Hoseya 12:1 - Mawu a Mulluku

¹ Efuremu annavona mpweya, anathwara ephevo ya wookhuma nndduwa, nllapo nittheene annoonjera ddawoottha ni dda echiwawa. Annakeraatthiha echipangano ni Asiriya nave annaavelleella makhura o Iguputo.

Hoseya 12:1 Iomraidhean Croise

Genesis 41:6

Vatulli viwa vaaphuwattho makalla matthanu ni meelli awoonda ni ooshellella ni ephevo yoovenyera wookhuma nndduwa.

2 Mamwene 15:19

Vatulli viwa Pulo mwene a o Asiriya aahella ekhoto ellapo ya Israele. Nave Menahemu aavelleella siliva oollemella makilogaramu 34,000 wa Pulo wi olliye amukavihere okeraatthiha omwenaaye.

2 Epilli 21:11

Aamaka mapuro oollapellamo mafano omiyaangoni o Yuda nave ahaahoollella athu a o Yerusalemu wi ekhalle oohiroromelleya nave ahaahollosa Ayuda ohollowa.

Yobu 15:2

“Ethiyo muthu eezeru ttiwaakhulla ddoohiphara murima ddiidda apaalle ttuuddalla ni mawu shisha wonanko ephevo?

Masalimo 78:36

Koma alliwa yaamoottottha ni vayanoni viwa, yaamulleka ni nllumi niwa.

Yeremiya 2:36

Mohiivevullathi nyookha voosinthasinthani ettilla ddanyu. Muneerowullihiwa muru ni Aiguputo wonanko mulle mwawullihelliwaanyu muru ni Aasiriya.

Yeremiya 22:22

Ephevwaaka eneerewaatukhullavo abusaanyu attheene, akhwaawo eneerophariwa okaporo. Ddawoona, muneerovevulliwa ni onyaambusiwa ekaamba ya ddoonanara ddanyu ddittheddene.

Yeremiya 7:15

Kineerowiikarihani vamiitthoni vaka wonanko mmo kawiikarihelleemi abalaanyu attheene, edduullu ddittheddene dda Efuremu. Mi Apwiya koollota.”

Maliro 5:6

Naakokhora vamiitthoni va Aiguputo ni Aasiriya, wi ttuuphwanya yoocha yookwakhwana.

Ezekiele 17:10

Ethiyo naari ewaallille vaamodda ttuuwunnuwa? Ethiyo khonyaalla yaawoopaka ephevo ya wookhuma nndduwa, onyaalleella vaavo ewaallilliiwa?’ ”

Hoseya 11:12

Apwiya enallota wi, “Aefuremu aakaapheella ni ddawoottha. Aisraele tti noolleka nave Ayuda aakiwukilave miyaano Mulluku Aweella ni oororomelleya.”

Hoseya 11:9

Nguullaka ni osha murima waka woowalli, ngimoonongattho Efuremu Mi tti Mulluku, ohikhalla muthu, miyaano aweella, kiri ni weyaano nave ngiwa kiwoononga.

Hoseya 4:15

Naari Aisraele ehiroromelleyaka, athu a o Yuda ehiphwanyeye ni mullatu. Ehiye woollapella o Giligala apaalle o Betaveni. Ehillupellettho vamiitthoni va Apwiya.

Hoseya 4:19

Eneerovenyihiwa wonanko ello yoovavihiwa ni ephevo nave eneerowullihiwa muru ekaamba ya mikutho ddiwa ddeelleto.”

Hoseya 5:13

“Vano Aefuremu yoonilliiwa wi enimavoriiwa nave Ayuda yoonilliiwa wi aakhalla ni makhwata, Aefuremwaayo yaaya wa Asiriya nave Ayuda yaarumiha othenga wa mwene muullupalli wi aakavihere. Koma khawora waachiriha apaalle ovolliha makhwatiiwa.

Hoseya 7:1

Kaawaachirihaka Aisraele, ochimwa wiwa onnooneyella vaweella nave mitteko ddoonanara dda Asamariya khaddivittheya. Ennaalleka athu, enninttaka enyumba monga allupaawiiya, ennaakha ddeko dda athu vaweella monga anamasikita.

Hoseya 7:11

Aefuremu tti wonanko ekhunda yookarangeya, yoohikhalla ni ezeru. Ennawiithana Aiguputo, ennaveka nikavihero wa Asiriya.

Hoseya 8:7

Aisraele ennamidda ephevo nave enamuhata namangalle. Tirigu khanna makalla, khakhalla ni yoocha. Akhanllekena, alleto sika yaache yoocheeyo.