Hoseya 7:8 - Mawu a Mulluku

⁸ Apwiya enallota wi, “Aefuremu tti wonanko keke awiithwa embali emodda ekaamba yawi ennattakanyiherana ni athu a mitundu ddimodda.

Hoseya 7:8 Iomraidhean Croise

1 Mamwene 18:21

Eliya ahaatamella vakhuviru ni athu attheenaayo aakoha wi, “Ethiyo munaakayikeke ophiyera niini? Apwiya yaarimi eri Mulluku, athwareni. Koma Baala aarimi ari Mulluku, muthwareni olliye.” Athwaayo kheyaamwaakhunlle naari vang'ono.

Ezara 9:1

Vano ddittheddenenndda ddeereyille, oohoollella amodda yaawa wa miyaano ellota wi, “Aisraele, allupa mukutho ni Alevi kheyiipatulalle wa athu a mwiillaponimmo ni ddoolakwa ddiwa ovenyera wa Akanani, Ahiti, Aperezi, Ayebusi, Aamoni, Amowabu, Aiguputo ni Aamori.

Ezara 9:12

Sika muhaavelleelle aniinyu aatthiyana wa aniiwa aallopwana apaalle waakusa aniiwa aatthiyana ni waavelleella wa aniinyu aallopwana. Nave muhaashe murendelliiwa apaalle eyuumiiwa wi mukhalle amasiva ni ocha ddaphaama dda mwiillaponimmo ni waahiyera aniinyu wi ekhalle yayiwayayiwa enthawi yoohimalla.’

Masalimo 106:35

Koma yaattakanyiherana ni mitundu ddimoddannddo ehuddera makhallellwiiwa oonanara.

Hoseya 5:13

“Vano Aefuremu yoonilliiwa wi enimavoriiwa nave Ayuda yoonilliiwa wi aakhalla ni makhwata, Aefuremwaayo yaaya wa Asiriya nave Ayuda yaarumiha othenga wa mwene muullupalli wi aakavihere. Koma khawora waachiriha apaalle ovolliha makhwatiiwa.

Hoseya 5:7

Yaheera ddoohaaroromella Apwiya wawi aniiwattho khe a Apwiya. Vano Ehakallallo ya Wooneya wa Mweeri eneerowoononga vamodda ni emata ddiwa.

Hoseya 7:9

Alletwaayo ennaamalliha masiva koma alliwa khenadduwella. Ahaamba omella embwi koma alliwa khenadduwella.

Hoseya 9:3

Khemukhallakattho mu ellapo ya Apwiya. Nyu Aefuremu, muneerohokollweella wuukaporoni o Iguputo. Muneerocha yoocha yooripihiwa mu ellapo ya Asiriya.

Zefaniya 1:5

Kineerowoonongattho ayo enakokhora vaddullu va enyumba ddiwa enallapella nndduwa, mweeri ni etheneeri. Kineerowoonongattho ayo enaallapella Apwiya enallupella mu nnddina niwa, nngu ellupellaka mu nnddina na Milikomu.

Malaki 2:11

Athu a o Yuda kheroromelleye nave aheera yoonanara mu Yerusalemu owaaka ellapo ettheene. Aaripiha enyumba yookondiwa ni Apwiya vawaatthellani atthiyana oollapella mulluku eelleto.

Mateyu 6:24

“Khaavo mullupa mutteko anawora waarumeyella apwiya eelli vawi aneeromwiita mmoddooyo nave aneeromukonda mmoddooyo apaalle aneeromwiiwellella mmoddooyo nave aneeromuvevulla mmoddooyo. Emoddamoddave yeeyo khamuwora omurumeyella Mulluku ni orumeyella eyuuma.