Hoseya 7:4 - Mawu a Mulluku

⁴ Attheenaayo tti oohiroromelleya wiita wiwa tti wookhara wonanko munllo wa mu ufuni oyo oomwaapeya buledi ahinattettheereeye waambeella ovillika mitthi dda buledi ophiyera buledooyo afufumalle.

Hoseya 7:4 Iomraidhean Croise

Yeremiya 23:10

Ellapo yooddalla ni athu ooraruwa ekaamba ya tembelelo na Apwiya. Mwiillaponi moovollowa ettalla, mapuro oochihellawo enama muhakani ahumma. Enathamakella ddoonanara, enallipihella ddoohilungama.

Yeremiya 9:1

Ddaawerokiddivella murwaaka waariki ehime ya maaddi, miitthwaaka yaariki neetuutu a miitthori, wi kiwinllelleke otthaana ni mahiiyu attheene ayo yakhwille a mutundu wa athwaaka.

Yeremiya 9:2

Ddaawerokiddivella kaariki ni vookona muchipululuni wi kaahiye ni waathawa athwaaka. Vawi attheene tti ooraruwa, mulloko wa athu awoottha.

Hoseya 4:10

Eneerekoocha koma khevonaka, eneerekoraruwa koma kheyaataka vawi ahaahiya Apwiya yiivelleella o ddooraruwa.”

Hoseya 4:12

Athwaaka ennaveka ezeru o nifano namuteekho nave ennoombesa ni ekopo ddiwa. Munepa wa oraruwa wohaahollosa nave voomuhiyani Mullukwiiwa aakhalla oohiroromelleya.

Hoseya 4:2

Ennallupella mwawoottha, ennallota ddawoottha, enniipha, enniiya ni oraruwa. Machimo aattepa nave enniiphanana.

1 Akorinto 5:6

Kheyaphaama wi nyuwaano mwiitukhulleke! Ethiyo khamunadduwella wi, “Yisiti ooyeva annamufufumiha buledi muttheene”

Yakobo 4:4

Nyu athu oohiroromelleya! Khamunadduwella wi waattana ni ellapo yavatthi tti wiitana ni Mulluku? Athu enapaalla waattana ni ellapo yavatthi enaddiitaniha weekhiiwa ni Mulluku.