Hoseya 2:7 - Mawu a Mulluku

⁷ Aneerothamakella ezibwenzi ddaye koma khaddiphwanya. Vano aneerollota wi, ‘Kihokollweelle wa mamunaka vawi khalle kaanakhalla phaama ohiyana ni muttano.’

Hoseya 2:7 Iomraidhean Croise

2 Epilli 28:23

Vawi aavelleella mikutho wa milluku dda o Damasiko nnddo ddamugonjihalle nave aallota wi, “Ekaamba yawi milluku dda mamwene a o Siriya ddahaakavihera, mi kineeroddivelleellella mikutho wi ddikikaviherettho.” Koma millukunnddo ddaamoononga ni athwaaye attheene a mu Israele.

Masalimo 116:7

We murimaaka, hokollweella onipuroni nawo nawiithuuwellawo, kaambiiwa Apwiya aaweerella ddaphaama.

Yesaya 30:16

Koma mwaallota wi, “Nineerothamaka va akavalo.” Ddawoona, vano thawanittho! Mwaallotattho wi, “Nineerowella va akavalo oothamakesesa.” Ddawoona, oowiikarihanaayo enaakhallettho oothamakesesa wuukhwaranyani nyuwaano.

Yeremiya 14:22

Variyari va milluku ddawoottha dda mitundu ddimodda, ethiyo ookhallavo mulluku mmodda oowora omurupiha murimu? Ethiyo oddullu vaweekhiiwa onnamurupiha murimu? Otiyerella wahu ori mwa nyuwaano Apwiya Mullukwaahu ekaambiiwa tti nyuwaano muneera ddenndda.

Yeremiya 2:2

khawe wallalleye wa athu a o Yerusalemu wi Apwiya enallota wi, “Kinnuupuwella ororomelleya wanyu mwaariinyu asombwe, mmo mwakikondelleenyu vawaamba valle wonanko aneerella mutthiyana ootthelliwa. Mwaanakithwara muutthakoni, mu ellapo moohaalliwa ello.

Yeremiya 2:28

“Ethiyo vano milluku ddanyu nndde mwiipangelleenyu ddiri wuuwi? Ddivenyethi vano dduuvulluseni va enthawi ya ddoohoosanndda. Nyu athu a o Yuda, milluku ddanyu tti ddinchichi wonanko mizinda ddanyu.

Yeremiya 2:36

Mohiivevullathi nyookha voosinthasinthani ettilla ddanyu. Muneerowullihiwa muru ni Aiguputo wonanko mulle mwawullihelliwaanyu muru ni Aasiriya.

Yeremiya 3:1

Apwiya enallota wi, “Muthu amwallana ni mwaariye nave mutthiyanooyo avenyavo atthelliwa ni mullopwana mmodda, ethiyo mullopwana awaambooyo ttuumuhokollweella? Ethiyo eera ddenndda, ellapo kheripihiwa wunchichi? Koma we Israele, woheera ddoohule ni ookondiwa anchichi. Ethiyo ttuuhokollweella wa miyaano?

Yeremiya 31:18

“Koomwiiwa Efuremu inllaka mweethakaraka wi, ‘Nyu moonillaka, ddawoona, noollakiwa wonanko musaanaang'ombe oohihuddihiwa. Munihokollose wi niwore ohokollowa vawi nyu tti Apwiya Mullukwaahu.

Yeremiya 31:32

Khekhallattho wonanko echipangano elle kakeraatthilleemi ni makhollwiiwa kaaphareelleemi muwono kaakhumiha o Iguputo. Echipangano yeeyo yaayitathilla naari kaari pwiiwa. Mi Apwiya koollota.

Yeremiya 44:17

Koma nineere ddittheddene nnddo nallupenlleehu. Nineeromoosella lubani mwene aamutthiyana ooddullu ni omuheraatthella mikutho ddaddoowirya wonanko neerelleehu ni makhollwaahu, mamwenaahu ni enduna ddahu m'mizindani dda o Yuda ni m'misewuni dda o Yerusalemu. Enthawi yeeyo naakhalla ni yoocha yinchichi nave naanavona voohikhalla ddookatamiha.

Ezekiele 16:18

Mafanwaayo wahaawariha ddoowara ddawo ddooreera onavelleella makhuraaka ni lubanaaka wa alliwa.

