Luka 11:2 - Mawu a Mulluku

² Nave Yesu aallota wi, “Mwaavekellaka, mulloteke wi, ‘Attiitthiihu, nnddina nanyu naweella nititimihiwe, omwenaanyu owe.

Luka 11:2 Iomraidhean Croise

1 Mamwene 8:43

nyu mwiiwe oddullu munakhalleenyuwo nave mweere nnddo mulletooyo uuvekilleeyeni. Mweere ddenndda wi athu attheene a va ellapo yavatthi edduwelle nnddina nanyu nave ewoovekeni monga eneerella Aisraele athwaanyu nave edduwelle wi enyumba ella kiyimankeemi enadduwanyeya ni nnddina nanyu.

2 Mamwene 19:19

Sika nyu Apwiya Mullukwaahu, munivulluse wa muthu yoolla wi mitundu ddittheddene dda va ellapo yavatthi ddidduwelle wi nyuwaano nyookha tti Apwiya Mulluku.”

2 Epilli 20:6

nave aallota wi, “Nyu Apwiya Mulluku a makhollwaahu, ethiyo khemuhiyo Mulluku oyo ari oddullu? Ethiyo khemuhiyo nyu munalamulella moomwene mattheene? M'mattani mwanyu mookhalla masiva ni ottekweene, sika wi khaavo muthu anaawore ollipana ni nyu.

Masalimo 103:20

Nyu angelwiiwa, amasiva oollipa, muniiwa mawiiwa, muneera nnddo enalamuliiwa, atitimiheni Apwiya!

Masalimo 108:5

Nyu Mulluku, onihani ottekweenaanyu muddullummo. Vuwihani ntitimiho nanyu va ellapo yavatthi ettheene.

Masalimo 11:4

Apwiya eri mu enyumbiiwa yaweella, mpando woomwene wa Apwiya ori oddullu. Miitthwiiwa ennamoona arive muthu, ennadduwella nnddo eneeriiwa.

Masalimo 57:11

Nyu Mulluku, onihani ottekweenaanyu muddullu mutthemwene, vuwihani ntitimiho nanyu va ellapo yavatthi ettheene.

Oollalleya 5:2

Ohinaakuvaka ollota ni ollupella wa Mulluku m'murimani mwawo. Vallethi Mulluku ari oddullu, weyaano ori vatthimva. Vano mawaawo ekhalleke ooyeva.

Yesaya 63:16

Vawi nyuwaano sika attiitthiihu naari Abrahamu ahinidduwellaka navettho Israele ahinaakhullaka. Koma nyu Apwiya muri attiitthiihu, oonoopollaahu waambeella khalle.

Ezekiele 36:23

Kineeronooniha nnddina naka nuullupalli wi tti naweella, nno nakhanlle nivevulliwaka variyari va mitundu ddimodda. Vano mitundu ddimodda ddadduwella wi kohooniha weella wa nnddina naka mwa nyuwaano eneerodduwella wi mi tti Apwiya. Mi Apwiya Mulluku koollota.

Daniele 2:28

Koma wookhalla Mulluku oddullu awuupullulla ddoovittheya. Olliye oomudduwelliha mwene Nebukadinezara nnddo ddineereye muhoollo. Vano nndda sika ddeko moonilleenyu m'masomphenya muri vabedini vanyu.

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Daniele 7:18

Koma aweella a Mulluku Amasiva Mattheene eneerewaakhella masiva oomwene nave eneerokhallanave wa enthawi ddittheddene ni wa enthawi yoohimalla.”

Daniele 7:27

Omwene, olamulello ni ottekweene wa mamwene mattheene a va ellapo yavatthi ddineerovelleelliwa wa aweella a Mulluku Amasiva Mattheene. Omweniiwa onaakhalle woohimalla, oolamulella attheene a ellapo yavatthi eneerekewaarumeyella ni owiiwellella.”

Hoseya 14:2

Hokollweellani wa Apwiya ni mawu alla awi, “Munikhululukelle machimwaahu mattheene. Mwaapelle maaru oveka wahu nave nineerewuutitimihani ni eyano ddahu.

Levitiko 10:3

Vano Mose aamulleella Aroni, “Vallethi Apwiya yaallota wi, ‘Kineerewooniha weella waka wa attheene ayo eri vakhuviru ni miyaano nave kineerotitimihiwa vamiitthoni va athu attheene’ ” Koma Aroni khaawaakhullalle.

Levitiko 22:23

Ttuuvelleella enama eyo erakamille apaalle ekhuveyille mweto mmodda wakhalla mukutho wa opaalla waye koma wakhalla mukutho woollupella tti woohaakhullelliwa.

Habakuku 2:14

Vawi ellapo yavatthi ettheene eneeroddalla ni odduwella dda ntitimiho na Apwiya wonanko enyanja enaddallelliiwa ni maaddi.

Mateyu 10:32

“Sika arive muthu anaakhullella wi tti aaka vamiitthoni va athu, miyaanottho kineeromwaakhullella vamiitthoni va Attiitthaaka oddullu.

