Hoseya 11:8 - Mawu a Mulluku

⁸ “We Efuremu, ethiyo kinaawuuhiye mwawiidde? We Israele, kinaawuutathille mwawiidde? Ethiyo kinaawuutthattuse mwawiidde wonanko Adima? Ethiyo ttuuwoononga mwawiidde wonanko Zeboimu? Murimaaka wookhoota, echifundwaaka tti yuullupalli va alliwa.

Hoseya 11:8 Iomraidhean Croise

Genesis 14:8

Sika mamwene a o Sodomu, Gomora, Adima, Zeboimu ni Bela (apaalle) yahaatthukumaniha akhotwiiwa mu ntapo na Sidimu, owana

2 Samuele 24:16

Vano mungelo attaphurusalleeye mattaaye wi oononge muzinda wa Yerusalemu, Apwiya yaakhurumusa murima va ollakanko emulleella mungelwaaye oyo awoononga athoolle wi, “Wookwakhwana, hokollosa nnatta nawo.” Nave mungelo a Apwiya aari iimenlle va nipuro noomuuputhellavo tirigu na Arauna Muyebusi.

1 Mamwene 3:26

Nave mutthiyana oyo aari mwaneena a mwaana mukumoolle aamumorella ethakaraka mwanayoolle. Sika aamulleella mwenooyo wi, “Apwiya, muhimwiiphe mwaanooyo koma mumwinnye mukhwaakoolla.” Koma mutthiyana mmoddoolle aallota wi, “Mwaanoolla ahikhalle aaka apaalle aawo, aphaddiwe variyari.”

2 Mamwene 13:23

Koma Apwiya yahaareerella murima ni oweerella echifundo Aisraele. Yahaakhurumuwella murima ekaamba ya echipangano eyo yakeraatthihalliiwa ni Abrahamu, Isaki ni Yakobo. Kheyaapanlle wi ewoononge apaalle waatiwalla athwiiwa ophiyera ollello.

2 Epilli 36:15

Vano Apwiya Mulluku a makhollwiiwa yaanaaruma wiilliwiilli amithenga wa alliwa waachenjeza ekaamba yawi yaanaweerella echifundo athwiiwa ni nipuro.

Masalimo 106:45

Yahuupuwella echipanganwiiwa ekaamba yawaakonda athwaayo. Yaakhurumusa murima ekaamba ya wunnuwa wa echikondiiwa yoohisintheya.

Yesaya 16:11

Sika murimaaka oninlla wunchichi omwinllella Mowabu nave kinniipullella ekaamba ya woonongeya wa Kiriheresi.

Yesaya 63:15

Nyu Apwiya oddullunko, o nipuro nanyu naweella ni nantitimiho, nooneni. Ethiyo opwatha wanyu ni masivaanyu ddiri wuuwi? Moohiya onoonihella echikondaanyu ni echifundwaanyu.

Yeremiya 18:8

mutundu oyo kiwuchenzeemi wahiya machimwiiwa ngiwullaka moollikana ni mmo kaganizelleemi.

Yeremiya 3:12

Khawe wallalleye ompoto othenga wawi, ‘We Israele oohiroromelleya, hokollowa, Apwiya sika ennallota. Owallaaka khuvirellella vawi miyaano tti eechifundo, ngiwa kuunanariwella wa enthawi yoohimalla.

Yeremiya 31:20

We Efuremu, mwanaka a vamurimani, mwaana oyo kinahakallalleemina. Enthawi ddittheddene kaamuhumullullaka, kinnavirellella omuupuwella mwa echikondi vawi murimaaka onnampaallesesa, kineeromweerella echifundo.

Yeremiya 42:10

‘Mwakhalla mu ellapweella, kineerewuumakellani vamodda ohiri wuukumullani. Kineerowaallani ohiri wuutullani. Kinnamoriwa ethakaraka ekaamba ya ddoohoosa nnddo kuumorihelleemini.

Yeremiya 9:6

Ennatthinddaanyera machimo vaddullu va machimo makhwiiwa, woottottha va woottottha okhwiiwa. Apwiya yaallota wi, “Athu ennakhoota okidduwella.

Yeremiya 9:7

Ekaamba ya ddenndda Apwiya Amasiva Mattheene enallota wi, ‘Wonanko mukoko, kineeroweeka athwaaka. Alliwa tti oochimwa, kinaawore mwawiidde waahiyerera?

Maliro 1:20

Nyu Apwiya ngoonani, vawi koopaneya, murimaaka woohoowa wunchichi. Murimaaka wookhumamo ekaamba yawi koohuuwukilani wunchichi. M'musewuni athu erinawiiphiwa ni nsupada, navettho mpa muri okhwa.

Maliro 3:32

Naari yaallakaka mweekuku, koma eneerewooniha echifundo, ekaamba ya echikondiiwa yoohisintheya.

Maliro 3:33

Alliwa khenahakallalla omukatamiha apaalle omuhoosa arive muthu.

Ezekiele 33:11

Waalleelle wi mi Apwiya Mulluku kinallota wi kinimallupella vaka wi nginahakallalla ni okhwa wa muthu oonanara akhwaka. Ddeerokiddivella oochimooyo ahiyalleke makhallellwaaye wi ekhalle ni okumi. Nyu Aisraele munakhwella tini? Rukunuwani, muhiye ettilla ddanyu ddoonanara.

