Hoseya 7:7 - Mawu a Mulluku

⁷ Attheene ennaviha wonanko ufuni nave ennawiipha owaalamulelliiwa. Mamweniiwa mattheene aamora koma khaavo naari mmodda anninllella wa miyaano.”

Hoseya 7:7 Iomraidhean Croise

1 Mamwene 15:28

Sika Baashooyo aamwiipha Nadabu avollowa omwene munipuroni mwaye mu muyakha waneeraru wa omwene wa Asa a o Yuda.

1 Mamwene 16:18

Zimuri oonilleeye wi muzinda wohaakhiwa aathawella onttatthani na muwari mwa enyumba yoomwene. Aayihella munllo enyumbeeyo akhwella mwemmo.

1 Mamwene 16:22

Koma athu oomuthwara Omuri yahaagonjiha oomuthwara Tibini, mwaana a Ginati. Nave Tibini aakhwa, Omuri avollowa omwene.

2 Mamwene 10:14

Vano Yehu aallota wi, “Akuseni eri akumi.” Nave yahaakusa akumi, aya awiiphella munllitini va nipuro nawiiphellavo athu nave athu 42 yahiiphiwa, oohimuhiyavo naari mmodda.

2 Mamwene 10:7

Sika attekweenaayo emwaakhenlle kalatooyo, yaaphara edduullu 70 ddittheddene dda mwene, eddiipha, ehiya miru ddiwa m'mitaangani eddirumiha wa Yehu o Yezireele.

2 Mamwene 15:10

Vano Shalumu mwaana a Yabeshi aamweerella Zekariya echiwembu nave aamwiiphella o Ibleamu. Sika aavollowa omwene munipuroni mwaye.

2 Mamwene 15:14

Vano Menahemu mwaana a Gadi aavenya o Tiriza aya o Samariya. Aamwiipha Shalumu mwaana a Yabeshi o Samariyanko, avollowa omwene munipuroni mwaye.

2 Mamwene 15:25

Vano Peka mwaana a Remaliya endunaaye ni athu 50 a o Giliyadi yaheera echiwembu emwiipha Pekahiya o Samariya mu echipinda yooteteza enyumba yoomwene. Vatulli viwa olliye aavollowa omwene munipuroni mwaye.

2 Mamwene 15:30

Enthawi yeeyo Hoseya mwaana a Ela aamweerella echiwembu Peka, amwiipha. Nave olliye aavollowa omwene munipuroni mwaye mu muyakha wa 20 wa omwene wa Yotamu mwaana a Uziya mwene a o Yuda.

2 Mamwene 9:24

Vano Yehu aakunga muura ni masivaaye mattheene amuhoma Yoramu variyaririyari va mathuri, mwawi mpaamba waavollowa ohoma murima nave ahiikuhella mu nigareta mwemmo.

2 Mamwene 9:33

Olliye ahaalamula wi, “Mvokhelleni vatthi mutthiyanooyo.” Vano alliwa yaamuvokha vatthi nave nikhame naye naamorella va esiri ni va akavalo. Nave Yehu aamunyingallella mutthiyanooyo ni akavalwaaye.

Yobu 36:13

M'murimani mwa oohimullapella Mulluku munnaddalla owalli, naari aamaka ni onyolo alliwa kheninllella nikavihero.

Masalimo 14:4

Ethiyo oonanaraalla kheniiwesesa? Ennaamirya athwaaka wonanko yoocha, khenaallapella Apwiya.

Yesaya 43:22

Apwiya enallota wi, “Koma we Yakobo, khawaavekenlle wa miyaano, we Israele, waatopa ni miyaano.

Yesaya 64:4

Waambeella khalle khaavo oyo oonille apaalle iiwalle dda Mulluku mmodda oollikana ni nyuwaano, ooweerella ddawi ddiidda athu ootiyerella va olliye.

Yesaya 64:6

Attheene niri wonanko athu ooripihiwa nave naari mitteko ddahu ddittheddene ddaphaama ddiri wonanko ekuwo yooripihiwa. Attheene ninnanyaalla wonanko makattha, ninnahahareya ni machimwaahu wonanko ninakakhiwa ni ephevo.

Yesaya 64:7

Khaavo aniithanella va nnddina nanyu voovekellani apaalle anatikheya ni ddooveka nikavihero wa nyuwaano. Mohiipitthiha ekhovaanyu nave moonitthattusa akaporo a machimwaahu.

Yesaya 9:13

Athu kheyaahokollweelle wa Mulluku oyo anawiipha, kheyaawaashaashille Apwiya Amasiva Mattheene.

Ezekiele 22:30

Kaamwaashaasha muthu variyari viwa wi amake mpanda, wi iimelle mvo vakumuwalle, wi ateteze ellapo ni okipepesa wi kihiyoononge koma ngaamuphwanyille.

Daniele 9:13

Moollikana ni mmo ddalembelliwiiwa mu malamulo a Mose, otulli woonimorella. Komave khanaaweesille wuuvekani, nyu Apwiya Mullukwaahu wi munimorelle ethakaraka. Khanaawaakhullelle machimwaahu, khanaapwathille yawoona ya mawaanyu.

Hoseya 13:10

Nyu mwallota wi, ‘Nivaheni mwene ni oohoollellaahu.’ Ethiyo mwene awi uuvullusenooyo ari wuuwi? Ethiyo oohoollellaanyu awi yuutetezenaayo eri wuuwi?

Hoseya 5:15

Kineerohokollweella onipuroni waka ophiyera athwaaka ellakeyille nave yaambille okaashaasha. Mu ddookatamiha ddiwa, eneereweeseesa wi ekiphwanye.

Hoseya 7:10

Aisraele ennavaanyihiwa ni wiitukhulla wiwa. Koma va ddittheddenenndda khenahokollweella wa Apwiya Mullukwiiwa, khenawaashaasha.

Hoseya 7:14

Winllella wiwa wa miyaano tti wawoottha. Enniirema wonanko athu oohimudduwella Mulluku ekaamba yoopaalla yoocha ni yoowirya koma ennakiwukila.

Hoseya 8:4

Enniitthoollella mwene moohithwara opaalla waka. Enniikeraatthihella oohoollelliiwa kihiwaakhullelle. Ahiipangella mafano asiliva ni agolide koma aaddoonongana.

Mika 2:1

Otulli wa athu ookhozekella ddoochimwa ayo yaakonaka mahiiyu mattheene enaganizera mitteko ddoonanara. Wasa ohinase ennaddeera vawi aakhalla ni masiva.