Hoseya 12:3 - Mawu a Mulluku

³ Aariiye m'mirimani mwa amennya Yakobo aaphara etotopwa ya mwanamunne nave unnuwalle mwamasiva aallipana ni Mulluku.

Hoseya 12:3 Iomraidhean Croise

Genesis 25:26

Vooyariwani mung'onong'onwaaye, nnatta naye napharille etotopwa ya Esau. Sika yaamuvaha nnddina nawi Yakobo. Anamwanaalla yayariwe Isaki ari ni miyakha 60.

2 Mamwene 17:18

Sika Apwiya yahaashella murima Aisraele nave yaawiikara ohipaalla owoonattho. Khaarivo naari mmodda ahanlle opatula nlloko na Yuda.

2 Mamwene 17:20

Sika Apwiya yaaddikhoota edduullu ddittheddene dda Aisraele, eddihoosa, eddivelleella m'mattani mwa athu awaakha ophiyera yahaatathilla vamiitthoni viwa.

2 Mamwene 17:23

ophiyera Apwiya yahaavenyiha Aisraele moollikana ni mmo yallotelliiwa oyeella mwa oorumeyelliiwa attheene, anamallotella. Sika Aisraele yaaphariwa okaporo evenya mwiillaponi yoowaniwa eya o Asiriya nave eri wenko ophiyera ollello.

Yeremiya 2:9

“Sika vano mi Apwiya kineerowiipani wiilli mullatu, kineerewiipattho mullatu edduullu ddanyu.

Ezekiele 7:3

Vano omalla ori va weyaano Israele. Kineeromorihella osha murima waka va weyaano. Kineerokamulla mullatwaawo moollikana ni meetellwaawo nave kineerewuullaka ekaamba ya ddoonanara ddawo ddawaata.

Ezekiele 7:8

Kineerewuushellani murima naanweene vaava nave owallaaka oneeromallella va nyuwaano. Kineerokamulla mullatwaanyu moollikana ni meetellwaanyu nave kineerewuullakani ekaamba ya ddoonanara ddanyu ddawaata.

Hoseya 4:1

Nyu Aisraele, iwani mawu a Apwiya vawi aakhalla ni mullatu ni ookhalla mwiillaponi. Mullatweene tti wawi mwiillaponi khamuri ororomelleya apaalle oreera murima nave khenamudduwella Mulluku.

Hoseya 4:9

Vano allupa mukuthwaayo kineeroweerella nnddo kinaaweerelleemi athu. Kineerewaallaka ekaamba ya makhallellwiiwa oonanara ni waahokollosella mitteko ddiwa ddoonanara.

Amosi 2:4

Apwiya enallota wi, “Ekaamba ya ddoolakwa ddiraru dda athu a o Yuda apaalle ddisese ngihiya waallaka. Aavevulla ohuddiha waka, kheyaawiiwellelle malamulwaaka, milluku ddawoottha nnddo makhollwiiwa yaddillapelliiwa ddohaahollosa.

Mika 6:2

Nyu miyaango ni matthipello ookeraattheya a ellapo yavatthi, iwani mullatu wa Apwiya. Apwiya enawiipa mullatu athwiiwa, enaahumullulla Aisraele.

Aroma 9:11

Nave wi otthoolliwa wa mwaana mmodda wooneye wi yaari yoolinga ya Mulluku, Mullukooyo aallota wi, “Muullupallooyo aneerekomurumeyella mung'onong'onooyo.” Aallotille ddenndda ehinayariwe, ehineere erive ello naari yaphaama apaalle yoonanara. Sika otthoolla wa Mulluku waari moollikana ni wiithaniwa wa mmoddooyo, ohiri moollikana ni erive ello yenriiwa.