Ezekiele 6:9

Vano oovulluwa mwa nyuwaano eneerokuupuwella variyari va athu a mitundu ddimoddaayo nko enaapharelliiwawo okaporo. Kineerewaamoriha ethakaraka nave kineerewaawulliha muru ekaamba ya ohiroromelleya wiwa nave owukila wiwa wulle ekaamba yoohiya murimiiwa va mafano. Ddineerewaananara aneeniiwa vawoonanani ddoonanara ddittheddene nnddo yeerilliiwa vamodda ni ddaweera ddiwa ddoonanara.

Hoseya 6:4

Koma Apwiya enallota wi, ‘Nyu Aefuremu, kiweereni tini? Nave nyu Ayuda, kiweereni tini? Echikondaanyu ennathiima wonanko ethapo yoohinase, tti wonanko nikame noohillekella wumma.

Hoseya 7:1

Kaawaachirihaka Aisraele, ochimwa wiwa onnooneyella vaweella nave mitteko ddoonanara dda Asamariya khaddivittheya. Ennaalleka athu, enninttaka enyumba monga allupaawiiya, ennaakha ddeko dda athu vaweella monga anamasikita.

Amosi 4:11

“Kaawoononga amodda a nyuwaano wonanko mmo koonongelleemi Sodomu ni Gomora. Amodda mwavulluwalle mwaari wonanko ekhuni ddoothumulliwa viikho komave khamwaahokollweelle wa miyaano. Mi Apwiya koollota.”

Amosi 7:3

Vano Apwiya yaamoriwa ethakaraka ellota wi, “Ddenndda khaddiwa ddeereya.”

Amosi 7:6

Vaavo Apwiya yaamoriwa ethakaraka ellota wi, “Ddennddattho khaddiwa ddeereya.”

Mika 5:3

Ekaamba ya yeella Mulluku aneerewaahiya Aisraele ophiyera mutthiyana amuyanre mwaana. Vaavo oohalla a mutundwaaye eneerohokollweella wa Aisraele akhwiiwa.

Zefaniya 2:9

Sika ekaambiiwa mi Apwiya Amasiva Mattheene kinallupelleemi wi, ‘Kinimallupella vamiitthoni vaka, miyaano Mulluku Ookumi a Israele, Mowabu aneerewoonongiwa wonanko Sodomu, Amoni aneerewoonongiwa wonanko Gomora. Nipuronno ninaakhalle wonanko mapuro oomella miiwa nlliti namwiinyu, ellapo yeechipululu wa enthawi yoohimalla. Athwaaka oohalla eneerewaakha mapuro oovulluwa eneerewaakhella wi ekhalle yoohallaniiwa.’ ”

Mateyu 23:37

“Yerusalemu, Yerusalemu! Athwaawo ennawiipha anamallotella nave ennaavokha malluku owiipha athu yarumihelliwiiwa ni Mulluku! Tti mallapo makavi kapanlleemi waakhupaarella athwaawo attheene wonanko mwanakhu anaakhupaarelleeye asaanaaye vatthi va muuphellwaaye koma nyuwaano khamwaapanlle!

Deuteronomo 29:22

“Athu a mibado ddanyu ddamuhoollo, edduullu ddanyu ni alleto oovenyera woorekama, eneerewoona millillinnddo ni ddoohoosa nnddo Apwiya enaamorihelliiwa va ellapwaanyu.

Deuteronomo 29:23

Emata ddanyu ddineerotthulluwa, ddinaaddalle sulufure ni mwiinyu nave khemumella erive ello naari manasi. Ellapwaanyu enaakhalle wonanko mizinda dda o Sodomu ni Gomora navettho dda o Adima ni Zeboimu nnddo Apwiya yaddoonongilliiwa va enthawi elle yashilliiwa murima wunchichi.

Deuteronomo 32:36

Apwiya eneerewaavullusa athwiiwa, eneeroweerella echifundo oorumeyelliiwa, vawoonani omalla wa masiviiwa wi khevihanlle muthu, kaporo apaalle oohikhalla kaporo.

2 Petro 2:6

Mulluku aallaka mizinda dda Sodomu ni Gomora, voowoonongani ni munllo nave aheera ddennddo wi aachenjeze athu oohimullapella Mulluku dda nnddo ddinaaweereye.

Yuda 1:7

Muupuwelle Sodomu ni Gomora ni matawoni awaatamanana, nko athu yeerille ddoophwanaphwana ni nnddo yeerille angelwaalle. Athwaalla yaheera machimo ooraruwa ni machimo amodda oohiphwanella weeriwa ni muthu. Mulluku ahaallaka ni munllo woohimalla wi aachenjeze athu amodda.

Yawuupullulla 11:8

Nave mitembo ddiwa ddineerophwanyeya ddiri m'misewuni dda muzinda muullupalli, nko Apwiiwa yatthomeyiweewawo vamutandani. Muzindooyo waromiwe wi, “Sodomu apaalle Iguputo.”

Yawuupullulla 18:18

Nave yaakhuwa vawoonani mwiisi okhumaka ovenyera vamunlloni washelliha muzindooyo wi, “Khuwaavo muzinda oyo waphwanaphwanne ni muzinda woovuwoolla!”

Oweeruza 10:16

Sika yaavenyihavo milluku ddeelletonndde yaamba waarumeyella Apwiya nave Apwiya yaamoriwa ethakaraka voowonani Aisraele ehoowaka.