Hoseya 7:9 - Mawu a Mulluku

⁹ Alletwaayo ennaamalliha masiva koma alliwa khenadduwella. Ahaamba omella embwi koma alliwa khenadduwella.

Hoseya 7:9 Iomraidhean Croise

2 Mamwene 13:22

Hazaele mwene a o Siriya aanaahoosa Aisraele mallapo mattheene a Yehowahazi.

2 Mamwene 15:19

Vatulli viwa Pulo mwene a o Asiriya aahella ekhoto ellapo ya Israele. Nave Menahemu aavelleella siliva oollemella makilogaramu 34,000 wa Pulo wi olliye amukavihere okeraatthiha omwenaaye.

Miyambo 23:35

Oneerollota wi, “Yaakuukutha koma ngaaphoreyille, yaakivadda koma ngaawoonille ovoreya. Kinaavenye enthawi tini? Kineerewaashaashattho yoowirya emodda.”

Yesaya 1:7

Ellapwaanyu yootthattuwa ntepe nave mizinda ddanyu ddohoosiwa ni munllo. Alleto ahaakha ellapwaanyu ni woononga erive ello moonaka.

Yesaya 48:8

Koma eyariwellwaawo khonaddiiweke, eyariwellwaawo khawaaddidduwenlle, waambeella khalle maarwaawo kheyaahulliwe, vawi kaadduwella wi ori namasikita, wi waambeella enamwanaawo yahuuromolla oohiroromelleya.

Yesaya 57:1

Oolungama ennakhwa nave khaavo anapwathawo. Athu oororomelleya ennaphariwa nave khaavo aniiwesesa ekaambiiwa. Athu oolungama ennavenyihiwavo wi otulli ohaamorelle.

Hoseya 4:6

Athwaaka ennoonongeya ekaamba ya ohidduwella. Kineerewuukhootani wi muhikirumeyelle wonanko allupa mukutho ekaamba yawi mookhoota ohuddera dda miyaano. Mootiwalla malamulo a Mullukwaanyu vano miyaanottho kineerewaatiwalla aniinyu.

Hoseya 8:7

Aisraele ennamidda ephevo nave enamuhata namangalle. Tirigu khanna makalla, khakhalla ni yoocha. Akhanllekena, alleto sika yaache yoocheeyo.