Hoseya 4:3 - Mawu a Mulluku

³ Sika ekaambiiwa ettalla enaamoriiwa mwiillaponi nave attheene ookhallamo eneerokhwa vamodda ni enama ddamuhakani, epallame ddoovava ni ehomba ddamunyanja.

Hoseya 4:3 Iomraidhean Croise

Yesaya 33:9

Ellapo eniminlla nave ehanlle vang'ono omalla. Otthako wa o Lebanoni woonyaalla nave ntapo naphaama na Sharoni nootthattuwa echipululu nave miteekho dda o Bashani o Karimele ddoovakareya makukhu.

Yeremiya 12:4

Ethiyo ellapo eninlle ophiyera niini? Nave manasiiwa enaanyaalle ophiyera niini? Kheviri epallame apaalle enama ddoohalla vawi athu ookhallamo tti oonanara, enallota wi, “Mulluku khoona mamallihellwaahu.”

Yeremiya 23:10

Ellapo yooddalla ni athu ooraruwa ekaamba ya tembelelo na Apwiya. Mwiillaponi moovollowa ettalla, mapuro oochihellawo enama muhakani ahumma. Enathamakella ddoonanara, enallipihella ddoohilungama.

Yeremiya 4:25

Kaaweha nave ngaamonille naari muthu mmodda, epallame ddittheddene ddooddullu ddaathawe.

Yeremiya 9:10

Mi kaallota wi, “Kineeromoriwa ethakaraka ni winlla mookhuwa ekaamba ya miyaango, ekaamba ya mapuro oochihellawo enama a muhakani vawi mapuro mattheenaayo ahoonongeya. Khaavo anayaawo, khoniiweyattho naari winlla wa eng'ombe. Epallame ddittheddene ddoovava enama ddamuhakani ddoothawa, oohooneyattho.”

Yeremiya 9:9

Ethiyo sika ttuulephela waallaka ekaamba ya ddenndda, ttuuhiwuhokollosella ddoonanara mutundu wawi ddiiddoolla? Mi Apwiya koollota.’ ”

Ezekiele 38:20

Ehomba ni epallame, enama ddamuhakani ni ddawaapadda ddittheddene vamodda ni athu attheene ookhalla mu ellapo yavatthi ddineerotthukumella vamiitthoni vaka. Miyaango ddineeromora, mapuro ooserereya owaaka esiri ddittheddene ddineerokumuwa.

Yowele 1:18

Eng'ombe ddiniminlla ni ettalla, ddinimoona weeteeta ekaamba yoorama munyepu naarittho enkhosa ddinimahoowa.

Amosi 1:2

Amosi aallota wi, “Apwiya enimathuruma ovenyera o mwaango wa Ziyoni, mawiiwa eniiweya wonanko ogugudeya wa murimu ovenyera o Yerusalemu. Munyepu onimanyaalla, manasi a vamwaangoni wa Karimele enimumma.”

Amosi 5:16

Sika ekaambiiwa Apwiya Mulluku Amasiva Mattheene enallotiiwa wi, “Muneerokhalla winlla m'mathatoni mutthemwene, m'misewuni mutthemwene ekuthove wi, ‘Kookhwa! Kookhwa!’ Naari athu shisha, oollima eneerowiithana wi yinlle, vamodda ni eeruso yawinlla vamalironi.

Amosi 8:8

Ekaamba ya ddittheddenenndda, ellapo yavatthi eneerotikheya, arive muthu ookhallamo aneeromoriwa ethakaraka. Ellapo ettheene yavatthi eneerovidduwa wonanko Nailo, eneeronyaruwa ni owelleella wonanko muhinje wa o Iguputo.”

Nahumu 1:4

Yahumullulla enyanja, ennumma, ennummihattho mihinje ddittheddene. Ddoomella dda o Bashani ni Karimele ddinnumma, malluwa o Lebanoni ennanyaalla.

Zefaniya 1:3

Kineerowoononga athu ni enama ddene, kineerowoononga epallame ddamuddullu ni ehomba ddamunyanja, kineerewaatthollosa athu oochimwa, kineerowoononga athu attheene waavenyiha va ellapo yavatthi,” Mi Apwiya koollota

Zekariya 5:4

Apwiya Amasiva Mattheene eni, ‘Tembelelo nenno kineeronirumiha mpa mwa mullupaawiiya ni mpa mwa muthu oollupella mwawoottha vooromollani nnddina naka. Nineerokhalla mpammo ophiyera yoonongeyille ettheene, matabwiiwa ni mallukwiiweene.’ ”