Hoseya 9:4 - Mawu a Mulluku

⁴ Wenko athu khewa evelleella mikutho dda ddoowirya wa Apwiya. Kheyaahakallallihattho ni mikutho ddiwa. Yoochiiwa enaakhalle wonanko yoocha ya vamalironi. Attheene ayo enaache yoocha yeeyo eneeroripihiwana. Yoocheeyo enaakhalle yoochella ettalla oohikhalla yawi ttuuvelleella wa Apwiya.

Hoseya 9:4 Iomraidhean Croise

Eksodo 29:40

Vamodda ni mwaanaankhosa awaambooyo, ovelleelleke ekilogaramu emodda ya othu waphaama woottakanyihera ni lita nimodda na makhura. Navettho wiithellelle lita nimodda na vinyo wonanko mukutho wayoowirya.

Eksodo 40:23

Nave vaddullu va tebulooyo aahiyavo buledi oopatuleyella wa Apwiya moollikana ni mmo Apwiya yamulamulelliiwa.

Yesaya 57:6

Munaakusa malluku oosalala a mutapo munaallapella wonanko milluku. Munavelleella dda ddoowirya ni dda ddoocha. Ethiyo ddenndda ttuukiddivella?

Yesaya 66:3

“Koma vookhalla amodda eneera ddawaaddivella. Wa alliwa tti emoddamoddave omwiipha nankhoro a eng'ombe apaalle omwiipha muthu monga mukutho, omwiipha mwaanaankhosa apaalle omwiipha mwanapwa monga mukutho, ovelleella yoocha apaalle ovelleella nikhame na ekumba monga mukutho, ovelleella mukutho wa yawuupusella wa lubani* apaalle ollapella mafano. Athu yaalla murimiiwa onnahakallalla ni ddoonanara.

Yeremiya 16:7

Khaavo oyo anaamuvahe yoocha muthu awinlla wi amukhurumuse murima ekaamba ya ookhwaayo. Khamuvaha yoowirya wi amukhurumuse murima naari ookhwaayo eri attiitthinnya apaalle amennya.

Yeremiya 6:20

Ethiyo kinaaphurevo tini yawaana lubani* noovenyera o Sheba apaalle ddawunkhella ddimodda ddoovenyera o ellapo ddawoorekama? Ngiwa kaakhella mikutho ddiwa ddooshellelliha apaalle ohakallallana ddoovelleella ddiwa.

Ezekiele 24:17

Wiipullelle koma yamuwariwari, ohinoopa ekutho. Oware enduwiraawo ni esapato ddawo. Ohikhuneelle owiitthoni apaalle ocha yoocha ya anaamukhwelle.”

Ezekiele 24:22

Koma nyuwaano muneereweera wonanko keerelleemi. Khamukhuneella owiitthoni apaalle ocha yoocha ya anaamukhwelle.

Daniele 1:8

Koma Daniele aallipa murima wi khiiripiha ni yoocha ya mwene apaalle ni vinyo oyo amuwiryeeye. Sika aaveka enduna wi emwaakhullelle wiihiiha.

Hoseya 3:4

Vawi Aisraele eneerokhalla mallapo manchichi ehinna mamwene apaalle enduna, oohivelleella mikutho apaalle wiimesa apoto oopatuleya, oohikhalla ni milluku dda mpa apaalle efodi.*

Hoseya 7:16

Ennarukunuwella wa mulluku oohikhalla ni mutteko woohikhalla wa Mulluku ookhwaranya ddittheddene. Tti wonanko muura woollova. Owaahoollelliiwa eneerewiiphiwa ni nsupada ekaamba yawi ennakillotella ddeepewe. Sika a o Iguputo eneerewaattheya wunchichi.”

Hoseya 8:13

Ennavelleella mikutho dda enama wa miyaano enattakhuna enama yamukuthweeyo koma mi Apwiya nginahakallallana naari vang'ono. Ngiwa kitiwalla onanara wiwa nave kineerewaallaka machimwiiwa. Kineerewaahokollosella wuukaporoni o Iguputo.

