Hoseya 4:8 - Mawu a Mulluku

⁸ Ennaphwanyavo eyuuma yinchichi va ochimwa wa athwaaka nave ennapaalla wi athu echimwekeve.

Hoseya 4:8 Iomraidhean Croise

2 Mamwene 12:16

Makobiri oollivella mukutho wa mullatu navettho makobiri oollivella mikutho ddoopepesella machimo kheyaavokha mu nibokosi na mu enyumba ya Apwiya koma yaari a allupa mukutho.

Masalimo 24:4

Tti oyo aneera ddaphaama, ari ooreera murima, ahinallapella mafano, ahinallupella moolleka.

Masalimo 25:1

Kinavelleella murimaaka wa nyu Apwiya.

Yesaya 56:11

Tti wonanko anapwa. Naari abusa khenna ezeru vawi arive muthu aneera eneeta ettilla ddaye nave anapaalla ddoomuddivella yeekha.

Ezekiele 14:3

We mwaana a muthu, athu yaalla aahiya murimiiwa va mafano nave miitthwiiwa va ddookwakwatulliha ni waachimwiha. Ethiyo alliwa enaganiza wi kineerowaakhulla yaveka ezeru wa weyaano?

Ezekiele 14:7

“Arive Muisraele apaalle mulleto ookhalla variyari viwa aakikhoota, ahiya murimaaye muttheene va mafano nave ahiya miitthwaaye va ddookwakwatulliha ni waachimwiha, awa anakiveka ezeru oweella mwa namallotella, miyaano kineeromwaakhulla.

Hoseya 10:13

Mwahaalla ddoolakwa nave mwaahata ohilungama, moocha ezipaso ddiwa dda ddawoottha. Ekaamba yawi munaroromella magaretaanyu ni waata wa athwaanyu akhoto,

Hoseya 12:8

Efuremu aallota wi, ‘Kootukhuwa, kookhalla ni eyuuma yinchichi, khaphwanya mullatu mwa miyaano va eyuumaaka.’

Hoseya 14:1

Nyu Aisraele, hokollweellani wa Apwiya vawi mwaamora ekaamba ya machimwaanyu.

Levitiko 6:22

Vano mullupa mukutho a nlloko na Aroni oyo atthoolliwe wi avollowe munipuroni mwaye, ashellelliheke mukutho muttheene vawi mukuthooyo tti wa Apwiya enthawi ddittheddene.

Levitiko 6:26

Mullupa mukutho oyo anaayiheraatthi enameeyo, ache enameeyo vanipuroni noopatuleya sika wi vanthatoni na musasa wamutthukumano.

Mika 3:11

Oohoollella kheneeruza vaahikhalla ddamukaphwani, allupa mukutho khenahuddiha vaahikhalla mallivello navettho anamallotella khenallotella vaahikhalla makobiri. Komave enahameella va Apwiya voollotani wi, “Ethiyo Apwiya kheri variyari vahu? Kheyiivo yookatamiha enaanimorelle!”

Malaki 1:10

Apwiya Amasiva Mattheene enallota wi, “Ttaani anaawalle mullako wa enyumbaaka wi muhikharihelle nivuddo munllo wa va nikuwa naka. Nginahakallalla ni nyuwaano nave ngaakhella ddoovelleella ddanyu.

Aroma 16:18

Vawi athu yaayo khenamurumeyella Khrisitu, Apwiihu koma minkhella ddiwa. Ennaalleka athu ooreera murima voollotani mawu ooreeriha.

Tito 1:11

Tti woopaalleya waamaalliha kaambiiwa ennaapheelliha muru mabanja mattheene voohuddihani ddoohiphwanella. Eneera ddenndda ni yoolinga yoonanara, yoopaalla ophwanya makobiri.

2 Petro 2:3

Ekaamba ya nrima ahuddihi awoottha yaalla eneerewuullekani vawuulleellani miyaha ddawoottha. Ollakiwa wiwa wookhozeka khalle nave oowoonongiiwa khanakona!

1 Samuele 2:29

Vano kaambiiwa tini munavevulleenyu mikutho ddaka ni ddoovelleella nnddo kalamulelleemi mookhallamo mwaka? Ethiyo onaariiha anaawo okikhwaranya miyaano vawiinenevihani ni ddoocha ddooddiva wunchichi dda vamukuthoni vaka nnddo athwaaka Aisraele enavelleelliiwa.