Luka 12:5 - Mawu a Mulluku

⁵ Kineerewuutthoonyiherani oophwanella omoova. Mumooveke Mulluku oyo iipha mwiilli annakhallattho ni olamulello womuvokha muthu mu gehena. Kikhulupilileni miyaano, kinimuulleellani ddawoona wi yooyo sika munaphwanelleenyu wi mumooveke!

Luka 12:5 Iomraidhean Croise

Masalimo 9:17

Athu attheene oonanara, mitundu ddittheddene ddimutiwanlle Mulluku ddineerooya o ellapo ya ookhwa.

Miyambo 14:26

Muthu anawoova Apwiya ookhalla ni echikhulupililo yoollipa nave anaaye eneerokhalla ni voothawellavo.

Yeremiya 10:7

Ttaani oyo ahinaawooveni, nyu mwene a mitundu dda athu? Vawi munnaphwanella wooviwa. Variyari va eezeru attheene ni va mamwene mattheene a va ellapo yavatthi, khaavo mmoddattho oollikana ni nyuwaano.

Yeremiya 41:18

ekaamba yoowoova Ababiloni. Yaanoova ekaamba yawi Ishmaele mwaana a Netaniya, aamwiipha Gedaliya mwaana a Ahikamu oyo mwene a o Babiloni amuhiyalleeye wi akhalle oolamulella.

Yeremiya 5:22

Mi Apwiya kinakoha wi, “Kaambiiwa tini muhinakooveenyu? Kaambiiwa tini muhinatthukumellaanyu vamiitthoni vaka? Mi sika kahiyalle mihava wi okhalle malire a enyanja, malire ayo enyanjeeyo khenawora waakhwaranya. Mafunde naari enyaruwe mwawiidde, khenawora okhwaranyavo. Naari enyakulle mwawiidde, khenawora okhwaranyavo.

Mateyu 10:28

Muhiwooveke ayo eniipha mwiillive koma khenawora wiipha munepa. Koma mumooveke Mulluku oyo anawora wiipha munepa ni mwiilleene mu gehena.

Mateyu 25:41

“Vano miyaano kineerollota wa ayo a o nnatta noonyottho wi, ‘Venyanivoni va miyaano, nyu ootembeleliwa ni Mulluku! Khaweni o omunlloni woohimalla oyo okharihelliwe Satana ni angelwaaye.

Mateyu 25:46

Vano yaalla eneeroya woollakiwa woohimalla koma aweera echilungamo eneeroya wuukumini woohimalla.”

Mateyu 5:22

Koma miyaano kinuulleellani wi wamunanariwella mukhwaawo attekweene a millatu eneerewuuphwanya wi tti oochimwa. Wamullotella epewe mukhwaawo wi, ‘Muthu ookarangeya we’ oneerokusiwa oya wa attekweenaanyu aweeruza millatu. Navettho wamullotella epewe mukhwaawo wi, ‘Okarangeya, oohikhalla ni muttekowe,’ oneerophwanella ovokhiwa mu gehena.

Mariko 13:23

Chenjerani, kohuulleellani erive ello enthawi ehinaphiye.

1 Atesalonika 4:6

Mwawi ddiidda, muheereke yoonanara apaalle omulleka mwanamunno apaalle murokoriyo. Vawi Apwiya eneerewaallaka ayo eneera yeeyo wonanko nuulleelleeyeni ni wuuchenjezani khalle.

Aheberi 10:31

Sika ophariwa ni Mulluku Ookumi tti wawoopiha.

2 Petro 2:4

Mulluku khaawalleville angelo ayo yachimwalle koma ahaavokha mu gehena, mwemmo eri oomakiwa ni onyolo mu epiphi, otiyera nllapo na echiweruzo.

Yawuupullulla 14:7

Aallota ni mawu oowella wi, “Mooveni Mulluku nave mutitimiheni vawi enthawi yawi eeruze yoophiya. Mullapelleni olliyooyo aphatusalle oddullu, ellapo yavatthi, enyanja ni aneetuutu!”

Yawuupullulla 15:4

Athu attheene eneerowoovani nyu Apwiya, khaavo anaakhoote otitimiha nnddina nanyu, vawi nyuwaano tti aweella. Athu a mitundu ddittheddene eneeroowa ni wuullapellani nyuwaano, kaambiiwa mitteko ddanyu ddoolungama ddohooniwa wa athu attheene.”

Yawuupullulla 20:14

Nave okhwa vamodda ni ellapo ya ookhwa ddaavokhelliwa mu enyanja ya munllo. (Enyanja ya munllweella sika okhwa waneepiilli.)