Hoseya 13:2 - Mawu a Mulluku

² Vano enimachimwave, enniipangella mafano awoopiwa ni siliviiwa. Mafano mattheenaayo tti mitteko dda athu eeruso. Ennallota wi, ‘Velleellani mikutho wa yaalla nave mwaallapelle asaanang'ombaalla vawaakhupaarellani.’

Hoseya 13:2 Iomraidhean Croise

1 Mamwene 19:18

Komave o Israele kohaahiyawo athu 7,000 ayo ehinamukokhorella Baala apaalle opsopsona mafanwaaye.”

2 Epilli 28:13

nave yahaalleella wi, “Khemwaaheye owaana wuno akaporwaayo vawi nyu munapaalla wi hi naachimwelle Apwiya waanjerera va machimwaahu ni va ddoolakwa ddahu. Vawi olakwa wahu tti wuullupalli nave osha murima wawoopiha wa Apwiya ori va Israele.”

2 Epilli 33:23

Vano olliye khiiyevihalle vamiitthoni va Apwiya wonanko Manase ttiitthinnya iiyevihelleeye nave aari oochimwa wunchichi waakhwaranya attiitthinnya.

Masalimo 2:12

Mukokhorelleni moomugonjella mwanaye, wi ahuunanariwelleni, wi muhoonongeye, vawi khanallekella osha murima. Oodalisiwa tti ayo enathawella wa olliye.

Yesaya 1:5

Ethiyo munaavirellelle ollakiwa ni ohihiya owukila ophiyera niini? Arive muthu muru onimamvoreya nave murimaaye woofooka.

Yesaya 30:1

Apwiya enallota wi, “Otulli wa anamwani ookiwukila mi vaweerani ddawiipangella ohiri dda mi. Enakeraatthiha echipangano yayiwayayiwa oohithwara opaalla waka nave ennavirellella ochimwa.

Yesaya 44:11

Attheene oollapella nifanonno eneerowullihiwa muru vawi oopanga mafano tti athu shisha. Attheene oopanga mafano etthukumane o nthato namillatu eneerewoopopiheya ni owulliwa muru.

Yesaya 45:20

Apwiya enallota wi, “Tthukumanani vamodda nave muwe. Nyu attheene mwavulluwalle wa athu a mitundu ddimodda, susellani vakhuviru. Khenna ezeru athu ayo enatukhulla mafano amiteekho, enavekella wa milluku ddoohivullusa.

Yesaya 46:6

Amodda ennamukhumiha golide m'mathumbani mwiwa, ennamulinga siliviiwa vasikeloni. Ennamulemba eeruso yoomuhana golide, olliye annaapangella mwanamulluku, ennakokhora ni omullapella.

Yesaya 46:8

Nyu oochimwa, upuwellani yeella, ganizerani ni odduupusattho.

Yeremiya 10:4

Athu amodda ennareeriha ni siliva ni golide, vano ennakhoma ni misomali wi ehisuseke.

Yeremiya 10:8

Attheenaayo tti ookarangeya, khenna ezeru, ezeru ddiwa enahuddera o mafano, oohikhalla ni mutteko oopangiwa ni miteekho.

Yeremiya 8:5

Vano kaambiiwa tini athu alla enavirellelliiwa ochimwa ohihokollowattho? Yohummellella ddawoottha, enimakhoota ohokollowattho.

Hoseya 10:1

Aisraele tti wonanko muteekho wa mpesa woohakallalla oyo onimma ezipaso ddinchichi. Mmo eyuumiiwa enavirellelliiwa waata tti mmo enavirellelliiwa omaka mapuro oollapellamo. Mmo munaatella makuwiiwa tti mmo mwiillaponi mwiwa munaatelliiwa apoto oopatuleya.

Hoseya 10:5

Athu a o Samariya eneerewoova nifano na musaanaang'ombe a o Betehaveni noonongiwa. Athwiiwa eneeroninllella navettho allupa mukuthwiiwa eneeromwinllella mullukwiiwooyo vawi ntitimiho naye noomuvenyeravo.

Hoseya 11:2

Koma mmo kamwiithanelleemi, tti mmottho akithawelleeye, athwaaka yaanavelleella mikutho wa Abaala ni woosa lubani* wa mafano.

Hoseya 11:6

Ekhoto eneerewoononga mizinda ddiwa. Adani eneerewinttaka mikoko ddoollipa dda mipanda ddiwa ni owoononga ekaamba yoothwara malangizo a weekhiiwa.

Hoseya 14:3

Asiriya khanivullusa, akavalo akhoto kheniteteza. Eyo nayipangilleehu ni mattaahu khaniwa niyiromolla wi, ‘Milluku ddahu.’ Vawi tti nyuwaano munaweerella echifundo anaamukhwelle.”

Hoseya 2:8

Khaadduwella wi tti miyaano kamuvaha tirigu, vinyo ni makhura. Khaadduwella wi tti miyaano kamuvaha siliva ni golide munchichi oyo athu yapangelliwa nifano na Baala.

Hoseya 4:17

Athu a o Efuremu aapataana ni mafano, ddayiwa ddennddo.

Hoseya 8:4

Enniitthoollella mwene moohithwara opaalla waka. Enniikeraatthihella oohoollelliiwa kihiwaakhullelle. Ahiipangella mafano asiliva ni agolide koma aaddoonongana.

Hoseya 8:5

Nifano na musaanaang'ombe nno a o Samariya enallapelliiwa ninnakinanara. Vano owallaaka wohaakharella wunchichi athwaayo. Vinaavire enthawi yoorekama mwawiidde athu a o Israele wi yeelle?

Hoseya 8:6

Nifanonno khe Mulluku, anipangille tti muthu eeruso a o Israele. Nifano na o Samariyanna nineeronyenyeya.

Numeri 32:14

Vano nyuwaano mbado wanaanweene wa athu oochimwa muri wonanko makhollwaanyu vawi munapaalla wi mwaanjerere osha murima wawoopiha wa Apwiya va Aisraele.

Aroma 11:4

Koma Mulluku aamulleella wi, “Kohiisungella meekha athu 7,000 ayo ehinamullapella Baala, mulluku awoottha.”

Aroma 2:5

Koma ekaamba ya wumma murima wanyu ni ohipaalla orukunuwa murima, Mulluku aneerewuullakani wunchichi va nllapo nno aneereeye uupullulle osha murima waye ni echiweruzwaaye yeechilungamo.

2 Timoteo 3:13

Koma athu oonanara ni oolleka eneerovirellella onanara nave eneerekolleka ni alliwattho eneerekollekiwa.

1 Samuele 10:1

Vano Samuele aakusa yookusella makhura, aahella makhuraayo va muru va Saulo amukhupaarella allota wi, “Apwiya ahuuzoza wi okhalle mwene a athwaaye, Aisraele. Oneerewaalamulella athu a Apwiya ni waavullusa wa adaniiwa attheene. Echizindikiro yawi Apwiya ahuuzoza wi okhalle mwene a yoohallanaaye tti yawi,