Luka 10:9 - Mawu a Mulluku

⁹ Nave mwaachirihe oovoriiwa mu etawonimmo nave mwallote wa athwaayo wenko wi, ‘Omwene wa Mulluku wowaatamellani.’

Luka 10:9 Iomraidhean Croise

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Mateyu 3:2

Allalleya wi, “Rukunuwani murima kaambiiwa omwene wa Mulluku wohaatamella!”

Mateyu 4:17

Ovenyera enthawi yeeyo Yesu ahaamba ollalleya othengaaye wi, “Rukunuwani murima kaambiiwa omwene wa Mulluku wohaatamella!”

Mariko 4:30

Yesu ahaakoha wi, “Omwene wa Mulluku niphwanaphwanihe ni tini? Ninaapharihe mutteko niphwanaphwaniho niivi wi nitthopoolle?

Mariko 6:13

Yaanakhumiha minepa ddoonanara ddinchichi, enaazoza ni makhura athu oovoriiwa anchichi nave enaachiriha.

Luka 10:10

Mwavollowa mu etawoni nave muhaakhelliwamo, muye omusewuni nave mwallote wi,

Luka 10:11

‘Naari nthupi noovenyera mu etawoni mwanyu nowaangellella m'manyalloni mwahu nohuuttatthellani. Koma dduwellani wi omwene wa Mulluku woowaatamellani!’

Luka 9:2

Nave ahaarumiha wi yallalleye dda omwene wa Mulluku ni waachiriha oovoriiwa.

Yohane 3:3

Yesu ahaakhulla wi, “Ddawoona, kinimuulleellani wi, khaavo muthu anaawore woona omwene wa Mulluku aahiyariwa wiilli.”

Yohane 3:5

Yesu ahaakhulla wi, “Ddawoona, kinimuulleellani wi, khaavo muthu anaawore ovollowa mu omwene wa Mulluku aahiyariwa mwa maaddi ni Munepa Waweella.

Mitteko 28:28

Nave Paulo aamalliha ni wi, “Vano mudduwelle wi Mulluku oorumiha mawaaye oovullusa wa athu ayo ehiri Ayuda. Alliwaayo eneerowiiwella!”

Mitteko 28:31

Aallalleya dda omwene wa Mulluku nave ahuddiha dda Apwiya Yesu Khrisitu, aallota moottaphuwa ni moohikhalla ni yookatamiha.