Hoseya 11:2 - Mawu a Mulluku

² Koma mmo kamwiithanelleemi, tti mmottho akithawelleeye, athwaaka yaanavelleella mikutho wa Abaala ni woosa lubani* wa mafano.

Hoseya 11:2 Iomraidhean Croise

1 Mamwene 12:33

Nave aanaya o nikuwa animakilleeye o Betele va nllapo na 15 na mweeri waneetthanu ni raru, mweeri oyo akeraatthihalleeye yeekhaaye. Nave aalamula wi vikhalle nllapo na ehakallallo na Aisraele attheene nave aanavelleella mikutho dda lubani* vanikuwani.

1 Mamwene 18:19

Sika vano rumihani othenga wi mwaatthukumanihe Aisraele wi kakumanena va mwaango wa Karimele. Muweena anamallotella a Baala 450 ni anamallotella 400 a Asherimu ayo enacha wa Yezebele.”

Nehemiya 9:30

Orive muyakha mwaanaavillella nave mwaanaachenjeza ni munepaanyu oweella mwa anamallotellaanyu komave kheyaapella maaru. Sika ekaambiiwa mwaavelleelleenyu m'mattani mwa athu a mu ellapo ddimodda.

Yesaya 65:7

Kineerewaallakattho ekaamba ya machimwiiwa ni machimo a makhollwiiwa. Yahoosa lubani va miyaango nave yaakivevulla va asimiyaango ddiwa. Sika miyaano kineerewaallaka moollikana ni nnddo yeerilliiwa.”

Yeremiya 18:15

Kheddiiddo! Koma athwaaka aakitiwalla, enoosella lubani* milluku ddawoottha nnddo ddaakwakwatuwiha mu ettilla ddaka ddakhalle, eneeta mu ettilla ddamuhakani, ohiya musewu waphaama.

Yeremiya 35:13

allote wa athu a o Yuda ni Yerusalemu wi, “Mi Apwiya Amasiva Mattheene kinuukohani wi ethiyo kaambiiwa tini muhinaakhullelleenyu ohumullulliwa ni wiiwa mawaaka?

Yeremiya 44:5

Koma makhollwaanyu kheyiiwellelle, kheyaapwathillewo naari vang'ono. Kheyaahiyalle weera ddoonanara ddiwa apaalle woosella lubani milluku ddimodda.

Hoseya 11:7

Athwaaka aawanddeellella ddookiwukila. Vano eneerewinlla ekaamba ya nigoli* nno niri va alliwa koma khaavo anaawaavenyihelle.”

Hoseya 2:13

Kineeromullaka ekaamba yawoosa lubani* wa mafano a Abaala ni ehakallallo ddiwa. Anniireeriha voowarani emphete ni mikhova ddoowallamella mitengo wi athamakelleke ezibwenzi ddaye akitiwalla miyaano. Mi Apwiya koollota.”

Hoseya 4:13

Ennavelleella mikutho m'miyaangoni, ennoosa lubani* mu asimiyaango, vatthi va miteekho ddoovattha monga muthundu, nnjalle ni munkhundi ekaamba yawi muuthuuchiiwa tti waphaama. Sika ekaambiiwa aniinyu aatthiyana ni avokohaanyu enararuwiiwa.

Hoseya 4:17

Athu a o Efuremu aapataana ni mafano, ddayiwa ddennddo.

Zekariya 1:4

Muhikhalle wonanko makhollwaanyu ayo yiiwalle mawu a anamallotella akhalle ootthopoolla othengaaka wawi, ‘Hiyani makhallellwaanyu oonanara ni oochimwa.’ Koma alliwa kheyaawiiwellelle naari vang'ono, Mi Apwiya koollota.

Zekariya 7:11

“Koma alliwa yaakhoota waapella maaru, yaakireya etulli ni yaatiyella maarwiiwa wi ehiiwe.

Luka 13:34

“Yerusalemu, Yerusalemu! Athwaawo ennawiipha anamallotella nave ennaavokha malluku owiipha athu yarumihelliwiiwa ni Mulluku! Tti mallapo makavi kapanlleemi waakhupaarella athwaawo attheene wonanko mwanakhu anaakhupaarelleeye asaanaaye vatthi va muuphellwaaye koma nyuwaano khamwaapanlle.

Yohane 3:19

Nave echiweruzweeyo tti ella, owala waawa mu ellapo yavatthi koma athu yaakonda epiphi ohiyana ni owala kaambiiwa yaheera ddeko ddoonanara.

Mitteko 7:51

Sitefano aallota wi, “Athu a etiyamaaru nyu! Mirima ddanyu ddiri wonanko dda athu oohimullapella Mulluku nave khamuniiwellella mawu a Mulluku! Muri wonanko makhollwaanyu, nyuwaano munnakhoota Munepa Waweella mallapo mattheene!

Oweeruza 10:6

Aisraele yaheerattho ddoonanara vamiitthoni va Apwiya voowaarumeyellani Abaala ni Ashitaroti, milluku dda o Siriya, o Sidoni ni o Mowabu, milluku dda Aamoni navettho milluku dda Afilisti. Aisraele yahaahiya Apwiya ohaarumeyellattho.

Oweeruza 2:13

Alliwaayo yahaahiya Apwiya enarumeyella milluku dda Baala ni Ashitaroti.

Oweeruza 3:7

Aisraele yaheerattho ddoonanara vamiitthoni va Apwiya. Yahaatiwalla Apwiya Mullukwiiwa, enarumeyella mafano a Abaala ni Asherimu.