Luka 12:1 - Mawu a Mulluku

¹ Vano athu anchichi yatthukumanniiwa, wawi yaananyingallana, Yesu aallota vawaamba wa oohudderaaye wi, “Muchenjere ni yisiti a Afarisi,* kinaaka dda woottha wiwa.

Luka 12:1 Iomraidhean Croise

2 Mamwene 7:17

Ddeereyiiwa ddenndda, mwene aari amuhiyalle oorumeyellaaye wi alamulelleke voovollowella. Koma athu yaamunyingallella olliye woovollowella wulle mwawi aakhwa, monga allotelle Elisha muthu a Mulluku mwene ayiilleeye woomoona.

Yobu 20:5

Ethiyo khonadduwella wi ohakallalla wa oonanara khonallekella, othapella wa oohimoova Mulluku tti wa enthawi yooyeva?

Yobu 27:8

Viri etiyerello yawiidde oohimoova Mulluku aphadderiwa okumi, Mulluku amwaakha okumaaye?

Yobu 36:13

M'murimani mwa oohimullapella Mulluku munnaddalla owalli, naari aamaka ni onyolo alliwa kheninllella nikavihero.

Yesaya 33:14

Athu oochimwa a mu Ziyoni enimoova nave oohipwatha dda Mulluku enimatthukumella. Ennallota wi, “Ethiyo ttaani mwa hi anaawore ovillella ni munllo wawoonongoolla? Ethiyo ttaani mwa hi anaawore okhalla mu munllo woohimalla?”

Luka 11:44

Mookhalla ni otulli! Vawi muri wonanko mahame ootiwalliwa ayo athu enaanyingalliiwa moohidduwella.”

Luka 12:56

Nyu awoottha, munnadduwella ollotella wooneya wooddullu ni ellapo yavatthi koma khamunawora ottaphullella ezizindikiro dda enthawi yeella. Munnadduwella ollotella wooneya wa va ellapo yavatthi ni oddullu koma kaambiiwa tini muhinadduwellaanyu ottaphullella wa enthawi yamuttano?

Luka 5:1

Nllapo nimodda Yesu ahiimella mukhwipi mwa enyanja ya Genesareti nave athu yaanakakhana moompanikiza wi yiiwe mawu a Mulluku.

Luka 5:15

Nave epilli ya Yesu yaavuwa moovirellella, sika athu anchichi yaawa wi emwiiwe ni ochirihiwa o ereta ddiwa.

Luka 6:17

Yesu akitthalleeye m'mwaangonimmo ni amurummwaayo, ahiimella muhito mwa mwaango ni mulloko muullupalli wa oohuddera. Mulloko muullupallittho wa athu oovenyera mu Yudeya mutthemwene ni o Yerusalemu ni mukhwipi mwa enyanja mmo mwaari mizinda dda Tiro ni Sidoni yaari vaavo.

Mitteko 21:20

Yiiwalliiwa, yaamutitimiha Mulluku. Nave yaallota wi, “Mwanamunnihu Paulo onnoona vano wi Ayuda anchichi tti ookhulupilila navettho attheenaayo enniivelleella voothwarani malamulo.

1 Akorinto 15:3

Vawi kaavelleella wa nyuwaano yoopaalleya yuullupalli eyo kaakhenlleemittho yawi Khrisitu aakhwa ekaamba ya ddoochimwa ddahu wonanko mmo ddilembelliwiiwa mu mawu a Mulluku,

Aheberi 12:22

Koma nyuwaano moophiya o mwaango wa Ziyoni nave o Yerusalemu ooddullu, o muzinda wa Mulluku Ookumi, nko ori angelo anchichi enahakallalla.

Yakobo 3:17

Koma ezeru ddoovenyera oddullu ddinneeriha vawaamba okhalla aweella, waneepiilli amurendelle, vatulli viwa oomaalleya, awiiwellella phaama, ooddalla echifundo ni a ezipaso ddaphaama ddoohikondella nave ddoohoottha

1 Petro 2:1

Vano hiyani ddoonanara ddittheddene, woottha, makhallello awoottha, ehache apaalle ollota ddoonanara.