Luka 16:8 - Mawu a Mulluku

⁸ “Voomallihella apwiya a mullupa mutteko oohiroromelleyooyo yaamuthokoza ekaamba ya weera ello moochenjera mwawi ddiidda. Athu a va ellapo yavatthi tti oochenjera vaweerellana ddeko ddiwa waakhwaranya athu ookhalla mu owala wa Mulluku.”

Luka 16:8 Iomraidhean Croise

Genesis 3:1

Enowa yaari yoochenjeresesa okhwaranya enama ddamuhakani ddittheddene ddaphatusiwe ni Apwiya. Enoweeyo yaamukoha mutthiyanoolle wi, “Ethiyo tti ddawoona wi Mulluku ahuuhiihani ocha ezipaso dda orive muteekho ori m'matanimmu?”

2 Samuele 13:3

Koma Aminoni aakhalla ni mukhwaaye, nnddina naye Yonadabu, mwaana a Shimea, mwanamunne a Davide. Yonadabooyo aari muthu oochenjera wunchichi.

2 Mamwene 10:19

Sika kiithanelleni anamallotella attheene a Baala vamodda ni oorumeyellaaye ni anamallotellaaye attheene. Vihirame naari mmodda vawi kookhalla ni mukutho muullupalli wawi kiwuvelleelle wa Baala. Oyo anaaramevo, aneerewiiphiwa.” Koma Yehu aheera ddenndda moolleka wi awoononge attheene oomullapella Baala.

Masalimo 17:14

Nyu Apwiya ni nnatta nanyu mukaakihere wa adani, wa athu ayo okumiiwa ori ni erive ello eyo enapaalliiwa. Mwaallake ni ddoohoosa nnddo mwaasungenlleenyu, aniiwa ekhallena ddinchichi, alliwattho yaahiyere aniiwa.

Eksodo 1:10

Nave ngiiwesesani, hiyaano neerena mweezeru athu yaalla. Naachenjerelle wi ehivirellelle waata kaambiiwa enthawi ya ekhoto, alliwaalla ttuuwora ottakanyiherana ni adanaahu ni ollipana ni hiyaano, eneerothawamo mwiillaponi mwahummu.”

Miyambo 12:8

Muthu annariihiwa moollikana ni ezerwaaye koma ookhoromana murima annavevulliwa.

Mateyu 12:32

Nave oyo anakillotella epewe mi, Mwaana a Muthu, aneerokhululukelliwa koma oyo anallotella epewe Munepa Waweella khakhululukelliwa enthawi yeella naari muhoollo.

Mateyu 17:26

Petro ahaakhulla wi, “Alleto sika enakhoma.” Yesu ahaakhulla wi, “Sikathi vano athu a mutundwiiwa khenaphwanella okhoma musonkho.

Luka 16:10

Athu attheene enaroromelleya va ddeko ddooyeva ennaroromelleya va ddeko ddawaata navettho ayo ehinaroromelleya va ddeko ddooyeva khenaroromelleya va ddeko ddawaata.

Luka 16:4

Vano koodduwella yawi keere wi mutteko wakimallella kikhallena akhwaaka ayo enaakaakhelle mu enyumba ddiwa.’

Luka 16:7

Aamukoha mmoddooyo wi, ‘Wakongolille ddikavi?’ Aamwaakhulla wi, ‘Mathumba a tirigu 100.’ Aamulleellattho wi, ‘Kusa epepala vilembiwe ekongolaawo nave olembevo mathumba 80.’

Luka 18:6

Nave Apwiya yaallota wi, “Ganizerani ddallotille aweeruza oohikhalla ni echilungamoolle.

Luka 20:34

Yesu aawaakhulla wi, “Allopwana ni atthiyana amuttano ennatthella ni otthelliwa.

Luka 20:35

Koma allopwana ni atthiyana ayo enaphwanella ovenya wa ookhwa ni okhalla mu omwene wa Mulluku khetthella apaalle otthelliwa.

Yohane 12:36

Khulupililani owala enthawi yeeyo muriinyu mu owala wi mukhalle athu a owala.” Yesu amallihalle ollota ddenndda, aavenyavo iipittha.

1 Akorinto 3:18

Ahikhallevo muthu aniilleke yeekhaaye. Muthu mmodda variyari vanyu aaddeesaka wi tti eezeru owaaka ezeru dda ellapo yavattheella, aambe okhalla ookarangeya wi akhallena ezeru.

Aefeso 5:8

Khalle mwaari mwiipiphini koma vawi mootthattusiwa athu a Apwiya, muri mu owala. Sika munaphwanella mukhalleke wonanko athu a mu owala,

Afilipi 3:19

Yaalla eneeromallihella mu gehena kaambiiwa tti anrima nave mullukwiiwa tti erukullu ddiwa. Enakotella nnddo yaphwanenlliiwa wi ewulliwekena muru nave enaganiza dda ddeko dda va ellapo yavatthive.

1 Atesalonika 5:5

Nyuwaano attheene tti athu a owala ni a otthaana. Khaniri a mahiiyu naari a epiphi.

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

1 Yohane 3:10

Nngu sika ohiyana wa anamwani a Mulluku ni anamwani a Satana, attheene ehineera echilungamo apaalle ehinaakonda amodda khe anamwani a Mulluku.