Luka 18:12 - Mawu a Mulluku

¹² Kinnahalla ocha* wiilli vamulunguni nave kinnavelleellattho yaneekhumi ya ddittheddene kiriimina.’

Luka 18:12 Iomraidhean Croise

Luka 11:42

“Nyu, awoottha, ahuddihi a malamulo* ni Afarisi, mookhalla ni otulli! Munnavelleella dda khumi dda ddoomella dding'onong'ono ddooddiviha yoocha. Nave munahiya weeruza mwa echilungamo ni omukonda Mulluku. Munaphwanella wi mweereke ddenndda oohihiya ddimoddannddo.

Mateyu 9:14

Vano yaawa oohuddera a Yohane Oobatiza wa Yesu ekoha wi, “Kaambiiwa tini hiyaano ni Afarisi ninnahalla ocha* wiilliwiilli koma oohudderaanyu khenahalla?”

Luka 17:10

Nyuwaanottho, mweera mulamulelliweenyu wi mweere, mulloteke wi, ‘Hiyaano niri mullupa mutteko oohiphwanella othokoziwa, neenre ninaphwanellaahu weera wonanko allupa mutteko.’ ”

1 Timoteo 4:8

Waddollweella weera mattheella oollipiha mwiilli wookhalla ni oreera wa vang'ono koma waddollweella weera ddoomutitimiha Mulluku wookhalla ni oreera mu ddittheddene kaambiiwa onnalonjeza okumi wa ollello ni wa muhoollo.

Mateyu 6:1

“Wehesesani wi muheere mitteko ddanyu ddoolungama vamiitthoni va athu wi ewooneni. Mweera ddiidda vamiitthoni va athu khamwaakhella erive emphaso yoovenyera wa Attiitthaanyu ooddullu.

Malaki 3:8

Kinimuukohani wi ethiyo muthu ttuumwiiyera Mulluku? Komave nyuwaano munnakiiyera. Munnakoha wi, ‘Ninawiiyerani mwawiidde?’ Oweella mu yaneekhumaanyu ni ddoovelleella.

Aefeso 2:9

Muthu khanavullusiwa ekaamba ya mitteko ddaye woova wi anaakoteke.

Agalatiya 1:14

Voollapellani mu Eyuda, kahaakhwaranya Ayuda akhwaaka anchichi oophwanaphwanana miyakha nave kaari ookonda wunchichi ehuddiho dda makhollwaahu.

1 Akorinto 1:29

Sika khaavo muthu anawora wiitukhulla vamiitthoni va Mulluku.

Aroma 3:27

Vano ninitukhullelle tini? Khayiivo! Nave kaambiiwa tini? Apaalle tti kaambiiwa ninniiwellella malamulo? Khe ddiiddo! Koma tti kaambiiwa ninnakhulupilila.

Mateyu 6:16

“Nave mwaahallaka ocha,* muhinoonihaka ekhove yookhupanya wonanko mmo eneerella awootthaayo. Alliwa ennananariha ekhove ddiwa wi arive muthu oone wi enimahalla ocha. Ddawoona, kinimuulleellani wi yaallathi aathuviwa khalle.

Mateyu 6:5

“Mwaavekellaka, muhinaphwanaphwanaka ni awoottha! Alla ennakonda wiimella ni ovekella mu enyumba ddamavekello ni m'makhullukano wi arive muthu awooneke. Ddawoona, kinimuulleellani wi yaallathi ahaakhella khalle yoothuviwiiwa.

Yesaya 1:15

Mwaatukhullellaka muddullu mattaanyu voovekellani, miyaano kineerewiipitthiha ekhovaaka. Naari mwaanjerere mavekellwaanyu mwawiidde, ngipwathawo kaambiiwa mattaanyu yooddalla ni nikhame.

2 Mamwene 10:16

Nave aamulleella wi, “Hanko woone mmo kiniivelleelleemi wa Apwiya.” Sika aheetana mu nigareta naye.

1 Samuele 15:13

Samuele aphiyalle wa Saulo, Saulooyo aallota wi, “Apwiya yuudaliseni. Koheera erive ello Apwiya yakilamulalliiwa.”

Numeri 23:4

Vano Mulluku aakumana ni Balamu nave Balamu aallota wi, “Koomaka makuwa matthanu ni meelli nave va nirive nikuwa kooheraatthivo mukutho wa nankhoro a eng'ombe ni wa nankhoro a enkhosa.”

Numeri 18:24

Vano erive yaneekhumi eyo Aisraele enavelleelliiwa wa Apwiya, kohaavaha Alevi wi ekhalle yoohallana. Sika ekaambiiwa kaalleelleemi wi ehikhalle ni yoohallana variyari va Aisraele.”

Mateyu 5:20

Kaambiiwa kinimuulleellani wi, munaavollowe mu omwene wa Mulluku mwalungama wunchichi waakhwaranya ahuddihi a malamulo* ni Afarisi* vaweerani nnddo anapaalla Mulluku.