Hoseya 6:2 - Mawu a Mulluku

² Vamalla mallapo meelli eneeronihihimulla. Va nllapo naneeraru eneeronivenyiha wi nikhalle ni okumi vamiitthoni viwa.

Hoseya 6:2 Iomraidhean Croise

Genesis 17:18

Nave aamulleella Mulluku wi, “Kinuuvekani wi munipuroni mwiwa m'mudalise Ishmaele.”

2 Mamwene 20:5

“Hokollowa, wamulleelle Hezekiya, mwene a athwaaka wi, ‘Mi Apwiya Mulluku a nikhollo nawo Davide kohiiwa ovekella wawo nave kooddoona miitthori ddawo. Vano kineerewuuchiriha. Oneerowora ollapella o enyumba ya Apwiya omuroto vano.

Masalimo 61:7

Akhalle vampandonaaye woomwene vamiitthoni va Mulluku wa enthawi yoohimalla. Nyu Apwiya, echikondaanyu yoohisintheya ni ororomelleya wanyu ddimusunge.

Masalimo 71:20

Nyu mwanoonihalle ddookatamiha ddoovoreya muneeronivenyiha, muneerokikhumihattho mu nlliti noowallamella na vatthi va ellapo.

Oollalleya 3:3

Vookhalla enthawi yawiipha ni enthawi yoochiriha, enthawi yookumulla ni enthawi yoomaka.

Yesaya 26:19

Athu ookhwa eneerokhallattho ni okumi, miilli ddiwa ddineerovenya. Nyu attheene muri mu mahame, venyani ni wiipa nchipo moohakallalla. Wonanko nikame ninoollowihelliiwa vatthi ohihimulla ddoomella, emoddamoddave yeeyo Apwiya eneerewaavenyiha ookhwa.

Yesaya 30:26

Mweeri oneerowala wonanko nndduwa nave nndduwa nineerowalesesa wonanko olendo otthanu ni opiilli owala wa nllapo nimodda. Ddenndda ddineereye mvo Apwiya enaamakiiwa ni ovolliha makhwata ayo mwaneeniiwa yaambihalliiwa vawaallakani athwiiwa.

Hoseya 13:14

Ethiyo kaavulluse wa ookhwa, kiwoopolla wuukhwaani? We okhwa, mullillaawo ori wuuwi? Ethiyo mahame, woononga wawo ori wuuwi? Athu yaalla ngiweerellattho echifundo.

Hoseya 7:2

Koma khenaganiza wi kinnuupuwella mitteko ddiwa ddoonanara. Ddoolakwa ddiwa ddohaahuruwella nave kheddinavenyamo m'mwiitthoni mwaka.

Yohane 14:19

Yoohalla enthawi yooyeva nave athu a va ellapo yavatthi khewa ekoonattho miyaano koma nyuwaano muneerokoona miyaano kaambiiwa miyaano tti mukumi wa enthawi yoohimalla muneerokhalla akumi wa enthawi yoohimalla.

Aroma 14:8

Nakhalla akumi, ninakhalla akumi wi naarumeyelleke Apwiya nave nakhwa ninakhwa wi naarumeyelleke Apwiya. Sika nakhalla akumi apaalle nakhwa niri a Apwiya.

1 Akorinto 15:4

wi aavitthiwa nave wi aavenyihiwa wa ookhwa viviralle mallapo mararu, wonanko mmo ddilembelliwiiwa mu mawu a Mulluku,