Luka 11:41 - Mawu a Mulluku

⁴¹ Koma mwaavaheke oohoowa nnddo ddiri muwari mwa makapu ni embale ddanyu sika makapwaanyu mattheene ni embale ddanyu ddittheddene ddineerokhalla ddaweella vamiitthoni va Mulluku.

Luka 11:41 Iomraidhean Croise

Masalimo 112:9

Annavelleella moohummella wa athu oohoowa, Echilungamwaaye tti yoohimalla, aneeroriihiwa ni ovahiwa olemu.

Masalimo 41:1

Oodalisiwa tti muthu oyo anaaganizella oohoowa, vawi Apwiya eneeromuvullusa va nllapo na ddoohoosiwa.

Miyambo 14:31

Owaanyingallella oohoowa annamweerella epewe Mullukwaaye koma ooweerella echifundo oopaneya annamutitimiha.

Miyambo 16:6

Ekaamba ya wiivelleella ni ororomelleya muthu aneerokhululukelliwa machimwaaye. Ekaamba ya owoova Apwiya annarapa ddoonanara.

Miyambo 19:17

Wamuvaha muthu oohoowa waakongolihalle Apwiya nave eneerewuuhokollosella ddaweera ddawo.

Daniele 4:27

Nyu amwene, ekaamba ya yeella, thwarani malangizwaaka. Hiyani machimwaanyu, mweereke ddoolungama vooweerellani echifundo oohoowa wi apaalle enthawi ya murendellaanyu erekame.”

Mateyu 26:11

Vawi munnakhalla ni athu oohoowa mallapo mattheene koma khamukhalla ni miyaano mallapo mattheene.

Mateyu 5:42

Nave muthu uuvekani ello, mumvaheke, muthu apaalla opolleya ellwaanyu, mumpolleyeke.”

Mariko 7:19

Kaambiiwa khenavollowa m'murimani koma enavollowa m'mwiillini nave ennakhuma etathilliwa?” Voollotani ddenndda, Yesu aakamulla wi ddoochiwa ddittheddene ddichiweke.

Luka 12:33

Kullihani ddeko ddanyu ddittheddene nave makobiraayo mwaavahe oohoowa. Mwiiphwanyelle mathumba a eyuuma ayo ehinaahuwa ni wiisungella eyuuma oddullu nko ehinayevawiiwa kaambiiwa allupaawiiya khenaphiyawo naari enjenjete khaddinoononga.

Luka 16:9

Yesu aallotave wi, “Kinimuulleellani wi, mwiiphwanyelle akhwiinyu voopharihani mutteko eyuuma ya va ellapo yavatthi wi yamalla mwaakhelliwa owaani woohimalla, oddullu.

Luka 18:22

Yesu iiwalleeye ddenndda aallota wa olliye wi, “Onayelleella ello emodda. Khawe wakullihe ddeko ddittheddene oriiwena nave makobiraayo waavahe athu oohoowa nave oneerothuviwa oddullu. Weera ddiiddo owe okithware.”

Luka 19:8

Zakeyu ahiimella allota wa Apwiya wi, “Apwiya, kineerokawa variyari eyuumaaka kivelleelle wa athu oohoowa nave ayo kawaakhilleemi ddeko ddiwa mowaalleka, kineerewaahokollosella osese.”

Mitteko 10:15

Mawaalle yahiiweya wiilli ellotiwaka wi, “Oheereke yoonanara eyo yeellihiwe ni Mulluku.”

Mitteko 11:29

Sika oohuddera yahiiwanana wi tti waphaama wi erumiheke ddeko ddawaakavihera ookhulupilila akhwiiwa o Yudeya moollikana ni eyuumiiwa.

Mitteko 24:17

“Kavenyilleemi o Yerusalemu kaahokollowa vimanlle miyakha ddinchichi nave kaawaana wa athu a mutundwaaka makobiri ovenyera wa ookhulupilila amodda nave wi kiheraatthi mukutho.

2 Akorinto 8:12

Mwakhalla ni ntthitti noovelleella, Mulluku aneerewaakhella emphaso ddanyu moollikana ni nnddo muriinyuna ohiri moollikana ni nnddo muhiinnaanyu.

Aefeso 4:28

Ayo yaari allupaawiiya enaphwanella ehiye wiiyanko nave yaambe ophara mutteko wi yiiphwanyelleke eyuuma mwaphaama wi eworeke waavaha athu oohoowa.

Tito 1:15

Ddeko ddittheddene ddinakhalla ddaweella wa yaayo eri aweella murima; nave kheyiivo enakhalla yaweella wa yaayo eri ooripihiwa ni oohikhulupilila vawi ezeru ddiwa ni yawuupusella murimiiwa ddooripihiwa.

Aheberi 13:16

Muhinatiwalla weera dda echifundo ni okawana nnddo muriinyuna vawi mikutho ddenndda ddinnamuhakallalliha Mulluku.

Aheberi 6:10

Vawi Mulluku tti oolungama, khatiwalla mitteko mwaphanreenyu apaalle echikondi munooniheenyu vawaarumeyellani athwaaye.

Yakobo 1:27

Ollapella wawoona ni waweella vamiitthoni va Mulluku ni Attiitthiihu tti waapwatha akhwaadduni ni anaamukhwelle mu ddoohoosa ddiwa navettho wiivaanyiha weekhaawo wi ohiripihiwe ni dda va ellapo yavatthi.