Hoseya 4:1 - Mawu a Mulluku

¹ Nyu Aisraele, iwani mawu a Apwiya vawi aakhalla ni mullatu ni ookhalla mwiillaponi. Mullatweene tti wawi mwiillaponi khamuri ororomelleya apaalle oreera murima nave khenamudduwella Mulluku.

Hoseya 4:1 Iomraidhean Croise

1 Mamwene 22:19

Vano Mikaya aallota wi, “Sika iwellellani mawu a Apwiya. Mi kaawoona Apwiya ekeraatthille va mpandwiiwa woomwene ni angelo attheene yiimenlle onnattanatta ni wuunyotthoni wiwa.”

Masalimo 81:9

Vihiwe vikhalla mulluku eelleto variyari vanyu, muhiwe mumullapella mulluku mmodda.

Yesaya 1:10

Vano nyu oolamulella a o Sodomu, iwani mawu a Apwiya. Nyu a o Gomora, apellani maaru nnddo Mullukwaahu anuuhuddiheeyeni.

Yesaya 1:18

Apwiya enallota wi, “Hankoni vano nillote mullatwaanyu vawi naari machimwaanyu eri oofiiresesa, eneereweella mbee, naari efiiralle wonanko nikhame, eneereweella wonanko nthoche.

Yesaya 28:14

Nyu athu eepewe ayo munaalamulella athwiiwa a o Yerusalemu, iwani mawu a Apwiya.

Yesaya 34:1

Nyu athu a mitundu ddittheddene, waani vakhuviru wi mwiiwe! Nyu athu, ellapo ni ddittheddene ddookhalla mwemmo, iwani!

Yesaya 34:8

Ella sika enthawi eyo Apwiya eneeriiwa yaahokolloselle adani a Ziyoni ni waateteza athwiiwa.

Yesaya 5:3

Sika vano ookondiwaaka anallota wi, “Nyu athu ookhalla o Yerusalemu ni o Yuda, kinuuvekani wi mweeruze variyari va miyaano ni emataaka yampesa.

Yesaya 59:4

Khaavo anamwiipa mullatu mukhwaaye moolungama khaavo anaaye o nthato namillatu mwawoona. Enaroromella etthiru, enakhallella ollota ddawoottha. Ddawoona, athu oonanara ennakusa erukullu ya ddoonanara, ennayara makhallello oonanara.

Yesaya 59:8

Alliwa khenadduwella ettilla ya murendelle nave ddaweera ddiwa ddittheddene khaddinna echilungamo. Eneeta ettilla ddoovirikana nave arive muthu aweetamo khanaphwanya murendelle.

Yesaya 66:5

Nyu ootthukumella Apwiya yaallotaka, iwani mawu a Apwiya. Alliwa enallota wi, “Abalaanyu ayo eniitana ni nyuwaano ni wuukhootani ekaamba ya nnddina naka enallota wi ‘Apwiya etitimihiwe wi hiyaano noone ehakallallwaanyu.’ Koma alliwa sika enaawulliwe muru.

Yeremiya 11:7

Erive enthawi kaanaachenjeza makhollwaanyu ovenyera valle kaakhumihalleemi o Iguputo ophiyera ollello. Kaanaalleella wi yiiwellelleke mawaaka.’ ”

Yeremiya 19:3

wi, ‘Nyu mamwene a o Yuda ni attheene a o Yerusalemu, ngiiwani mawu a Apwiya. Apwiya Amasiva Mattheene, Mulluku a Israele.’ Enallota wi, ‘Kineeromorihella otulli wawoopiha vanipuroninna ophiyera wi arive muthu iiwa ddenndda aneerorurumuwa wunchichi.

Yeremiya 2:4

Nyu edduullu dda Yakobo, nyu mabanja mattheene a Israele, iwani mawu a Apwiya.

Yeremiya 2:9

“Sika vano mi Apwiya kineerowiipani wiilli mullatu, kineerewiipattho mullatu edduullu ddanyu.

Yeremiya 25:31

Otokollolla wuullupalli oneerewiiweya va ellapo ettheene yavatthi Apwiya voowiipani mullatu athu a mitundu ddittheddene. Alliwa eneeroweeruza athu attheene, oochimwa eneerewiiphiwa ni nsupada. Mi Apwiya koollota.’ ”

Yeremiya 34:4

We Zedekiya, mwene a o Yuda, iwa lonjezo na Apwiya vawi weyaano khokhwella okhotoni

Yeremiya 4:22

Apwiya enallota wi, “Athwaaka tti ookarangeya, khenakidduwella miyaano. Tti wonanko anamwani oohollowa, oohiiwesesa erive ello. Tti eeruso vaweerani ddoonanara koma weera ddaphaama khenadduwella.”

Yeremiya 4:28

Sika ellapo yavatthi ettheene eneerewinlla nave oddullu oneerokhalla epiphi. Vawi mi Apwiya koollota, ngirukunusa maganizwaaka. Kookeraatthiha yoolingaaka, ngihokollweella mutulli.

