Hoseya 6:1 - Mawu a Mulluku

¹ “Hankoni nihokollweelle wa Apwiya, aanikhaddulla koma eneeronichiriha. Aaniphoriiha koma eneeromaka makhwataahu

Hoseya 6:1 Iomraidhean Croise

2 Epilli 30:6

Vano amithenga yaaya o Israele otthewene ni o Yuda ni makalata oovenyera wa mwene ni enduna ddaye. Mwene aalamula wi, “Nyu athu a mu Israele, hokollweellani wa Apwiya Mulluku a Abrahamu, Isaki ni Yakobo wi alliwa ehokollweelle wa athu muhanlle, nyu mwavulluwalle m'mattani mwa mamwene a o Asiriya.

Yobu 16:9

Mulluku ookitthalla moonanariwa, ookiita, ookillumella miino, mudanaaka ookikhumihella miittho.

Yobu 22:23

Ohokollweelle mwawiiyeviha wa Amasiva Mattheene, ddoohilungama ddirekamellane ni enyumbaawo.

Yobu 34:29

Mulluku eera tuu, ttaani anaamuhumullulle? Iipitthiha ekhovaaye, ttaani anaamoone? Komave olliye sika annaawehesesa athu apaalle mitundu dda athu

Yobu 5:18

Vawi annaphoriiha navettho annamaka makhwata. Annuukutha navettho mattaaye ennachiriha.

Masalimo 30:7

Ekaamba ya oreera murima wanyu, nyu Apwiya, mwaakikeraatthiha wonanko mwaango woollipa. Koma mwiipitthihalleenyu ekhovaanyu kaatathilla murima.

Masalimo 6:2

Apwiya keerelleni echifundo, vawi miyaano tti oofooka Apwiya kichiriheni, vawi makhuvaaka aheengereya.

Masalimo 71:20

Nyu mwanoonihalle ddookatamiha ddoovoreya muneeronivenyiha, muneerokikhumihattho mu nlliti noowallamella na vatthi va ellapo.

Oollalleya 3:3

Vookhalla enthawi yawiipha ni enthawi yoochiriha, enthawi yookumulla ni enthawi yoomaka.

Yesaya 17:7

Nllapo nenno athu eneeroweha wa Owaaphatusiiwa nave eneerorukunuwella wa Aweella a Israele waashaasha nikavihero.

Yesaya 2:3

Athu a mitundu ddinchichi eneeroowa ellotaka wi, “Hankoni niwelle o mwaango wa Apwiya, o enyumba ya Mulluku a Yakobo! Eneeronihuddiha ettilla ddiwa nave nineeteke mwemmo. Vawi o Ziyoni sika onaavenyereke malangizo, o Yerusalemu sika onaakhume mawu a Apwiya.

Yesaya 30:22

Vaavo muneerokusa mafanwaanyu, mamodda oohuruwelliwa ni siliva nave amodda ni golide nave muneerewaatathilla wonanko ekattha voollotani wi, “Ddivenyevo ddenndda.”

Yesaya 30:26

Mweeri oneerowala wonanko nndduwa nave nndduwa nineerowalesesa wonanko olendo otthanu ni opiilli owala wa nllapo nimodda. Ddenndda ddineereye mvo Apwiya enaamakiiwa ni ovolliha makhwata ayo mwaneeniiwa yaambihalliiwa vawaallakani athwiiwa.

Yesaya 55:7

Oonanara ehiye makhallellwiiwa oonanara, oohilungama ehiye maganizwiiwa oohilungama. Ehokollweelle wa Apwiya, wi alliwa eweerelle echifundo. Ehokollweelle wa Mullukwaahu wi alliwa yaakhululukellesese machimwiiwa mwawoollowa murima.

Yeremiya 3:22

Nyu athwaaka oohiroromelleya hokollweellani wa miyaano, kineerewuuchirihani wi mukhalle ororomelleya. Nyu munallota wi, “Ninimawa wa Apwiya vawi alliwa tti Mullukwaahu.

