Hoseya 11:3 - Mawu a Mulluku

³ Komave tti miyaano kaahuddihalle Aefuremu weeta, kaawuupaara m'mattani mwaka koma kheyaadduwella wi tti miyaano kinaachiriha.

Hoseya 11:3 Iomraidhean Croise

Masalimo 107:20

Apwiya yaarumiha mawiiwa yaachiriha athwaayo, yahaavullusa wi ehoonongeye.

Eksodo 15:26

Yaallota wi, “Mwaakiiwellellaka mi Apwiya Mullukwaanyu, muneera ddoolungama ni opwatha malamulwaaka ni wiiwellella nnddo kinuuhuddiheemini, nguullakani ni erive ereta eyo kaallakilleemina Aiguputo. Mi tti Apwiya ayo enuuchirihani.”

Eksodo 19:4

‘Mwahoona nnddo kaweerelleemi Aiguputo navettho mmo kuutukhullalleemini wonanko epallame ya mpungu enaatukhullelliiwa aniiwa m'muuphelloni mwiwa nave kahuuphiyihani wa miyaano.

Eksodo 23:25

Mwaallapelleke Apwiya Mullukwaanyu wi kuudaliseni vawuuvahani yoocha ni maaddi nave kineerewuuchirihani ereta ddittheddene.

Yesaya 1:2

Apwiya yaallota wi, “We oddullu, ngiiwa nave we ellapo yavatthi, apella maaru, mi Apwiya kinimallota. Kahaayara anamwani navettho kahaallella koma aakiwukila.

Yesaya 30:26

Mweeri oneerowala wonanko nndduwa nave nndduwa nineerowalesesa wonanko olendo otthanu ni opiilli owala wa nllapo nimodda. Ddenndda ddineereye mvo Apwiya enaamakiiwa ni ovolliha makhwata ayo mwaneeniiwa yaambihalliiwa vawaallakani athwiiwa.

Yesaya 46:3

“Nyu edduullu dda Yakobo, kiiwellelleni, nyu attheene oohalla a mu nibanja ya Israele. Kohuupwathani ovenyera eyariwellwaanyu, kahuutukhullani waambeella m'mirimani mwa ameenyu.

Yesaya 63:9

Mu ddoohoosa ddiwa ddittheddene alliwa aahoowa. Mungelo oovenyera wa alliwa ahaavullusa nave aawoopolla mwa echikondiiwa ni echifundwiiwa. Sika Apwiya ennaapwatha wonanko anamwani ovenyera khalle.

Yeremiya 30:17

Koma nyuwaano, kineerochiriha ereta ddanyu, kineerovolliha makhwataanyu. Naari amodda yeesaka wi mootathilliwa, voollotani wi ‘Alla tti athu a o Ziyoni, khenna owaapwatha.’ Mi Apwiya koollota.”

Yeremiya 8:22

Ethiyo o Giliyadi khawuri murete? Ethiyo wenko khawuri allupa murete? Kaambiiwa tini makhwata a athwaaka ehinavolliiwa?

Hoseya 14:4

Apwiya enallota wi. “Kineerochiriha ereetiiwa ya ohiroromelleya, kineerewaakonda ni murimaaka muttheene vawi koohiya waashella murima.

Hoseya 2:8

Khaadduwella wi tti miyaano kamuvaha tirigu, vinyo ni makhura. Khaadduwella wi tti miyaano kamuvaha siliva ni golide munchichi oyo athu yapangelliwa nifano na Baala.

Hoseya 7:1

Kaawaachirihaka Aisraele, ochimwa wiwa onnooneyella vaweella nave mitteko ddoonanara dda Asamariya khaddivittheya. Ennaalleka athu, enninttaka enyumba monga allupaawiiya, ennaakha ddeko dda athu vaweella monga anamasikita.

Hoseya 7:15

Naari kaalleellaka ni waallipiha enniiwanana okeerella ddoonanara.

Mitteko 13:18

Nave wa miyakha 40 ahaavillella yeetiiwa mu echipululu.

Deuteronomo 1:31

ni muchipululuni mulle. Nyuwaano mwahoona mmo yuuphiyihalleewani wuno mu ettilla ettheene nave wi yahuuweherani wonanko mmo muthu anamutukhullelleeye mwaana.’

Deuteronomo 33:27

Apwiya sika woothawellawo, annuusunga ni muwonwaaye woohimalla. Aawiikariha adani vamiitthoni vawo, ahuulleella wi owoononge attheene.

Deuteronomo 8:2

Upuwellani mmo Apwiya Mullukwaanyu yuuhoollelliiwani muchipululuni va olendo wa miyakha ddittheddene 40 ddivirallenndda. Yahuukhumullani ni oweesani wi edduwelle nnddo ddaari m'murimani mwanyu nave wi yoone khaya muneerewiiwellella malamulwiiwa apaalle iyaayi.