Luka 15:5 - Mawu a Mulluku

⁵ Ayiphwanya aneeroyitukhulla vamathurini vaye moohakallalla.

Luka 15:5 Iomraidhean Croise

Yesaya 62:12

Muneeroromolliwa oopatuliwa a Mulluku, athu awoopolliwa ni Mulluku. We Yerusalemu, oneeroromolliwa wi, “Muzinda Wookondiwa ni Apwiya, Muzinda Woohihiyiwa ni Mulluku.”

Yesaya 62:5

Wonanko musombwe anamutthella namwalli, anaawo aallopwana eneerewuutthella weyaano. Wonanko ootthella anamuhakallallella ootthelliwa, Mulluku aneerewuuhakallallella weyaano.

Yesaya 63:9

Mu ddoohoosa ddiwa ddittheddene alliwa aahoowa. Mungelo oovenyera wa alliwa ahaavullusa nave aawoopolla mwa echikondiiwa ni echifundwiiwa. Sika Apwiya ennaapwatha wonanko anamwani ovenyera khalle.

Ezekiele 18:23

Mi Apwiya Mulluku kinallota wi, “Ethiyo mi ttuuhakallallana okhwa wa muthu oonananara? Iyaayi, waaweerokhalla phaama wa miyaano wi muthu ahiye ddoonanara ddaye wi akhalle ni okumi.”

Ezekiele 33:11

Waalleelle wi mi Apwiya Mulluku kinallota wi kinimallupella vaka wi nginahakallalla ni okhwa wa muthu oonanara akhwaka. Ddeerokiddivella oochimooyo ahiyalleke makhallellwaaye wi ekhalle ni okumi. Nyu Aisraele munakhwella tini? Rukunuwani, muhiye ettilla ddanyu ddoonanara.

Mika 5:4

Olliye aneerollipihella nave ochiha enkhosa ddaye mwamasiva a Apwiya ni ntitimiho na nnddina na Apwiya Mullukwaaye. Nave eneerokhalla m'murendelleni vawi ottekweenaaye oneerokeraattheya va ellapo yavatthi ettheene.

Mika 7:18

Ethiyo ttaani ari Mulluku oophwanaphwana ni nyuwaano, oyo anakhululukella machimo ni ovenyiha ddoolakwa dda oohalla a yoohallanaanyu? Khamunasunga m'murimani onanariwa wa enthawi yoohimalla ekaamba ya echikondaanyu yoohisintheya.

Zefaniya 3:17

Apwiya Mullukwaawo eri ni weyaano tti amasiva oovullusa. Eneerohakallalla ekaamba ya weyaano, kheyuuhumullulla ekaamba ya echikondiiwa, eneerohakallalla ni weyaano voowiipani machipo oohakallalliha.

Luka 15:32

Sika onnaphwanella wi nihakallalle, vamachellelloni kaambiiwa mwanamunno aari wonanko ookhwa, vano tti mukumi. Aarimeella, vano oophwanyeya.’ ”

Luka 15:4

“Mmodda a nyuwaano akhalla ni enkhosa ddaye 100 nave emodda ehollowa, anaaweere tini? Aneerohiya ddimoddannddo 99 voochihani vaavo aya aashaashaka emodda yooholloweeyo ophiyera ayiphwanyille.

Luka 15:6

Aphiyana owaniwa, aneeroowiithana akhwaaye ni athu awaatamanana nave aneerollota wi, ‘Hakallallani ni miyaano vawi kooyiphwanya enkhosaaka yooholloweelle.’

Luka 19:9

Yesu aallota wi, “Olliye ni nibanja naye aavullusiwa ollello vawi nayeenettho tti edduullu dda Abrahamu.

Luka 23:43

Yesu aallota wi, “Kinimuulleella ddawoona wi ollello vaava oneerokhalla ni miyaano mu Paradizo.”

Yohane 15:11

“Killotille nndda ni nyuwaano wi kuukawelleni ohakallalla waka ni wi nyuwaano muhakallalle ni murimaanyu muttheene.

Aefeso 2:10

Vawi Mulluku aaneera mwawi ddiidda nave mu eyaattano ni Khrisitu Yesu aaniphatusa wi neereke ddaphaama mu okumaahu, nnddo aakhozilleeye moovallallella.

Aefeso 3:7

Kaheeriwa oorumeyella othenga waphaama moollikana ni emphaso ya echisomo ya Mulluku, aakivahilleeye oweella mwa mutteko wa masivaaye mwa miyaano.

1 Atesalonika 1:5

Vawi naahuukusellani othenga waphaama, ohiri ni mawuve navettho ni masiva ni Munepa Waweella navettho moohikayikella yawoona. Munnadduwella mmo napaallelleehu wuukaviherani nakhalleehu ni nyuwaano.

2 Timoteo 2:26

nave okhalla ni ezeru wi evulluwe mu musampha wa Satana oyo aaphanre wi yeereke ddoopaalla ddaye.

Aheberi 12:2

Miitthwaahu ekhalle va Yesu oyo akeraatthihalle echikhulupilwaahu, oyo ananihoollella ni weeriha echikhulupililwaahu wi ekhalle yaphaama. Aavillella owullihiwa muru vookhomiwani vamutandani, ekaamba yoodduwella wi muhoollo aneerohakallalla. Vawi vano annakhalla o nnattanatta wa mpando woomwene wa Mulluku.

1 Petro 1:5

Yaayo tti aanyu, ayo enasungiwa ni masiva a Mulluku oweella mu echikhulupililo wi mwaakhelle ovullusa nko onatiyera wi wuupullulliwe va enthawi yoomallihella.