Luka 16:7 - Mawu a Mulluku

⁷ Aamukoha mmoddooyo wi, ‘Wakongolille ddikavi?’ Aamwaakhulla wi, ‘Mathumba a tirigu 100.’ Aamulleellattho wi, ‘Kusa epepala vilembiwe ekongolaawo nave olembevo mathumba 80.’

Luka 16:7 Iomraidhean Croise

Mateyu 18:28

“Vano mullupa muttekoolle aakhuma akumana ni mullupa mutteko mukhwaaye oyo aamukongolihalleeye makobiri ooyeva. Aamuphara amunyoka vanikohini amulleella wi, ‘Kihokolloselle nndde waakongonleewe!’

Luka 16:6

Olliyooyo aamwaakhulla wi, ‘Mino dda makhura 100.’ Aamulleella muthooyo wi, ‘Kusa epepala vilembiwe ekongolaawo okeraatthi nave mwawaakuva olembevo 50.’

Luka 16:8

“Voomallihella apwiya a mullupa mutteko oohiroromelleyooyo yaamuthokoza ekaamba ya weera ello moochenjera mwawi ddiidda. Athu a va ellapo yavatthi tti oochenjera vaweerellana ddeko ddiwa waakhwaranya athu ookhalla mu owala wa Mulluku.”

Luka 2:37

Vano aari ni miyakha 84. Khaavenyillemo mu enyumba ya Mulluku koma aanallapella mahiiyu ni otthaana, voohallani ocha ni ovekella.

Luka 20:12

Aamurumihattho mullupa mutteko waneeraru koma oollimaayo yamphoriiha emuvokhella otte wa emateeyo.

Luka 20:9

Vano Yesu ahaamba waalleella athu niphwanaphwaniho nawi, “Waakhalla muthu mmodda aallimalle emataaye ya ezipaso ddampesa. Nave aapolleyiha emateeyo wa athu oollima nave olliye avenyavo aya o ellapo emodda wa enthawi yoorekama.