Luka 17:1 - Mawu a Mulluku

¹ Yesu aallota wa oohudderaaye wi, “Ddeko ddooweesa athu wi ehiye okikhulupilila ddinaphwanella wi ddeereyeke koma ootulli tti muthu aneeriha ddenndda.

Luka 17:1 Iomraidhean Croise

Mateyu 16:23

Koma Yesu aamurukunuwella Petro allota wi, “Okivenyerevo, Satana! Weyaano tti oolepheliha muttekwaaka kaambiiwa maganizwaawo khenavenyera wa Mulluku koma wa athu.”

Mateyu 18:7

Otulli ori vatthimva kaambiiwa vookhalla ddeko ddinaweeriha athu ohiya echikhulupililwiiwa! Ddeko ddennddo ddinaphwanella wi ddeereyeke koma ootulli tti muthu aneeriha ddenndda.

Luka 16:31

Koma Abrahamu aallota wi, ‘Yaahiiwellella malamulo a Mose ni ddoolemba dda anamallotella kherukunuwa murima naari mmodda avenyille wa ookhwa.’ ”

Aroma 14:13

Vano nihiye weeruzana mmodda ni mukhwaaye. Koma moonesese wi muhaakukhumulle mwiilli nave muhaachimwihe asinninyu ni arokorinyu.

Aroma 16:17

Asinnaka ni arokoraka, kinimuuvekani nyuwaano wi muchenjerekena athu ayo enaakawaniha athu ni owaapheelliha muru voohuddihani ddoohiyana ni nnddo mwahudderennyu. Muhiwaatamelleke yaayo.

1 Akorinto 10:32

Muhaakwakwatuwihe Ayuda apaalle athu oohimullapella Mulluku apaalle mpingo wa Mulluku.

1 Akorinto 11:19

Yookayikella kheyiivo, onaphwanella wi vikhalle okawaneya variyari va nyuwaano wi ayo eri oororomelleya yooneye phaama.

1 Akorinto 8:13

Sika vano yoocha yamukwakwatulliha mwanamunnaka apaalle murokoraka, ngiwa kichattho enama yeella wi kihaakwakwatullihe.

1 Timoteo 4:1

Nave Munepa Waweella annallota moollotesesa wi m'mallaponi oomallihella athu amodda eneerohiya echikhulupililwiiwa ni wiiwellella minepa ddoohollosa ni othwara ehuddiho dda minepa ddoonanara.

Yawuupullulla 2:14

Koma kookhalla ni ddeko ddooyeva ddawuuvaanyihana. Variyari vanyu aakhallavo amodda ayo enathwara ehuddiho ya Balamu, oyo amuhuddihalle Balaki wi aahoollelle Aisraele weera ddoonanara vawaakopani wi echeke ddooheraatthiwa vamukuthoni wa mafano ni weera ddooraruwa.

Yawuupullulla 2:20

Koma yawuuvaanyihani kiriimina tti ella yawi munniiwanana ni mutthiyanoolle Yezebele, oyo aniiromolla yeekha wi tti namallotella eetthiyana a Mulluku. Koma ni ehuddihwaayeella annaalleka oorumeyellaaka wi eraruweke ni ocha ddooheraatthiwa mukutho wa mafano.