Luka 16:16 - Mawu a Mulluku

¹⁶ “Malamulo a Mose ni ehuddiho ya anamallotella ddaanapharihiwa mutteko ophiyera enthawi ya Yohane Oobatiza. Ovenyera vaavo othenga waphaama wa omwene wa Mulluku onnallalleyiwa nave athu attheene ennawatiheriwa wi evollowemo.

Luka 16:16 Iomraidhean Croise

Mateyu 10:7

Khaweni mwallalleye wi, ‘Omwene wa Mulluku wohaatamella!’

Mateyu 15:11

Khe ello eyo enavollowa muwano mwa muthu enamuripiha vamiitthoni va Mulluku koma eyo enukhuma muwano mwaye sika enamuripiha.”

Mateyu 21:32

Vawi Yohane Oobatiza awa wa nyuwaano aawoonihani ettilla ya echilungamo yoopaalleya wi mukuse koma khamwaakhulupililalle koma ookhomiha misonkho ni atthiyana ooraruwa yaamukhulupilila. Koma naari nyuwaano moonilleenyu ddenndda khamwaarukunuwalle murima vatulli viwa wi mumukhulupilile.”

Mateyu 3:2

Allalleya wi, “Rukunuwani murima kaambiiwa omwene wa Mulluku wohaatamella!”

Mateyu 4:17

Ovenyera enthawi yeeyo Yesu ahaamba ollalleya othengaaye wi, “Rukunuwani murima kaambiiwa omwene wa Mulluku wohaatamella!”

Mateyu 4:23

Yesu aheeteeta mu Galileya mutthemwene ahuddihaka mu enyumba ddamavekello* ni ollalleya othenga waphaama wa omwene navettho waachiriha athu oovoriiwa ereta ddittheddene ni ddoovoreya ddittheddene.

Mariko 1:14

Yohane amakiwe, Yesu aaya o Galileya nave aallalleya othenga waphaama wa Mulluku.

Mariko 1:45

Koma muthooyo aavenyavo nave ahaamba ollotallota wa athu avuwiha epilli virive veko. Sika Yesu khaworille ovira vawooneya ni athu m'matawoni koma akhanlle m'mapuroni ayeekha otte wa matawoni. Koma athu yaawa ovenyera m'mapuroni manchichi oohiyanahiyana.

Luka 10:11

‘Naari nthupi noovenyera mu etawoni mwanyu nowaangellella m'manyalloni mwahu nohuuttatthellani. Koma dduwellani wi omwene wa Mulluku woowaatamellani!’

Luka 10:9

Nave mwaachirihe oovoriiwa mu etawonimmo nave mwallote wa athwaayo wenko wi, ‘Omwene wa Mulluku wowaatamellani.’

Luka 16:29

“Abrahamu aallota wi, ‘Asinnawo aakhalla ni malamulo a Mose ni ddoolemba dda anamallotella, yiiwellelle ddennddo.’

Luka 16:31

Koma Abrahamu aallota wi, ‘Yaahiiwellella malamulo a Mose ni ddoolemba dda anamallotella kherukunuwa murima naari mmodda avenyille wa ookhwa.’ ”

Luka 9:2

Nave ahaarumiha wi yallalleye dda omwene wa Mulluku ni waachiriha oovoriiwa.

Yohane 1:45

Vano Filipo aamuphwanya Natanaele nave aamulleella wi, “Noomuphwanya oyo malamulo a Mose ni ehuddiho ya anamallotella yamwaakiiwa. Tti Yesu a o Nazareti, mwaana a Yosefe.”

Yohane 11:48

Namuhiya mwawi ddiidda arive muthu aneerokhulupilila mwa olliyooyo nave Aroma* eneeroowa wi yoononge enyumbaahu ya Mulluku ni mutundwaahu.”

Yohane 12:19

Vano Afarisi* yaallota mmodda ni mukhwaaye wi, “Munnoona wi noolephela vano! Ngoonani, ellapo yavatthi ettheene enamuthwara olliye.”

Mitteko 3:18

Mulluku aallotella khalle oweella mwa anamallotella attheene wi Mesiya anaphwanella wi ahoosiwe nave ddaakwakhwanihiwa.