Yeremiya 5:4

Sika kaallota wi, “Alla tti ohoowa, khenna naari ezeru, khenadduwella ettilla ya Apwiya, kheniiwesesa nnddo Mullukwiiwa anapaalleeye.

Yeremiya 51:5

Israele ni Yuda kheyaahiyiwe ni Mullukwiiwa, Apwiya Amasiva Mattheene naari ellapwiiwa eddanlle ni machimo oomuvevulla Aweella a Israele.

Yeremiya 6:13

Vawi arive muthu, muullupalli ni mung'onong'ono, ookhalla ni eyuuma yoophwanya mwawoottha. Anamallotella ni allupa mukutho, attheene tti awoottha.

Yeremiya 7:28

Nave sika waalleelle wi mutundwiiwa khoniiwellella mawu a Apwiya Mullukwiiya nave khonapaalla ohumullulliwa. Ororomelleya khonaphwanya nave eyo ehanlle vayanoni viwa tti ddawootthave.”

Yeremiya 9:20

Mi kaallota wi, “Nyu atthiyana, iwellellani mawu a Apwiya, apellani maaru wi mwiiwe nnddo enallotiiwa. Ahuddiheni aniinyu aatthiyana winlla, ni akhwiinyu nchipo na maliro.

Yeremiya 9:3

Ennakhoromaniha nllumi niwa wonanko muura, ellapo yooddalla ni ddawoottha ohiri ddawoona. Apwiya yaallota wi, “Ennavirellella woonjerera ddoonanara, khenakidduwella mi Mullukwiiwa.”

Yeremiya 9:7

Ekaamba ya ddenndda Apwiya Amasiva Mattheene enallota wi, ‘Wonanko mukoko, kineeroweeka athwaaka. Alliwa tti oochimwa, kinaawore mwawiidde waahiyerera?

Ezekiele 16:35

“Vano we mutthiyana ooraruwa, ngiiwa mawu a Apwiya.

Hoseya 12:2

Apwiya ennawiipa mullatu athu a o Yuda, eneerewaallaka a mu nibanja na Yakobo ekaamba ya makhallellwiiwa nave eneerewaahokollosella moollikana ni mitteko ddiwa.

Hoseya 12:3

Aariiye m'mirimani mwa amennya Yakobo aaphara etotopwa ya mwanamunne nave unnuwalle mwamasiva aallipana ni Mulluku.

Hoseya 5:1

Nyu allupa mukutho, apellani maaru! Nyu Aisraele attheene, iwani. Nyu a mu nibanja noomwene, reyaani naaru! Mawaaka oollaka eneerewuumorellani ekaamba yawi nyuwaano mwakhanlle wonanko mullapa o Mizipa apaalle mureyille nthavi o mwaango wa Tabori.

Hoseya 5:4

Mitteko ddiwa ddoonanara ddoowalla ettilla ddiwa ddoohokollweella wa Mullukwiiwa vawi munepa wooraruwa ori mwa alliwa nave khenadduwella dda Apwiya.

Yowele 1:2

Nyu attekweene apellani maaru Nyu attheene ookhalla mu Yuda, kireyeni naaru. Ethiyo ddenndda ddaambilleke weereya mu enthawaanyu apaalle mu mallapo a makhollwaanyu?

Amosi 3:1

Nyu athu a o Israele, ngiiwani mawu a Apwiya awuuhumullullani ayo yuukhumihalleni mu Iguputo awi,

Amosi 7:16

“Sika vano ngiiwa mawu a Apwiya awi, ‘We onakilleella wi kihillotelle ddawaavaanyiha Aisraele ni nibanja na Isaki.’

Mika 6:2

Nyu miyaango ni matthipello ookeraattheya a ellapo yavatthi, iwani mullatu wa Apwiya. Apwiya enawiipa mullatu athwiiwa, enaahumullulla Aisraele.

Yohane 8:55

Nave nyuwaano khamunadduwella koma miyaano kinnamudduwella. Nave kallota wi nginamudduwella kinaakhalle awoottha wonanko nyuwaano. Koma miyaano kinnamudduwella nave kinnasunga mawaaye m'murimani mwaka.

Aroma 1:28

Vawi athu yaayo ennakhoota omwaakhullella Mulluku, Mullukooyo ohaahiya wi eganizeke ddoonanara ddennddo. Sika eneera ddeko ddoohiphwanella weeriwa.

1 Akorinto 15:34

Muhokollweelle o makhallellwaanyu aphaama nave muhiye ettilla ddanyu ddoochimwa. Kinallota wi kuuwulliheni muru kaambiiwa amodda a nyuwaano khamunamudduwella Mulluku.

Yawuupullulla 2:11

“Ngiiwani vano mwaarina maaru awiiwana ddinallota Munepa Waweella wa mipingo! Athu ayo enaapambane khevoreyiwa ni okhwa waneepiilli.

Yawuupullulla 2:29

“Ngiiwani vano mwaarina maaru awiiwana ddinallota Munepa Waweella wa mipingo!”