Luka 17:3 - Mawu a Mulluku

³ Chenjerani ni meerellwaanyu! “Mukhwaawo uuchimwella, omuhumullulleke, arukunuwa murima omukhululukelleke.

Luka 17:3 Iomraidhean Croise

Masalimo 141:5

Muthu oolungama ttuuwora okivadda, okihumullulla ekaamba yawi annakeerella echifundo. Koma kihaakhelle olemu wa athu oonanara vawi kinnavekella moovaanyihana ni mitteko ddiwa ddoonanara.

Eksodo 34:12

Moonesese wi muhikeraatthihe echipangano ni athu a ellapo eyo munayaanyunko woova wi ttuukhalla musampha wawuuchimwihani.

Miyambo 17:10

Omuhumullulla omodda muthu eezeru onnakhwaranya omuwashulla wunchichi ookarangeya.

Miyambo 27:5

Ohumullulla vaweella onnakhwaranya echikondi yawiipittheya.

Miyambo 9:8

Ohimuhumullulle oovevulla vawi aneerowiita koma omuhumullulleke muthu eezeru aneerewuukonda.

Levitiko 19:17

“Muhiniitana ni mbalaanyu m'murimani mwanyu koma mumuhumullulle mwa echilungamo wi muhaakhullellane ni nichimo naye.

Mateyu 18:21

Vano Petro aawa wa Yesu, amukoha wi, “Apwiya, mukhwaaka aakichimwellaka wiilliwiilli, kimukhululukelleke okavi? Ophiyera otthanu ni opiilli?”

Luka 21:34

“Chenjerani wi mirima ddanyu ddihikondeke wiichellachella ni owirya ddoolezeliha navettho oviheeriwa ni dda va ellapo wi nllaponno nihuuphiyereni moorurumusa wonanko musampha.

Aefeso 5:15

Sika muchenjereke ni makhallellwaanyu. Muhikhalleke wonanko athu oohidduwella koma mukhalleke wonanko athu eezeru

Deuteronomo 4:15

“Muchenjere! Apwiya yallotilliiwa ni nyuwaano eri m'munlloni va mwaango wa Horebu nyuwaano khemoonille mooneyellwiiwa.

Deuteronomo 4:23

Sika muchenjere! Mooneseseke wi muhitiwalle echipangano eyo Apwiya Mullukwaanyu yakeraatthihalliiwa ni nyuwaano nave muhipange nifano noophwanaphwanihella erive ello eyo Apwiya Mullukwaanyu enuulamuleewani.

Deuteronomo 4:9

Sika muchenjere! Mooneseseke wi muhitiwalleke ddenndda mu okumaanyu muttheene nave mwaahuddihe ddenndda aniinyu ni edduullu ddanyu.

Aheberi 12:15

Chenjerani wi arive muthu ahihokollweelle mutulli ni otathilla echisomo ya Mulluku. Chenjerani wi arive muthu ahikhalle wonanko echipaso yoowaawa ni awaambiha ddoohoosa wa athu akhwaaye.

Yakobo 5:19

Asinnaka ni arokoraka, mmodda a nyuwaano ahollowa ohiya yawoona nave mukhwaaye amuhokollosa,

2 Yohane 1:8

Vano muchenjere wi muhitathille eyo napharelleehu mutteko sika wi muneerothuviwa wamututha.