Yowele 1:13

Nyu allupa mukutho, warani eziguduli, nyu oorumeyella onikuwani, inllani, nyu oorumeyella a Mullukwaaka, ikhuneelleni ni eziguduli mahiiyu mattheene. Mikutho dda ddoocha ni dda ddoowirya khaddinavelleelliwa o enyumba ya Mulluku.

Yowele 1:9

Mikutho dda ddoocha ni dda ddoowirya khaddinavelleelliwa o enyumba ya Apwiya. Allupa mukutho eniminlla, oorumeyella a Apwiya.

Yowele 2:14

Apaalle ttuusintha maganizwiiwa ni wiihiiha, ttuuwuudalisani ni ddoocha ni ddoowirya ddawi muvelleelle wa Apwiya Mullukwaanyu.

Levitiko 17:11

Vawi okumi wa erive yoophatusiwa okonne munikhameni nave koonivelleella wa nyuwaano wi mweerelleke mukutho wa mutetho woopepesella machimo a okumaanyu vanikuwani. Vallethi nikhame sika ninavenyiha machimo ekaamba ya okumi oyo ori munikhamenimmo.

Levitiko 21:17

allote ni Aroni wi, “Arive muthu a edduullu ddawo a mibado ddittheddene oyo arakanlle ahiwe wi aheraatthi mukutho wa Mullukwaaye.

Levitiko 21:21

Vihikhalle naari mmodda a edduullu dda Aroni oyo arakanlle anaasuselle vakhuviru ni nikuwa wi aheraatthi mukutho wawoosiwa viikho wa mi Apwiya ekaamba ya orakalla waye ahaatamelle vakhuviru ni nikuwa wi avelleelle ddoocha dda Mullukwaaye.

Levitiko 21:6

Ekhalle aweella vamiitthoni va miyaano Mulluku nave ehiripihe nnddina naka. Vawi ennaheraatthi mukutho woowoosiwa viikho. Yoocha ya miyaano Mullukwiiwa, ekhalleke yaweella.

Levitiko 21:8

Akhalle aweella wa nyuwaano vawi annavelleella yoocha ya Mullukwaanyu. Akhalle aweella wa nyuwaano kaambiiwa mi Apwiya ayo enuupatulani tti aweella.

Amosi 5:22

Naari muvelleelle mikutho ddanyu, ddooshellelliha navettho dda ddoocha mi ngiddaakhullella. Mikutho ddanyu dda eyaattano dda eng'ombe ddooneneva ngiddiweha naari vang'ono.

Malaki 2:13

Nave emodda mweerilleenyu tti yawi moonipwiniha nikuwa na Apwiya ni miitthori, winlla ni woopa ekutho ekaamba yawi khenaakhullella mikutho munavelleelleenyu wa alliwa.

Numeri 19:11

“Oyo anaattannye mutembo aneerokhalla ooripihiwa mallapo matthanu ni meelli.

Numeri 28:2

aalamule Aisraele wi, “Mooneseseke wi munnavelleella munthawini mwiwa wa miyaano ddoovelleella ddaka, yoochaaka ya mikutho ddawoosiwa viikho dda nthuko nookiddivella.

Numeri 4:7

Nave vatebuloni a buledi oopatuleya yaannddellellevo ekuwo yabululu, ehiyevo embale ddiwa, ebakuli, mino, mabeseni oopaalleya va mikutho dda ddoowirya nave buledi oyo anaakhalleke vaavo enthawi ettheene.

Yohane 6:51

Mi tti buledi oovaha okumi, yooyo aakitthalle ovenyera oddullu. Muthu amucha buledi yoolla, aneerokhalla ni okumi woohimalla. Nave buledi oyo kinamuvaheemi wi athu a va ellapo yavatthi ekhalle ni okumi, tti mwiillaaka.”

Deuteronomo 26:14

Ngichillevo naari emodda va yaneekhumi kinlleemi maliro. Ngaapharillevo naari emodda kaariimi ooripihiwa va mallapello. Nave nginavelleellekevo naari emodda wa ookhwa. Nyu Apwiya Mullukwaaka, kaawiiwellellani va ddittheddene mwalamulalleenyu dda yoovelleella yaneekhumi.