Ezekiele 16:8

“Kiviraka, kahoona wi enthawaawo yootthelliwa yaakwakhwana. Vano kahuukhuneella ni mukanjwaaka ni wiipitthiha epwillimwinddaawo. Kaallupella ni okeraatthiya echipangano nave waatthattuwa aaka, Mi Apwiya Mulluku koollota.”

Ezekiele 20:32

Nyu munapaalla waattakiha athu a ellapo ddimodda ayo enallapella miteekho ni malluku. Koma ddennddo khaddiwa ddeereya naari vang'ono.”

Ezekiele 23:12

Olliyettho aanaawanddeellella Aasiriya monga enduna dda muzigawo, oohoollella akhoto, akhoto oowara ddoofiira, oowella va akavalo, attheenaayo yaari asombwe ooreera.

Ezekiele 23:22

Vano mi Apwiya Mulluku kinallota wi, “We Oholiba kineereweeriha ezibwenzi ddawo wananariweewenanndde wi dduuwukille. Kineeroddiithana ovenyera o embali ddittheddene.

Ezekiele 23:4

Muullupalli aari Ohola nave mung'onong'ono aari Oholiba Kahaatthella nave kahaayarella anamwani aallopwana ni aatthiyana. Ohola sika Samariya nave Oholiba sika Yerusalemu.

Daniele 4:17

Amithenga aweella sika enasimikiza ddenndda. Sika athu attheene edduwelle wi Mulluku Ooddullu ookhalla ni masiva oolamulella moomwene a athu nave wi annawora owuvelleella wa arive muthu moollikana ni mmo anapaallelleeye naari wa ookittha oovevuwa wunchichi.’

Daniele 4:25

Muneerewiikarihiwa variyari va athu nave munaakhalleke vamodda ni enama ddamuhakani. Munaacheke manasi wonanko eng'ombe nave muneerekonaana ni nikame nooddullu wa miyakha mitthanu ni miilli ophiyera mudduwenlle wi Mulluku Ooddullu ookhalla ni masiva oolamulella moomwene a athu annaavelleella wa arive muthu moollikana ni mmo anapaallelleeye.

Daniele 4:32

Oneerewiikarihiwa variyari va athu nave onaakhalleke ni enama ddamuhakani. Onaacheke manasi wonanko eng'ombe wa miyakha mitthanu ni miilli ophiyera mudduwenlle wi Mulluku Ooddullu ookhalla ni masiva oolamulella moomwene a athu, annaavelleella wa arive muthu moollikana ni mmo anapaallelleeye.”

Daniele 5:21

Yahiikarihiwa variyari va athu nave murimiiwa waatthattuwa wonanko wa enama ddamuhakani. Yaakhalla vamodda ni enama ddamuhakani enacha manasi wonanko eng'ombe. Mwiilliiwa waanaana ni nikame nooddullu ophiyera yaadduwella wi Mulluku Ooddullu ookhalla ni masiva oolamulella moomwene a athu nave annawuvelleella wa arive muthu moollikana ni mmo anapaallelleeye.

Hoseya 1:2

Apwiya yallotilliiwa vawaamba ni Israele oweella mwa Hoseya yaamulleella wi, “Khawe wamutthelle hule nave omuyarelle anamwani ayo enaakhalle ooraruwattho. Vawi athu a mwiillaponimmu tti oohiroromelleya vookihiyani mi Apwiya.”

Hoseya 13:6

Kahaachiha evona koma evonille yahiitukhulla nave yaakitiwalla.

Hoseya 14:1

Nyu Aisraele, hokollweellani wa Apwiya vawi mwaamora ekaamba ya machimwaanyu.

Hoseya 2:16

Enthawi yeeyo vookiithanani onaaweereke wi, ‘Amamunaka,’ Khollotakattho wi, ‘Baalaaka.’ Mi Apwiya koollota.

Hoseya 5:13

“Vano Aefuremu yoonilliiwa wi enimavoriiwa nave Ayuda yoonilliiwa wi aakhalla ni makhwata, Aefuremwaayo yaaya wa Asiriya nave Ayuda yaarumiha othenga wa mwene muullupalli wi aakavihere. Koma khawora waachiriha apaalle ovolliha makhwatiiwa.

Hoseya 5:15

Kineerohokollweella onipuroni waka ophiyera athwaaka ellakeyille nave yaambille okaashaasha. Mu ddookatamiha ddiwa, eneereweeseesa wi ekiphwanye.