Luka 10:16 - Mawu a Mulluku

¹⁶ Vano Yesu ahaalleella athu aarumalleeyaalle wi, “Oyo anawiiwellellani nyuwaano anakiiwellella miyaano nave oyo anuukhootani nyuwaano anakikhoota miyaano nave oyo anakikhoota miyaano anamukhoota oyo akirumalle miyaano.”

Luka 10:16 Iomraidhean Croise

Eksodo 16:7

nave waasaka muneerewoona ntitimiho na Apwiya. Vawi ahiiwa okhupanya wanyu wowaavaanyiha. Ethiyo niri aani awi mukhupanyelleke wa hiyaano?”

Eksodo 16:8

Nave Mose aallota wi, “Tti Apwiya ayo enuuvaheni misikuwa enama yawi muche nave ohinase buledi awi muvone, ekaamba yawi ahiiwa okhupanya wanyu ottheene woomuvaanyiha. Hiyaano niri aani? Okhupanya wanyu khemunakhupanyella wa hiyaano koma wa Apwiya.”

Malaki 1:6

Apwiya Amasiva Mattheene enallota wa allupa mukutho wi, “Anamwani ennaavaha olemu makhollwiiwa nave mullupa mutteko apwinnya. Mi tti ttiitthaanyu, ethiyo kaambiiwa tini muhinakooveenyu? Mi tti pwiinyu, ethiyo kaambiiwa tini muhinakivaheenyu olemu? Munnakinyaambusa komattho munnakikoha wi, ‘Ethiyo nuunyaambusalleni mwawiidde?’

Numeri 14:11

Apwiya yaamukoha Mose wi, “Ethiyo athu yaalla enaahiye niini okivevulla? Nave enaahiye niini ohikikhulupilila naari yoonille ezizindikiro nnddo keerilleemi vamiitthoni viwa?

Numeri 14:2

Attheene yahaamba owiinyullulla Mose ni Aroni. Athu attheene yahaalleella wi, “Waaweerokhalla waphaama nakhwenlleke o Iguputo apaalle muchipululuni mwemmu.

Numeri 16:11

Otthukumana wawiddiiddanngu, weyaano ni mullokwaawo, tti okangana ni Apwiya. Ethiyo Aroni tti aani wi mumuwukileke?”

Mateyu 10:40

“Oyo anawaakhellani nyuwaano anakaakhellattho miyaano, oyo anakaakhella miyaano annamwaakhellattho Mulluku oyo akirumalle.

Mateyu 18:5

Nave muthu anamwaakhella mwaana mmodda awi ddiidda ekaamba ya miyaano, anakaakhella miyaano.

Mariko 9:37

“Nave muthu anamwaakhella mwaana mmodda awi ddiidda ekaamba ya miyaano, anakaakhella miyaano. Nave oyo anakaakhella miyaano, khanakaakhella miyaano koma oyo akirumalle.”

Luka 9:48

Allota wi, “Nave muthu anamwaakhella mwaanoolla ekaamba ya miyaano, anakaakhella miyaano. Nave oyo anakaakhella miyaano, anamwaakhella oyo akirumalle miyaano. Vawi oyo ari mung'onong'ono mwa attheenenyu yooyo sika muullupalli.”

Yohane 12:44

Yesu aakhuwa wi, “Oyo anakhulupilila mwa miyaano, khanakhulupilila mwa miyaanove koma mwa oyo aakirumalle.

Yohane 12:48

Oyo anakikhoota miyaano ahinaakhella mawaaka ookhalla ni oomweeruza. Mawu killonteemaalla eneerokhalla aweeruzaaye va nllapo noomallihella!

Yohane 13:20

Ddawoona, kinimuulleellani wi oyo anamwaakhella muthu oyo kinamurumeemi, anakaakhellattho miyaano. Nave oyo anakaakhella miyaano anamwaakhella oyo aakirumalle.”

Mitteko 5:4

Ohinakullihe emateeyo yaari yaawo nave oyikullihalle makobiraayo yaari aawo. Kaambiiwa tini, waganizalleewe weera ello yeella? Khowoottotthille athu koma omoottotthille Mulluku!”

Agalatiya 4:14

Nave naari ovoriiwa waka wahuuhoosani wunchichi nyuwaano, khamwaakinyaambusalle apaalle okikhoota. Koma mwaakaakhella wonanko mungelo oovenyera oddullu naari wonanko Khrisitu Yesu.

1 Atesalonika 4:8

Sika vano, oyo anakhoota ehuddiho yeella khanamukhoota muthu koma Mulluku, oyo anuuvahani munepaaye Waweella.