Luka 12:8 - Mawu a Mulluku

⁸ “Kinimuulleellani nyuwaano, muthu anaakhullella wi tti aaka vamiitthoni va athu, miyaanottho Mwaana a Muthu, kineeromwaakhullella vamiitthoni va angelo a Mulluku.

Luka 12:8 Iomraidhean Croise

Masalimo 119:46

Kineerollota omboni vamiitthoni va mamwene, ngiwulliwa muru.

Mateyu 8:20

Yesu aallota wi, “Akhatwe aakhalla ni milliha ddiwa navettho epallame ddookhalla ni emphuru ddiwa koma mi, Mwaana a Muthu, nginna naari voohameella murwaaka.”

Luka 15:10

Sika, kinimuulleellani wi, emoddamoddave yeeyo angelo a Mulluku ennahakallalla kaambiiwa muthu oochimwa mmodda oorukunuwa murima.”

2 Timoteo 2:12

Navillella, nineerolamula vamodda ni olliye. Namukhoota olliyooyo, nayeenettho aneeronikhoota.

1 Yohane 2:23

Vawi attheene enamukhoota Mwaana enaakhootattho Attiitthinnya. Ayo enamwaakhella Mwaanooyo aakhallattho ni Attiitthinnya.

Yawuupullulla 2:10

Muhoove dda ddeko ddittheddene munaakumaneneenyu. Ngoonani, Satanooyo aneeroweesani vawuuhiyani mundende amodda a nyuwaano nave ohoosiwanngu onaakhalle wa mallapo khumi. Khallani oororomelleya wa miyaano naari mwiiphiwe nave kineerewuuvahani emphaso yookumi.

Yawuupullulla 2:13

kinnadduwella muzinda oyo onakhalleewewo wi tti wa omwene wa Satana. Koma khonakikhoota miyaano nave khohiyalle okikhulupilila miyaano naari va enthawi eyo Antipa, mbonaaka oororomelleya iiphiweeye m'muzindani mwanyu mmo Satana anakhalleeye.

1 Samuele 2:30

Miyaano kiri Apwiya Mulluku a Aisraele. Kaalonjeza wi nibanja nawo ninaakhalleke allupa mukutho woohimalla. Koma vano kinallota wi ddennddo ddoomalla. Kinaavaha olemu ayo enakititimiha koma kinnaatembelela ayo enakivevulla.