Hoseya 4:2 - Mawu a Mulluku

² Ennallupella mwawoottha, ennallota ddawoottha, enniipha, enniiya ni oraruwa. Machimo aattepa nave enniiphanana.

Hoseya 4:2 Iomraidhean Croise

Genesis 4:8

Nllapo nimodda Kaini aamulleella mung'onong'onwaaye Abele wi, “Hanko niye omata” Ephiyalle omata wulle, Kaini aamurukunuwella mung'onong'onwaaye nave aamwiipha.

Yesaya 24:5

Athu yooripiha ellapo yavatthi voohithwarani malamulo a Mulluku voovevullani mawaaye ni voohiiwellellani echipangano yoohimalla.

Yesaya 48:1

Nyu a nibanja na Yakobo, ngiiwani nndda, nyu munaromolliwa ni nnddina na Israele, nyu edduullu dda Yuda. Munnallupella vamiitthoni va Apwiya, munavekella wa Mulluku a Israele, koma moohiroromelleya ni moohilungama.

Yeremiya 51:5

Israele ni Yuda kheyaahiyiwe ni Mullukwiiwa, Apwiya Amasiva Mattheene naari ellapwiiwa eddanlle ni machimo oomuvevulla Aweella a Israele.

Yeremiya 6:7

Wonanko mmo ehime enasungelliiwa maaddi, sikattho Yerusalemu anasungelleeye ddoonanara ddaye. Kinniiwa mwa olliye dda echiwonongeko ni ekhoto nave kinnoonattho ereta ni makhwata.

Maliro 4:13

Ddenndda ddaheereya ekaamba ya machimo a anamallotelliiwa ni ddoonanara dda allupa mukuthwiiwa ayo yawiiphalle oolungama.

Ezekiele 7:23

“Khozani onyolo vawi athu oowiipha akhwiiwa ahaata mwiillaponi, muzinda wooddalla ni ekhoto.

Hoseya 10:13

Mwahaalla ddoolakwa nave mwaahata ohilungama, moocha ezipaso ddiwa dda ddawoottha. Ekaamba yawi munaroromella magaretaanyu ni waata wa athwaanyu akhoto,

Hoseya 10:4

Mamwene enallota mawu oohikhalla ni mutteko. Ennallupella ni opangana ddawoottha. Echilungamo yootthattuwa ohilungama wonanko ophuwa wa makukhu oowaawa a m'matani.

Hoseya 11:12

Apwiya enallota wi, “Aefuremu aakaapheella ni ddawoottha. Aisraele tti noolleka nave Ayuda aakiwukilave miyaano Mulluku Aweella ni oororomelleya.”

Hoseya 12:14

Koma Aefuremu yaattatthamulla osha murima waka sika ekaambiiwa kinaawaallakeemi ni okhwa. Kineerewaallaka kaambiiwa yaakiwulliha muru wunchichi.”

Hoseya 5:2

Oowukila ahiikatella wunchichi m'machimwiiwa, miyaano kineerewaallaka.

Hoseya 6:8

Giliyadi tti muzinda wa athu oonanara, enniiphanana.

Hoseya 6:9

Monga mmo allupaawiiya enamwiipitthelliiwa muthu tti mmo allupa mukutho enatthukumanelliiwa wi ewiipheke athu va ettilla yooya o Shekemu. Ddawoona ennawiipha athu.

Hoseya 7:1

Kaawaachirihaka Aisraele, ochimwa wiwa onnooneyella vaweella nave mitteko ddoonanara dda Asamariya khaddivittheya. Ennaalleka athu, enninttaka enyumba monga allupaawiiya, ennaakha ddeko dda athu vaweella monga anamasikita.

Hoseya 7:3

Apwiya enallota wi, “Athu ennamukopa mwene ni mitteko ddiwa ddoonanara nave ennaddilleka enduna ddaye ni ddawoottha ddiwa.

Hoseya 7:4

Attheenaayo tti oohiroromelleya wiita wiwa tti wookhara wonanko munllo wa mu ufuni oyo oomwaapeya buledi ahinattettheereeye waambeella ovillika mitthi dda buledi ophiyera buledooyo afufumalle.

Mika 3:2

Koma munniitana ni ddaphaama ni okonda ddoonanara. Athwaaka munnawaatta ookumi ni ottovorolla muhehiiwa.

Mika 3:9

Ngiiwani, nyu oohoollella a nibanja na Yakobo, oolamulella a nibanja na Israele! Munniitana ni echilungamo, munnakhoromaniha ddeko ddawookowa.

Mika 6:10

Ethiyo mi ttuutiwalla eyuuma ya mu enyumba dda oonanara eyo yayiphwanyilliiwa moolleka ni yoolingella yawoottha eyo kiniitaneemina?

Mika 7:2

Athu oororomelleya aamalla va ellapo yavatthi, khaavo naari mmodda oolungama. Attheene enniipitthellana wi emorihe nikhame, arive muthu annamusaya mbalaaye ni nthavi.

Zefaniya 3:1

Otulli wa Yerusalemu, muzinda woowukila, wooripihiwa ni weekuku.

Zekariya 5:3

Sika aavirellella ollota wi, “Vaavo voolembiwa tembelelo nno ninaamorelle ellapo yavatthi ettheene. Arive mullupaawiiya aneerovenyihiwa mwiillaponi moollikana ni nnddo ddilembiwe embali emodda. Arive muthu oollupella mwawoottha olliyettho aneerovenyihiwa moollikana ni nnddo ddilembiwe embali emoddeella.

Zekariya 7:9

“Mi Apwiya Amasiva Mattheene kinallota wi, ‘Mweeruzaneke moolungama, mumorellaneke ethakaraka ni weerellana echifundo.

Mateyu 23:35

Voothwarellellani, ollakiwa wa ayo yawiiphalle athu oolungama onaakhalle vamuruni va nyuwaano ovenyera va wiiphiwa wa Abele oolungama ophiyera va wiiphiwa wa Zakariya mwaana a Barakiya, oyo mwaamwiiphalleenyu variyari va nipuro naweella ni nikuwa na mukutho mu enyumba ya Mulluku.

Mitteko 7:52

Makhollwaanyu yaamuhoosa arive namallotella. Yaawiipha athu ayo khalle yallalleyille dda owa wa muthu oolungama oyo mwaamuvelleenlleenyu wi iiphiwe.

Deuteronomo 5:11

“Ohiromolleke shisha nnddina na Apwiya Mullukwaawo kaambiiwa Apwiya eneeromullaka arive muthu ooromolla shisha nnddina niwa.

Deuteronomo 5:18

“Ohiraruwe.

Deuteronomo 5:19

“Ohiiye.

1 Atesalonika 2:15

Ayudaayo sika yawiiphalle Apwiya Yesu ni anamallotella nave yaanihoosattho hiyaano. Khenamuhakallalliha Mulluku navettho enniitana ni athu attheene.

Yawuupullulla 17:6

Nave kahoona wi mutthiyanooyo aalezela ni nikhame na athu a Mulluku yiiphiwe ekaamba yoovelleella omboni dda Yesu. Kamoonilleemi mutthiyanooyo, kaattikhina wunchichi.