Luka 2:34 - Mawu a Mulluku

³⁴ Vano Simiyoni ahaadalisa nave allota wa Mariya amennyaayo wi, “Mwaanoolla ootthoolliwa ni Mulluku wi akhalle ollakiwa ni ovullusiwa wa athu anchichi a o Israele. Aneerokhalla echizindikiro yoovenyera wa Mulluku, eyo athu anchichi eneeriiwa yiitanena.

Luka 2:34 Iomraidhean Croise

Genesis 14:19

Aamudalisa Abramooyo wi, “Mulluku Amasiva Mattheene, oophatusa oddullu ni ellapo yavatthi, uudalise weyaano Abramu.

Genesis 47:7

Nave Yosefe ahaakusa Attiitthinnya, Yakobo, ayaana wa Farao. Nave Yakobo aamudalisa Farao.

Eksodo 39:43

Vano Mose ahoona ddittheddene ddapangiwennddo nave aasimikizella wi yaaddipanga moollikana ni mmo Apwiya yalamulelliiwa. Sika Mose ahaadalisa athu attheenaayo.

Yesaya 8:18

Ngoonani, kiri mva vamodda ni anamwani kavahiweemi ni Mulluku. Niri echizindikiro ni ddoodduwelliha wa Aisraele ddoovenyera wa Apwiya Amasiva Mattheene ayo enakhalla va mwaango wa Ziyoni.

Hoseya 14:9

“Oyo aniiwesese addisunge. Vawi ettilla dda Apwiya tti ddoolungama nave oolungama enneetamo koma oochimwa ennakwakwatuwamo.”

Mateyu 11:19

Mi, Mwaana a Muthu, kiwiille kaacha ni omuwirya vinyo nave athu yaallota wi, ‘Ngamooneni, muthoolla tti oottutthuwa, oolezela, akhwaayettho tti ookhomiha misonkho ni amodda oochimwa!’ Komave ezeru dda Mulluku ddinooneya wi tti ddawoona oweella m'mittekoni ddiwa.”

Mateyu 12:46

Yesu alloteeye wa athu, amennya ni asinne yaaphiya. Yahiimella vaatte, opaalla wi ellote ni olliyooyo.

Mateyu 27:63

Yaallota wi, “Apwiya, nohuupuwella wi awootthoolle ahinakhwe aallota wi, ‘Kineerovenyattho wa ookhwa evinre mallapo mararu.’

Luka 2:35

Nave oneeromoriwa ethakaraka, wonanko nsupada nawiisha sika ninahoma murimaawo koma ddoovittheya dda m'murimani mwa athu anchichi ddineerewuupullulliwa.”

Yohane 3:20

Vawi attheene eneera ddeko ddoonanara enniitana ni owala. Nave khenawa nko ori owala kaambiiwa khenapaalla wi mitteko ddiwa ddoonanara ddooneye.

Yohane 5:18

Ekaamba ya yeella Ayuda yahaanjerera opaalla omwiipha vawi khaathwanre lamulo na nllapo na Sabata navettho aanamweera Mulluku wi tti Attiitthinnya wiillikaniha yeekhaaye ni Mulluku.

Mitteko 13:45

Ayuda yoonilliiwa mulloko wa athwaayo yaaddalliwa ni ehache, enavaanyiha allotille Paulonnddo navettho enamullotella epewe.

Mitteko 17:6

Koma yahaaphwanyilliiwa yaamukusa Yasonooyo ni ookhulupilila amodda yaapurullella vamiitthoni va attekweene a nthato nave ekhuwa wi, “Athu yaalla aawaanganyera athu virive veko! Vano aawa owanihu wuno.

Mitteko 24:5

Noophwanya wi muthoolla tti ookatamiha, annaambiha owana variyari va Ayuda orive weko va ellapo yavatthi navettho tti oohoollella mulloko wa Anazarene.

Mitteko 28:22

Koma ninapaalla wi niiwe ovenyera wa nyuwaano kaambiiwa ninnadduwella wi orive otthewene athu enallota ddoonanara dda mulloko yoolla muriinyumo.”

Mitteko 4:26

Mamweniiwa ennapangana ddakhoto, oolamulelliiwa enniiwanana ddoonanara, ddawaawukila Apwiya ni Mesiyaaye.’*

Mitteko 6:7

Mawu a Mulluku yaavirellella ovuwa. Nave ookhulupilila a mu Yerusalemu yahaata nave allupa mukutho anchichi yahaakhullella echikhulupililweeyo.

Aroma 9:32

Nave kaambiiwa tini? Ekaambiiwa yaari yawi kheyaakhanlle moollikana ni echikhulupililo koma yarororomella mitteko ddiwa. Sika vano yaakwakwatuwa vanllukuni nookwakwatuwiha

1 Akorinto 1:23

Koma hiyaano, ninallalleya dda Khrisitu ootthomeyiwa vamutandani. Othenga yoolla tti wookukhumulla wa Ayuda ni wookarangeya wa athu ayo ehiri Ayuda.

Aheberi 7:1

Melkizedeki aari mwene a o Salemu navettho mullupa mukutho oomurumeyella Mulluku Muullupalli. Abrahamu aweeye ovenyera okhotoni nko aagonjihalleeye mamwene masese, aakumana ni Melkizedeki* nave Melkizedekooyo aamudalisa.

Aheberi 7:7

Kheyiivo yoottikhiniha wi muthu oyo anadalisa sika ari muullupalli omukhwaranya oyo anadalisiwa.

1 Petro 4:14

Oodalisiwa tti nyuwaano mwaallotelliwa epewe kaambiiwa nyuwaano tti oomuthwarellella Khrisitu. Ella enattaphullella wi Munepa wa ntitimiho, Munepa a Mulluku, onnakhalla va nyuwaano.

1 Samuele 2:20

Vano Eli aanaadalisa Elikana ni mwaariye voollotani wi, “Apwiya yuuvaheni anamwani mwa mutthiyana yoolla munipuroni mwa olle mwamuvekilleenyu wa Apwiya.” Yeeddiiddo yaanahokollweella owaniwa.