Luka 1:71 - Mawu a Mulluku

⁷¹ wi aneeronivullusa wa adanaahu, ovenyera m'mattani mwa attheene ayo enaniita hiyaano.

Luka 1:71 Iomraidhean Croise

2 Mamwene 17:39

koma mukillapelleke mi Apwiya Mullukwaanyu nave kineerewuuvullusani wa adanaanyu.”

Masalimo 106:10

Sika ahaavullusa wa awiitananiiwa, aawoopolla o masiva a adaniiwa.

Masalimo 106:47

Nyu Apwiya Mullukwaahu, nivulluseni, nitthukumaniheni ovenyera variyari va athu a mitundu ddimodda wi nithokoze nnddina nanyu naweella, wi nikotelleke otitimiheya wanyu.

Yeremiya 23:6

Va enthawi yoomwenaaye, Yuda aneerovulluwa nave Israele aneerokhalla vamurendelleni. Mwenooyo anaaromolliweke wi ‘Apwiya sika echilungamwaahu.’

Yeremiya 32:37

“Mi kineerewaatthukumaniha athwaalla ovenyera o ellapo ddittheddene kawiikarelleemiwo kishille murima navettho kinanariwalle wunchichi. Kineerewaahokollosellattho o nipuro nenna nave eneerokhalla wuno ni murendelle muttheene.

Ezekiele 28:26

Eneerokhalla wenko mwamurendelle nave eneeromaka enyumba ni ollima emata ddampesa. Eneerokhalla wenko mwamurendelle kaawaallakaka athu awaatamanana ayo yaavevulla. Vano eneerodduwella wi mi tti Apwiya Mullukwiiwa.”

Ezekiele 34:25

Kineerokeraatthihana echipangano yamurendelle. Kineeroddivenyihamo mwiillaponimmo enama ddittheddene ddamuhakani wi enkhosa ddaka ddikhallekemo mwamurendelle naari muchipululuni apaalle muhakani.

Ezekiele 34:28

Athu a mitundu ddimodda khewa ewaakhattho ddeko ddiwa nave enama ddamuhakani khaddiwa ddaattakhuna. Eneerokhalla mwamurendelle oohikhallavo oowoopiha.

Ezekiele 38:8

Kineerowiithana vavira mallapo manchichi. Miyakha ddinawanndda kineerewuuvollochiha mu ellapo eyo yavulluwalle okhotoni. Oneerewaaphwanya athu etthukumanne ovenyera o mitundu ddinchichi dda athu, ekeraattheyille omiyaangoni dda Aisraele, ayo yahiyiwe enthawi yoorekama koma yakhumihiwe variyari va mitundu dda athu nave attheenaayo eri vamurendelleni.

Luka 1:68

“Ootitimiheya tti Apwiya Mulluku a Aisraele! Oowa wi aakavihere athwaaye nave awoopolle.

Luka 1:74

wi aneeronivullusa wa adanaahu, nave nineeromurumeyella moohoova,

Deuteronomo 33:29

We Israele, ori oodala! Oophwanaphwana ni we ttaani? Mutundu woovullusiwa ni Apwiya, yawuutetezaawo ni nsupada nawo, ayo enuuvullusa ni wuupambaniha! Adanaawo eneerewuukokhorella, koma we oneerewaanyingallella vatthi.

1 Yohane 3:8

Oyo anavirellella ochimwa anakhalla a Satana kaambiiwa Satana aachimwa ovenyera vawaamba. Mwaana a Mulluku ahooneya ekaamba ya yeella wi oononge eyo yeeriwe ni Satana.