Hoseya 2:12 - Mawu a Mulluku

¹² Kineerewoononga miteekho ddaye ddampesa ni ddanamukuyu nnddo alloteeye wi, ‘Yaalla sika mallivellwaaka ayo ezibwenzi ddaka ddakivahilliiwa.’ Kineeroyitthattusa otthako nave enama ddamuhakani ddineerewoononga.

Hoseya 2:12 Iomraidhean Croise

Masalimo 80:12

Vano kaambiiwa tini mukumullalleenyu mpandaaye wi oovira m'musewuni erukullekena ezipaso ddaye?

Yesaya 29:17

Vavira enthawi yooyeva, otthako wa Lebanoni oneerotthattuwa emata ya ethaya yaphaama nave emata ya ethaya yaphaama eneerotthattuwa otthako.

Yesaya 5:5

“Vano imellani kuulleelleni nnddo kineerelleemi emata yampeseeyo. Kineerokumulla mpandiiwa nave enama ddineerochamo. Kineerokumullattho esiri ddiwa nave enama ddineeronyingallellamo.

Yesaya 7:23

“Yaphiya enthaweeyo, emata ddampesa ddaphaama nnddo ddiri ni miteekho 1,000 nave mutengwiiwa tti makobiri a siliva 1,000 muneeromella miiwa ddoohiyanahiyana.

Yeremiya 13:26

Mi Apwiya kineerokwinya ddoowara ddanyu ophiyera omuruni nave muneerowulliwa muru.

Yeremiya 26:18

“Enthawi eyo Hezekiya aariiye mwene a o Yuda, Mika a o Moresheti aallotella. Nave ahaalleella athu attheene a o Yuda wi Apwiya Amasiva Mattheene enallota wi, ‘Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.’

Yeremiya 5:17

Aneerewuumallihellani ddoohata ddanyu ni ddoocha ddanyu. Eneerowiipha aniinyu aallopwana ni aatthiyana, eneerowiiphellanittho enkhosa ddanyu ni eng'ombe ddanyu. Eneerewoononga mipesa ddanyu ni namukuywaanyu. Eneerokumulla mwakhoto mizinda ddanyu mwaddiroromellaanyu.

Yeremiya 8:13

“Kaapaalla wi kaatthukumanihe athwaaka wonanko oollima anatthukumanihelleeye ddoohata koma tti wonanko mpesa woohimma echipaso, wonanko muteekho wanamukuyu woohimma namukuyu wawi naari makukhu aanyaalla. Sika vano, koowaakhullella athu eelleto wi yaakhe ellapo.”

Hoseya 13:8

Kineerewaaphara wonanko echimbalangondo yawaakhiwa aniiwa, kineerewinttaka epararu ddiwa, kineerewaaparulla mowaashella murima wonanko mukango nave kineerewaakhaddulla wonanko enama yawoopiha.

Hoseya 2:5

Vallethi ameewa tti ooraruwa, ayo yaayarille yaaneera ddoowulliha muru. Yaanallota wi, ‘Kineeroddithwara ezibwenzi ddaka nnddo ddinakivaha yoocha ni maaddi, obweya ni nthoche, makhura ni vinyo.’

Hoseya 5:14

Kineerewaalluphella Aefuremu nave kineerewaapuramella Ayuda wonanko mukango. Kineerewaakhaddulla nave kineerovenyavo, khaavo anaawore waavullusa.”

Hoseya 9:1

Nyu Aisraele muhihakallalle nave muhithapelle wonanko athu a mitundu ddimodda. Vawi mooraruwa omuhiya Mullukwaanyu. Mookonda emphaso wonanko hule voomuuputhellavo tirigu.

Mika 3:12

Sika vano ekaamba ya nyuwaano, Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.