Luka 15:4 - Mawu a Mulluku

⁴ “Mmodda a nyuwaano akhalla ni enkhosa ddaye 100 nave emodda ehollowa, anaaweere tini? Aneerohiya ddimoddannddo 99 voochihani vaavo aya aashaashaka emodda yooholloweeyo ophiyera ayiphwanyille.

Luka 15:4 Iomraidhean Croise

Masalimo 119:176

Koohollowa wonanko enkhosa yoorimeella, kaashaasheni mi oorumeyellaanyu vawi nginatiwalla malamulwaanyu.

Yesaya 53:6

Attheene naahollowa wonanko enkhosa, arive muthu mwa hi eetella ddaaye, koma Apwiya yaamureya olliye machimwaahu.

Yeremiya 33:13

O mizinda dda omiyaangoni, dda omataponi, dda omwera, dda o echigawo ya Benjamini, dda o echigawo yawaapheella Yerusalemu ni o mizinda dda Yuda enkhosa ddineeroyattho vamiitthoni va muthu ooddeerengella. Mi Apwiya koollota.”

Yeremiya 50:6

“Athwaaka tti wonanko enkhosa ddoohollowa. Abusiiwa yahaavirikaniha ni waahollosa omiyaangoni. Yeeta shisha o asimiyaango ni omiyaangoni ophiyera yaatiwalla owaniwa.

Ezekiele 34:16

Kineeroddaashaasha ddaweeteeta kineeroddihokollosa ddoohollowa, kineeroddimaka makhwatiiwa ddoophoreya, kineeroddillipiha ddoofooka koma kineeroddoononga ddooneneva ni ddamasiva. Kineeroddichiha enkhosa ddaka mwa echilungamo.”

Ezekiele 34:31

Nyuwaano tti enkhosa ddaka, nnddo kinaddichiheemi nave miyaano tti Mullukwaanyu. Mi Apwiya Mulluku koollota.

Ezekiele 34:4

Khamuddillipihalle enkhosa ddoofooka, khamuddichirihalle ddoovoriiwa, khamuddimakille makhwatiiwa ddoophoreya, khamuddihokollosille ddoohollowa nave khamuddaashaashille ddoorimella. Koma mwaanaddichiha mweekuku.

Ezekiele 34:8

Kinimallupella vamiitthoni vaka, enkhosa ddaka ddaattakhuniwa, ddaatthattuwa yoocha ya enama ddamuhakani kaambiiwa ddaarama mbusa. Abusaaka kheyaaddithwanre enkhosa ddaka, yapwatha ddayiwave.

Mateyu 12:11

Yesu ahaakhulla wi, “Muthu mmodda a nyuwaano arina enkhosa emodda nave yamorella munllitini noowallamella va nllapo na Sabata, khawa ayiphara ayikhumihamo?

Luka 13:15

Apwiya yahaakhulla wi, “Awoottha nyu! Khe nyuwaano munattaphulla eng'ombe ddanyu apaalle abulwaanyu vamukweeni muyaakana wowaawiryiha maaddi va nllapo na Sabata?

Luka 15:3

Vano Yesu ahaalleella niphwanaphwaniho wi,

Luka 19:10

Mi, Mwaana a Muthu, kawiille wi kiwaashaashe ni waavullusa athu oohollowa.”

Aroma 2:1

Vano nyuwaano munaweeruza amodda, ethiyo munaddeesa wi nyuwaano ttaani! Khamunna mawu oothawellavo vawi mwaaweeruzaka athu amodda koma nyuwaano muneerattho ddeko ddimoddave ddennddo eneeriiwa, munaddiipa mullatu nyookha.

1 Petro 2:25

Nyu mwaari wonanko enkhosa ddoohollowa koma vano moohokollosiwa wi mumuthware Mbusa ni Oowehera a okumaanyu.