiva a Munepa Waweella.

Mateyu 2:23

Vano aakhalla mu etawoni yooromolliwa Nazareti wi ekwakhwanihiwe yoollotiwa ni anamallotella wi, “Aneeroromolliwa Munazarene.”

Luka 2:3

Nave arive muthu aaya wi alembiwe o etawoni yoowaniwa.

Luka 2:5

Aaya woolembiwanko ni Mariya, oyo amutomelilleeye nave aakhalla ni erukullu.

Luka 4:16

Yesu aaya o Nazareti, nko allelliweeyewo nave va nllapo na Sabata aavollowa mu enyumba yamavekello moollikana ni mmo addollweellelleeye. Ahiimella eerenga mawu a Mulluku.

Yohane 1:46

Natanaele ahaakoha wi, “Ethiyo o Nazareti ttuuvenyera ello yaphaama?” Filipo ahaakhulla wi, “Waawo woone.”

Yohane 7:42

Mawu a Mulluku enallota wi, Mesiyooyo anaakhalle edduullu ya mwene Davide nave anaayariwelle mu Betelehemu, m'muzi mmo mwakhalla Davide.”

Rute 1:19

Sika eellaayo yaavirellella ni olendwiiwa ophiyera yaaphiya o Betelehemu. Yaphiyalliiwa o Betelehemunko, athu attheene a etawoni yeeyo yaarurumuwa wunchichi ekaamba ya alliwaayo. Vano atthiyana amodda yaallota wi, “Olla tti Naomi?”

Rute 2:4

Vihinallekelle Bowazi aaphiya ovenyera o Betelehemu nave ahaallochella athu yahataalle voollotani wi, “Apwiya yuudaliseni!” Alliwa yahaakhulla wi, “Apwiya yuudaliseni nanyeene!”

Rute 4:11

Athu attheene yaari vamullakoni valle ni attekweenaalle yaallota wi, “Ee, hiyaano tti amboni. Mutthiyana oyo onaamutthelleewe, Apwiya emweerihe wi akhalle wonanko Rakele ni Leya, atthiyana ayo yamuyarele Yakobo anamwani anchichi. Weyaano okhalle muthu eeyuuma mu nlloko na Efurata nave okhalle muthu oovuwa mu etawoni ya Betelehemu.

Rute 4:17

Atthiyanaalle yaallalleya wi, “Mwaana aamullopwana ooyariwa wa Naomi.” Nave yaamuvaha nnddina nawi, Obedi. Olliyoolla aakhalla attiitthinnya a Yese, oyo aari attiitthinnya a Davide.

1 Samuele 16:1

Apwiya yaallota wa Samuele wi, “Ethiyo onaakhalle omwinllellaka Saulo ophiyera niini vawi koomukhoota wi ahikhalle mwene owaalamulella Aisraele? Oddallihe makhura mu yookusellaaweeyo. Oye wa Yese o Betelehemu vawi kohiiphwanyella mwene variyari va anaaye aallopwana.”

1 Samuele 16:4

Samuele aheera nnddo Apwiya yamulamulalliiwa, aphiya o Betelehemu. Oohoollella a m'muzindanimmo yamuchingamella etthukumellaka nave yamukoha wi, “Ethiyo mwaweella waarera?”

1 Samuele 17:12

Davide aari mwaana a Yese, mu Efurati, o Betelehemu a o Yuda. Oyo aari ni anamwani aallopwana atthanu ni araru. Va enthawi ya mwene Saulo, Yese aari uulluvanlle wunchichi.

1 Samuele 17:58

Saulo aamukoha Davide wi, “Ethiyo we musombwe, ori mwaana awani valle?” Davide ahaakhulla wi, “Mi tti mwaana a mullupa muttekwaanyu Yese a o Betelehemu.”

1 Samuele 20:6

Attiittho yaakohaka dda miyaano waalleelle wi, ‘Davide aakiveka miyaano wi kimwaakhullelle aye o etawoni yoowaniwa, Betelehemu wi aheraatthi mukutho wa vamuyakhani ni nibanja naye nittheene.’