Hoseya 7:2 - Mawu a Mulluku

² Koma khenaganiza wi kinnuupuwella mitteko ddiwa ddoonanara. Ddoolakwa ddiwa ddohaahuruwella nave kheddinavenyamo m'mwiitthoni mwaka.

Hoseya 7:2 Iomraidhean Croise

Yobu 34:21

Miitthwaaye eri va ettilla dda muthu, annawehesesa meetellwaaye mattheene.

Masalimo 10:11

Oonanara m'murimani mwaye anallota wi, “Mulluku khanapwathawo, ookhuneella owiitthoni, khakoona.”

Masalimo 25:7

Muhinuupuwella machimo a esombwaaka ni ovudduwa waka koma mukeerelle echifundo, nyu Apwiya ekaamba ya echikondaanyu yoohisintheya vawi nyuwaano tti aphaama.

Masalimo 50:22

Vano ganizani phaama nndda, nyu ayo munamutiwalla Mulluku wi kineerewuukhaddullani, khaavothi anaawuuvulluseni.

Masalimo 9:16

Apwiya aadduupullulla weekhiiwa vaweeruzani moolungama. Athu oonanara aamakiwa mu musampha wooreya weekhiiwa.

Masalimo 90:8

Moohiya machimwaahu vamiitthoni vanyu, ddoonanara ddahu ddoovittheya mooddoonihella vaweella.

Yesaya 1:3

Eng'ombe ennamudduwella mwaneena nave bulu annadduwella nko pwinnya anamuchiheeyewo koma Israele khanadduwella. Athwaaka kheniiwa naari vang'ono.”

Yesaya 26:16

Nyu Apwiya, va enthawi ya ddoohoosa, athwaanyu yaawaashaashani. Enthawi eyo mwaallakeenyu, yaavekella wa nyuwaano.

Yesaya 44:19

Khaavo anaganiza phaama, khaavo eezeru apaalle awiiwesesa oowora oollota wi, “Embali emodda ya muteekho kaayootha, va mankhalliiwa kaamwaapeyavo buledi nave kahoosavo enama kicha. Vano embali yoohalleella kaapangella ello yoonanara. Ethiyo mi killapelleke muteekho?”

Yesaya 5:12

Enakhallella wiipa azeze, magitala, ekoma ni ezitoliro, enamuwirya vinyo va machellellwiiwa. Koma khenapwatha apaalle woona mitteko dda matta a Apwiya.

Yeremiya 14:10

Apwiya enallota dda athu yaalla wi, “Ennaddivelliwa weeteeta nko enapaalliiwa nave khenawora wiivaanyiha. Sika mi Apwiya nginawaakhella nave kineerewuupuwella onanara wiwa, kineerewaallaka ekaamba ya machimwiiwa.”

Yeremiya 16:17

Miitthwaaka ennoona makhallellwiiwa mattheene oonanara nave tti oohiipittheeya vamiitthoni vaka. Khaniivo naari nichimo nimodda nno kihinanidduwelleemi.

Yeremiya 17:1

Apwiya enallota wi, “Machimo a Yuda elembiwe ni yoolembella yamukoko, ya etthoka yanlluku na daimondi va mirimani ddiwa ni va makuwiiwa.

Yeremiya 2:19

Muneerollakiwa ni machimwaayu vawi mookikhoota kineerowiipani mullatu. Muganizere phaama dda onanara wa okihiya, Apwiya Mullukwaanyu. Muganizere phaama dda ovoreya wa ohikoova, mi Apwiya Mulluku Amasiva Mattheene koollota.”

Yeremiya 32:19

Ddoolinga ddanyu tti dduullupalli nave mitteko ddanyu tti ddamasiva. Miitthwaanyu ennoona ddaweera ddittheddene dda athu nave munnamullivella arive muthu moollikana ni mitteko ddaye.

Yeremiya 4:18

Nyu Ayuda, nndda dduumorenlleni ekaamba ya makhallellwaanyu ni mitteko ddanyu. Nngu sika ollakiwa wanyu nave tti woovoreya mookusa murima.

Yeremiya 44:21

“Ethiyo muneesa wi Apwiya aatiwalla apaalle khenuupuwella dda lubani moosa nyuwaano, makhollwaanyu, mamwenaanyu, enduna ddanyu ni athu a mwiillaponimmu, m'mizindani dda o Yuda ni m'misewuni dda mu Yerusalemu?

Ezekiele 21:29

“Nnddo enaddooniiwa m'masomphenya tti ddawoottha navettho makhanga enoombesiiwa tti oolleka. Muneerokhalla nimodda ni athu oonanara ayo nllapo niwa niphiyalle, ollakiwa wiwa woomallihella.

Hoseya 12:2

Apwiya ennawiipa mullatu athu a o Yuda, eneerewaallaka a mu nibanja na Yakobo ekaamba ya makhallellwiiwa nave eneerewaahokollosella moollikana ni mitteko ddiwa.

Hoseya 4:9

Vano allupa mukuthwaayo kineeroweerella nnddo kinaaweerelleemi athu. Kineerewaallaka ekaamba ya makhallellwiiwa oonanara ni waahokollosella mitteko ddiwa ddoonanara.

Hoseya 6:2

Vamalla mallapo meelli eneeronihihimulla. Va nllapo naneeraru eneeronivenyiha wi nikhalle ni okumi vamiitthoni viwa.

Hoseya 8:13

Ennavelleella mikutho dda enama wa miyaano enattakhuna enama yamukuthweeyo koma mi Apwiya nginahakallallana naari vang'ono. Ngiwa kitiwalla onanara wiwa nave kineerewaallaka machimwiiwa. Kineerewaahokollosella wuukaporoni o Iguputo.

Hoseya 9:15

Apwiya enallota wi, “Onanara wiwa otthewene waambeelle o Giligala. Kaambeelle wiitanana wenko. Kineerowiikariha mwiillaponi mwaka kaambiiwa makhallellwiiwa tti oonanara. Ngiwa kaakondattho, oohoollelliiwa attheene aakiwukila.

Hoseya 9:9

Athu enimananarave wonanko ddeereyelliiwa o Gibea. Sika ekaambiiwa Mulluku khawa atiwalla onanara wiwa nave aneerollaka machimwiiwa.

Amosi 8:7

Apwiya Mulluku, ayo edduullu dda Yakobo enakotelliiwa aallupella wi, “Ddawoona ngiwa kitiwalla ddaweera ddiwa ddittheddene.

Yona 1:2

“Khawe o Nineve, o muzinda muullupalloolle. Waahumullulle moollipa vawi miyaano kinnadduwella onanara murima wa athu a m'muzindammo.”

Numeri 32:23

Koma mwaaheera ddiiddo, mohaachimwella Apwiya nave dduwellani wi nichimo nanyu nineerewuuthwarani.

Luka 12:2

Erive ello yawiipittheya vano eneerewuupullulliwa navettho erive yookhuweya eneerodduwanyeya.

1 Akorinto 4:5

Sika muhimweeruze arive muthu enthawi yoophwanella ehinakwakhwane, owa wa Apwiya. Eneerewooniha ddawiipittheya dda mwiipiphini nave eneerewuupullulla maganizo a athu. Nave attheene eneerewaakhella ntitimiho naye na wa Mulluku.

Deuteronomo 32:29

Yaariki ni ezeru yeerewiiwesesa, yeerodduwella nnddo ddinaamorelle.

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.