Luka 1:53 - Mawu a Mulluku

⁵³ Athu oohoowa ohaakwakhwanihella ni ddeko ddaphaama, nave athu eeyuuma ahaahokollosa ahaavahille ello.

Luka 1:53 Iomraidhean Croise

Masalimo 146:7

ennaweerella ddoolungama athu oonyingallelliwa, ennaavaha yoocha athu eettalla. Apwiya ennaattaphulla a mundende,

Masalimo 34:10

Mukango ttuurama yoocha ttuuvolliwa ettalla, koma ayo enawaashaasha Apwiya khenaramiwa ddeko ddaphaama.

Ezekiele 34:29

Kineeroruuwiha ddoollima ddiwa sika khewa ekhwa ni ettalla mwiillaponimmo nave athu a ellapo ddimodda khewa yaavevulla.

Mateyu 5:6

Oodalisiwa tti ayo enavolliwa ettalla ni nthona noopaalla weera echilungamo, vawi Mulluku aneerewakwakhwanihella ddoopaalla ddiwa!

Luka 1:54

Ookwakhwaniha allotilleeye wa makhollwaahu, nave oohaakavihera athwaaye a Israele, oomurumeyellaaye.

Luka 6:21

Oodalisiwa tti nyuwaano munavolliwa ettalla ollello, vawi muneerovona. Oodalisiwa tti nyuwaano muninlla ollello, vawi muneerottheya.

Luka 6:24

“Koma ootulli tti nyuwaano muri ni eyuuma, vawi mohaakhella khalle yowuuhakallallihani.

Yohane 6:35

Yesu ahaalleella wi, “Mi tti buledi oovaha okumi; oyo anawa wa miyaano khavolliwattho ettalla nave oyo anakikhulupilila miyaano khavolliwattho nthona.

1 Akorinto 1:26

Vano asinnaka ni arokoraka, upuwellani enthawi eyo mwiithaniweenyu. Anchichi a nyuwaano khamwaarina ezeru vamiitthoni va athu a va ellapo yavatthi, anchichi khamwaarina masiva, anchichi khamwaayariwe munibanjani noodduwanyeya.

1 Akorinto 4:8

Ethiyo mookhallana khalle erive ello munapaalleenyu? Ethiyo vano muri eeyuuma? Ethiyo mookhalla mamwene vano naari hiyaano nihinakhallevo? Ddaawerokhalla phaama mwaakhanlleke mamwene wi hiyaanottho nikhalle mamwene ni nyuwaano.

1 Samuele 2:5

Athu ayo khalle yahata ddoocha ddookwakhwanella vano enimallimella. Koma ayo khalle yaari eettalla vano ennavona. Mutthiyana oohiyara vano ohaayara anamwani atthanu ni eelli, koma mutthiyana oyo aari ni anamwani anchichi vano khanna anamwani.