Hoseya 7:12 - Mawu a Mulluku

¹² Orive weko enaayeekiiwaawo kineerewaareya nthavi. Kineerewaamoriha wonanko epallame ddoovava. Kineerewaallaka ekaamba ya ddoolakwa ddiwa.

Hoseya 7:12 Iomraidhean Croise

Yobu 19:6

Ethiyo khamunadduwella wi Mulluku sika akirukunuwelle, olliye sika akireyille musampha yoolla.

Oollalleya 9:12

Muthu khanadduwella enthawaaye. Monga mmo ehomba enakolelliwiiwa munthavini, epallame enakolelliwiiwa m'musamphani, tti emoddamoddave yeeyottho athu ekoliwe m'musamphani va enthawi yoonanara, otulli waamorella moorurumusa.

Yeremiya 16:16

Apwiya enallota wi, “Kineerowiithana adani anchichi wonanko awiipha ehomba nave eneerewaaphara athwaalla. Vatulli viwa kineerowiithana adani amoddattho anchichi wonanko oosaya enama wi yaaphare athwaalla omiyaangoni, o asimiyaango ni m'makhunguni a m'mallukuni.

Yeremiya 44:4

Komave miyaano kaavirellella waaruma amurummwaaka anamallotella wi yuulleelleni wi, ‘Muheereke ddoonanara nnddo mi kiniitaneemina.’

Ezekiele 12:13

Koma kineeromureya nthavi nno ninaamukole. Kineeromukusella o Babiloni ellapo ya Akaldeya koma khoonaka nave anaakhwelle wenko.

Ezekiele 17:20

Kineeromureya nthavi nave kineeromukola mu musamphaaka. Kineeromupharella o Babiloni nave kineeromullaka wenko ekaamba yawi khaakiroromenlle.

Ezekiele 32:3

Mi Apwiya Mulluku kinallota wi kaatthukumaniha athu a mitundu ddinchichi, kineerewuuvokhella nthavi nave alliwa eneerewuuphara munthavini naka nuullupalli.

Hoseya 5:9

Efuremu aneerotthattuwa ntepe va echiweruzo. Kinallalleya ddawoona wa nyu Aisraele attheene.

Yawuupullulla 3:19

Kinnaahumullulla ni waallaka attheene kinaakondeemi. Vano llipihellani wi murukunuwe murima.