Yeremiya 30:12

Apwiya enallota wi, “Nikhwata nanyu tti noohivolliheya, nikhwata nanyu nimmattatthareya.

Yeremiya 30:17

Koma nyuwaano, kineerochiriha ereta ddanyu, kineerovolliha makhwataanyu. Naari amodda yeesaka wi mootathilliwa, voollotani wi ‘Alla tti athu a o Ziyoni, khenna owaapwatha.’ Mi Apwiya koollota.”

Yeremiya 33:5

Ababiloni enimawa wi ehelle ekhoto nave enyumba ddiwa ddineeroddalla ni mitembo dda athu ayo kawiiphalleemi moowalli ni moosha murima. Muzinda yoolla koowureya etulli ekaamba ya ddoonanara dda athwiiwa.

Yeremiya 33:6

Koma muhoollo, muzindoolla kineerowuvaha okumi nave athwiiwa kineerewaachiriha ni waavaha ddaphaama ddawaata ni murendelle wawoona.

Yeremiya 50:4

Apwiya enallota wi, “Mallapo yaayo, enthawi yeeyo Aisraele ni Ayuda eneerotthukumana vamodda, eneeroowa yinllaka. Eneerewaashaasha ddoopaalla dda Apwiya Mullukwiiwa.

Yeremiya 50:5

Eneerokohera dda ettilla ya o Ziyoni nave eneerowaamba olendo woohokollweella wenko. Nave eneerewiipataaniha wa Apwiya mwa a echipangano ya wa enthawi yoohimalla, yoohitiwalleya.

Maliro 3:11

Aakhoromaniha ettillaaka, vatulli viwa aakitthallatthalla akihiya mattave.

Hoseya 11:10

“Kineerewaathurumella wonanko mukango nave athwaaka eneerokithwara. Kineerothuruma nave eneerokithamakella etthukumellaka ovenyera woovollowa nndduwa.

Hoseya 12:6

Vano nyu attheene hokollweellani wa Mullukwaanyu. Mukhalle a echikondi ni oolungama. Nave mumuroromelleke Mullukwaanyu enthawi ddittheddene.

Hoseya 14:1

Nyu Aisraele, hokollweellani wa Apwiya vawi mwaamora ekaamba ya machimwaanyu.

Hoseya 14:4

Apwiya enallota wi. “Kineerochiriha ereetiiwa ya ohiroromelleya, kineerewaakonda ni murimaaka muttheene vawi koohiya waashella murima.

Hoseya 3:5

Vatulli viwa Aisraelaayo eneerohokollowa ni owaashaasha Apwiya Mulluku ni edduullu ya Davide mweniiwa. Enthawi yeeyo Aisraele eneerowoovattho Apwiya nave eneerewaakhella ddaphaama ddiwa.

Levitiko 14:48

“Mullupa mukutho awa awehesesa mpammo nave aphwanya wi enguweeyo khemwareyellemo enyumbeeyo eyisiringalle, mullupa mukutho ayeere enyumbeeyo yaweella vawi enguweeyo kheyaamo.

Zefaniya 2:1

Nyu athu oohiwulliwa muru, ithananihani nave tthukumanani,

Deuteronomo 32:39

“Onani wi miyaano sika Mulluku mwaneena, nave khaavo mulluku mmodda. Kinniipha nave kinnavahattho okumi, kinnaphoriiha nave kinnachirihattho, khaavo oomuvullusa muthu m'mattani mwaka.

1 Samuele 2:6

Apwiya ennawiiha okhwa nave ennahokollosella okumi.

1 Samuele 7:3

Vano Samuele ahaalleella Aisraele attheene wi, “Mwaapaallaka ohokollweella wa Apwiya ni murimaanyu muttheene, muvenyihe milluku ddeelleto ni dda Ashitaroti variyari vanyu. Murimaanyu muttheene okhalle va Apwiya ni waarumeyella alliwave. Mweeddiiddo eneerewuuvullusani wa Afilisti.”