Hoseya 2:8 - Mawu a Mulluku

⁸ Khaadduwella wi tti miyaano kamuvaha tirigu, vinyo ni makhura. Khaadduwella wi tti miyaano kamuvaha siliva ni golide munchichi oyo athu yapangelliwa nifano na Baala.

Hoseya 2:8 Iomraidhean Croise

1 Epilli 29:16

Nyu Apwiya Mullukwaahu, noowaana eyuuma ettheeneella wi nimake enyumba wi nititimihe nnddina nanyu koma ddittheddene ddavenyenre wa nyuwaano nave tti ddaanyu.

Yobu 19:8

Mulluku ookitiyella ettilla wi kihivire, musewaaka oowuhuruwella ni epiphi.

Yesaya 1:3

Eng'ombe ennamudduwella mwaneena nave bulu annadduwella nko pwinnya anamuchiheeyewo koma Israele khanadduwella. Athwaaka kheniiwa naari vang'ono.”

Yesaya 46:6

Amodda ennamukhumiha golide m'mathumbani mwiwa, ennamulinga siliviiwa vasikeloni. Ennamulemba eeruso yoomuhana golide, olliye annaapangella mwanamulluku, ennakokhora ni omullapella.

Yeremiya 7:18

Anamwani enatotella ekhuni, allopwana enaviddeella munllo nave atthiyana enoottowa othu wi emoose buledi wi omuvaha olemu oyo enamweeriiwa mwene aamutthiyana ooddullu. Alliwa enahella mikutho ddaddoowirya wa milluku ddimodda wi ekishihe murima.

Ezekiele 23:41

Yaanakeraatthi vabedini ooreera nave vahoollo viwa vaanakhalla tebulo. Vatebulonimvo yaanahiyavo lubani* ni makhura ayo kaavaheemi.

Daniele 3:1

Mwene Nebukadinezara aapanga nifano nagolide, noorekama mamita 27, nooramballalla mamita mararu. Aaniimesa mu ntapo na Dura o echigawo ya Babiloni.

Daniele 5:23

Mohiitukhulla moovaanyihana ni Apwiya Ooddullu. Eziwiya dda o enyumba ya Mulluku aawaana o machellellwaanyu. Nave moomuwiryellamo vinyo nyuwaano, enduna ddanyu vamodda ni awarinyu uullupalli ni ang'onong'ono. Mootitimiha milluku ddasiliva, ddagolide, ddamukuwa, ddamukoko, ddamuteekho ni ddamalluku nnddo ddihinoona apaalle wiiwa. Khamwaamuvahille olemu Mulluku oyo anasunga m'mattani mwaye mpweyaanyu ni owehera meetellwaanyu mattheene.

Hoseya 10:1

Aisraele tti wonanko muteekho wa mpesa woohakallalla oyo onimma ezipaso ddinchichi. Mmo eyuumiiwa enavirellelliiwa waata tti mmo enavirellelliiwa omaka mapuro oollapellamo. Mmo munaatella makuwiiwa tti mmo mwiillaponi mwiwa munaatelliiwa apoto oopatuleya.

Hoseya 13:1

“Khalle Aefuremu yallota, athu yaanatthukumella vawi yaanavahiwa olemu mu ellapo ya Israele koma yaalakwa voomullapellani Baala nave eneerokhwa.

Hoseya 13:2

Vano enimachimwave, enniipangella mafano awoopiwa ni siliviiwa. Mafano mattheenaayo tti mitteko dda athu eeruso. Ennallota wi, ‘Velleellani mikutho wa yaalla nave mwaallapelle asaanang'ombaalla vawaakhupaarellani.’

Hoseya 2:5

Vallethi ameewa tti ooraruwa, ayo yaayarille yaaneera ddoowulliha muru. Yaanallota wi, ‘Kineeroddithwara ezibwenzi ddaka nnddo ddinakivaha yoocha ni maaddi, obweya ni nthoche, makhura ni vinyo.’

Hoseya 4:11

Apwiya enallota wi, “Vinyo akhalle naari musha annoononga ezeru.

Hoseya 8:4

Enniitthoollella mwene moohithwara opaalla waka. Enniikeraatthihella oohoollelliiwa kihiwaakhullelle. Ahiipangella mafano asiliva ni agolide koma aaddoonongana.

Habakuku 1:16

Ennaallapellattho mathaviiwa ni waaheraatthella mukutho ekaamba yawi ennaavaha erive ello yaphaama, ennaachiha ni waavoniha ddaphaama.

Luka 15:13

Viviralle mallapo ooyeva, mwaana mung'onong'onooyo aakulliha ddeko ddaye ddittheddene nave aavenyavo ni makobiraaye aya o ellapo yorekamella. Wenko ahaachella makobiraayo vaweerani makhallello oovudduwa.

Aroma 1:28

Vawi athu yaayo ennakhoota omwaakhullella Mulluku, Mullukooyo ohaahiya wi eganizeke ddoonanara ddennddo. Sika eneera ddeko ddoohiphwanella weeriwa.

Deuteronomo 8:18

Muupuwelleke nave muhaatiwalle Apwiya Mullukwaanyu wi sika enuuvahani masiva ookhallella ni eyuuma wi yoonihe ororomelleya wiwa ophiyera ollello va echipanganwiiwa eyo yallupenlliiwa ni makhollwaanyu.

Oweeruza 9:27

Athwaayo yaaya omata yarukulla ezipaso ddampesa eddiwamulla yeera ehakallallo. Vano yaaya o enyumba ya mullukwiiwa yacha ni owirya nave yaamba omutembelela Abimeleki.