Mateyu 3:2

Allalleya wi, “Rukunuwani murima kaambiiwa omwene wa Mulluku wohaatamella!”

Mateyu 5:16

Emoddamoddave yeeyo owala wanyu wooneyeke vamiitthoni va athu wi vawoonani mitteko ddanyu ddaphaama yaatitimihe Attiitthaanyu ooddullu.

Luka 11:1

Nllapo nimodda Yesu aavekella vanipuroni nimodda nene. Amallihalleeye, mmodda a oohudderaaye allota wi, “Apwiya nihuddiheni ovekella wonanko Yohane aahuddihalleeye oohudderaaye.”

Aroma 1:7

Nave vano kinalembella wa nyuwaano attheene mu Roma, ayo Mulluku anaakondeeye nave aawiithana wi ekhalle athwaaye. Echisomo ni murendelle dda Mulluku Attiitthiihu ni Apwiya Yesu Khrisitu ddikhalle ni nyuwaano.

Aroma 8:15

Vawi Munepa oyo Mulluku uuvahilleeyeni khonaweerani akaporo ayo enakhalla mwawoova koma Munepooyo onaweerani anamwani a Mulluku nave ekaamba ya masiva a Munepooyo ninnamweera Mulluku wi, “Abba” ottaphullella wi, “Attiitthaaka!”

1 Akorinto 1:3

Echisomo ni murendelle dda Mulluku Attiitthiihu ni Apwiya Yesu Khrisitu ddikhalle ni nyuwaano.

2 Akorinto 1:2

Echisomo ni murendelle ddoovenyera wa Mulluku Attiitthiihu ni Apwiya Yesu Khrisitu ddikhalle ni nyuwaano.

Agalatiya 1:4

Khrisitu ahiivelleella ekaamba ya machimwaahu voomwiiwellellani Mulluku, Attiitthiihu wi anoopolle ovenyera o ellapo yoonanareella.

Aefeso 1:2

Echisomo ni murendelle ddoovenyera wa Mulluku Attiitthiihu ni wa Apwiya Yesu Khrisitu ddikhalle ni nyuwaano.

Afilipi 1:2

Echisomo ni murendelle ddoovenyera wa Mulluku Attiitthiihu ni Apwiya Yesu Khrisitu ddikhalle ni nyuwaano.

Afilipi 4:20

Ntitimiho nikhalle wa Mulluku Attiitthiihu enthawi ddoohimalla! Amen.

Akolose 1:2

Ninaalembella athu a Mulluku a o Kolose, asinnihu ni arokorihu oororomelleya mu eyaattano ni Khrisitu. Echisomo ni murendelle ddoovenyera wa Mulluku Attiitthiihu ddikhalle ni nyuwaano.

1 Atesalonika 1:1

Ovenyera wa hiyaano Paulo, Silivano ni Timoteo. Ninaalembella athu a mpingo wa o Tesalonika ayo eri a Mulluku Attiitthiihu ni Apwiya Yesu Khrisitu. Echisomo ni murendelle ddikhalle ni nyuwaano.

1 Atesalonika 1:3

Vawi ninnuupuwella vamiitthoni va Mullukwaahu ni Attiitthiihu ezipaso dda mitteko dda echikhulupilwaanyu ni mitteko dda echikondaanyu nave ovillella wa etiyerellwaanyu mwa Apwiihu Yesu Khrisitu.

2 Atesalonika 2:16

Ninaaveka Apwiihu Yesu Khrisitu weekhiiwa ni Mulluku Attiitthiihu oyo oonihalle echikondaaye wa hiyaano wi anivahe ollipa murima woohimalla ni etiyerello yaphaama oweella mwa echisomwaaye.

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

Yawuupullulla 15:4

Athu attheene eneerowoovani nyu Apwiya, khaavo anaakhoote otitimiha nnddina nanyu, vawi nyuwaano tti aweella. Athu a mitundu ddittheddene eneeroowa ni wuullapellani nyuwaano, kaambiiwa mitteko ddanyu ddoolungama ddohooniwa wa athu attheene.”

Yawuupullulla 19:6

Nave kahiiwa onyakulla wonanko wa mulloko muullupalli wa athu, awiiweya wonanko onyakulla wa maaddi manchichi navettho wonanko ogugudeya wa murimu wuullupalli. Kaawiiwa ellotaka wi, “Aleluya! Vawi Apwiya, Mullukwaahu Amasiva Mattheene, sika ari mwene!

Yawuupullulla 20:4

Nave vano kahoona mipando ddoomwene nave ayo yakeraatthille va mipandonnddo yaari ayo yavahiwe olamulello waweeruza millatu. Kahoonattho minepa dda athu ayo yiiphiwe ekaamba ya mawu a Mulluku owaakattho ovelleella omboni dda Yesu. Kheyaallapenlle enama yuullupalli yawoopiha apaalle nifano niwa naari odindiwa ni echidindo ya enameeyo va eyuuchi ddiwa apaalle va mattiiwa. Yaavenyihiwa wa ookhwa nave elamulella wonanko mamwene vamodda ni Khrisitu wa miyakha 1,000.