Hoseya 13:8 - Mawu a Mulluku

⁸ Kineerewaaphara wonanko echimbalangondo yawaakhiwa aniiwa, kineerewinttaka epararu ddiwa, kineerewaaparulla mowaashella murima wonanko mukango nave kineerewaakhaddulla wonanko enama yawoopiha.

Hoseya 13:8 Iomraidhean Croise

2 Samuele 17:8

Hushai aallotattho wi, “Munnadduwella wi attiitthaanyu tti amasiva, athwiiwattho tti amasiva nave wi attheene murimiiwa onavoreya wonanko ezimbalangondo ddaakhiwe asaaniiwa muchipululuni. Woonjerera vaavo attiitthaanyu tti akhoto. Kheni ekhalle ni akhotwiiwa mahiiyu mattheene.

Masalimo 50:22

Vano ganizani phaama nndda, nyu ayo munamutiwalla Mulluku wi kineerewuukhaddullani, khaavothi anaawuuvulluseni.

Masalimo 80:13

Ekulluwe ddamuutthakoni ddinnawoononga, enama ddamuhakani ddinnawucha.

Miyambo 17:12

Tti waphaama okumana ni echimbalangondo yaakhiwe musaaniiwa okhwaranya ni muthu ookarangeya aneera ddoolloddowa.

Yesaya 5:29

Okhuwa wiwa tti wonanko othuruma wa mikango apaalle misote nnddo ddininlla mwawoopiha voopharani enama nave ddinarowana oohikhallavo naari mmodda awaakihera.

Yesaya 56:9

Apwiya enaalleella athu a mitundu ddimodda wi ewe wonanko enama ddamuhakani wi yaattakhune athwiiwa.

Yeremiya 12:9

Yoohallanaaka tti wonanko epallame yamankhaanga, yawaapheelliwa otthewene ni aneekhwaambe. Khaweni mwatthukumanihe enama ddamuhakani, muweena o machellello.

Yeremiya 25:38

Apwiya ahaahiya athwiiwa wonanko mukango woohiya nikhungu niwa nave ellapwiiwa yootthattuwa ntepe ekaamba ya ddoohoosa dda ekhoto ni osha murima wawoopiha wa Apwiya.

Hoseya 2:12

Kineerewoononga miteekho ddaye ddampesa ni ddanamukuyu nnddo alloteeye wi, ‘Yaalla sika mallivellwaaka ayo ezibwenzi ddaka ddakivahilliiwa.’ Kineeroyitthattusa otthako nave enama ddamuhakani ddineerewoononga.

Hoseya 5:14

Kineerewaalluphella Aefuremu nave kineerewaapuramella Ayuda wonanko mukango. Kineerewaakhaddulla nave kineerovenyavo, khaavo anaawore waavullusa.”