Luka 13:12 - Mawu a Mulluku

¹² Yesu amoonilleeye, aamwiithana allota wi, “Moowe, moottaphulliwa o eretaanyu!”

Luka 13:12 Iomraidhean Croise

Masalimo 107:20

Apwiya yaarumiha mawiiwa yaachiriha athwaayo, yahaavullusa wi ehoonongeye.

Yesaya 65:1

Apwiya yaallota wi, “Kaaddoonihella meekha wa ayo yahikivekille nave kaaphwanyiwa ni ayo yahikaashille. Wa mutundu oyo ohinakiithaneke kaallota wi, ‘Kiri vaava, kiri vaava.’

Yowele 3:10

Hanani ehipa ddanyu wi ddikhalle masupada, ezikwakwa ddanyu wi ddikhalle mavaka. Naari oofooka allote wi, Mi tti akhoto.

Mateyu 4:23

Yesu aheeteeta mu Galileya mutthemwene ahuddihaka mu enyumba ddamavekello* ni ollalleya othenga waphaama wa omwene navettho waachiriha athu oovoriiwa ereta ddittheddene ni ddoovoreya ddittheddene.

Mateyu 8:16

Vano voophiyani misikuwa athu amodda yaawaana wa Yesu athu anchichi ookhalla ni minepa ddoonanara. Yesu aakhumiha minepannddo ni mawuve navettho ahaachiriha oovoriiwa attheene.

Luka 13:11

Mwemmo mwaakhalla mutthiyana ookhalla ni munepa woonanara, oyo wamweeriha wi avoriiweke wa miyakha 18. Aari ookhoromana mutthana wawi khaawora wiimella mowookowa.

Luka 13:13

Vano ahiiyaatthi mattaaye va olliyooyo nave enthawi yeeyo ahookowa iimella, amutitimiha Mulluku.

Luka 13:16

Nave ollattho nayeene tti edduullu ya Abrahamu oyo amakiwe ni Satana wa miyakha 18. Vano ahittaphulliwe va nllapo na Sabata?”