Hoseya 11:1 - Mawu a Mulluku

¹ Apwiya enallota wi, “Israele aariiye mwaana kaanamukonda, kaamwiithana mwanaka wi akhumewo o Iguputo.”

Hoseya 11:1 Iomraidhean Croise

Masalimo 129:1

Vano Israele allote wi, “Adani aakhalla ekihoosaka wunchichi waambeella kiri musombwe.”

Eksodo 19:4

‘Mwahoona nnddo kaweerelleemi Aiguputo navettho mmo kuutukhullalleemini wonanko epallame ya mpungu enaatukhullelliiwa aniiwa m'muuphelloni mwiwa nave kahuuphiyihani wa miyaano.

Eksodo 4:22

Nave wamulleelle Farao wi mi Apwiya kinallota wi, ‘Israele tti mwanaka aamullopwana awaamba.’

Eksodo 4:23

Vano kinimuulleella wi omwaakhullelle mwanaka aamullopwana awaamba avenyemo wi aye akillapelle miyaano. Koma wakhoota omwaakhullella wi avenyemo, miyaano kineeromwiipha mwanawo aamullopwana awaamba.”

Yesaya 43:4

Ekaamba yawi ori oowallamella mutengo vamiitthoni vaka, ekaamba yawi ori ooriiheya nave kinnuukonda, kinnavelleella mitundu ddimodda dda athu wi kiwoopolle.

Yeremiya 12:7

“Koovenyawo onyumbani waka, koohiya yoohallanaaka, koomuvelleella ookondiwa a vamurimani m'mattani mwa adanaaka.

Yeremiya 2:2

khawe wallalleye wa athu a o Yerusalemu wi Apwiya enallota wi, “Kinnuupuwella ororomelleya wanyu mwaariinyu asombwe, mmo mwakikondelleenyu vawaamba valle wonanko aneerella mutthiyana ootthelliwa. Mwaanakithwara muutthakoni, mu ellapo moohaalliwa ello.

Ezekiele 16:22

Ekaamba ya oraruwa wawo woonanara wootiwalla mallapo eenamwanaawo, waariiwe eepwillimwinddi, oosiwa nave wuupuruwaawe munikhameni mwawo.”

Ezekiele 16:6

Vano kiwiille kaawoona wuupuruwaka munikhameni. Kahuullotiha ori munikhameni mwemmo kuulleella wi, ‘Khalla ni okumi

Hoseya 10:15

Nyu athu a o Betele emoddamoddave yeeyo eneeroweereyellani ekaamba ya ochimwa wanyu wuullupalli. Ekhoto yaamba ohinase, mwenaanyu aneerewiiphiwa.”

Hoseya 12:13

Apwiya yahaakhumiha Aisraele o ellapo ya Iguputo oweella mwa namallotella. Nave yaasungeya mwa anamallotellaayo.

Hoseya 12:9

Koma mi tti Apwiya Mullukwaanyu oyo uukhumihalleni o Iguputo. Kineerewuukhallihanittho m'misasani monga mweerelleenyu mallapo akhalle muchipululuni mulle.

Hoseya 13:4

Apwiya enallota wi, ‘Miyaano kookhalla Apwiya Mullukwaanyu ovenyera enthawi elle kuukhumihalleemini mu ellapo ya Iguputo nave khemwaaphwanenlle omudduwella mulluku mmodda koma meeneve nave oovullusaanyu tti meeneve.

Hoseya 2:15

Wenko kineeromuhokollosella emata ddaye ddittheddene ddampesa. Kineeronitthattusa ntapo na ddookatamiha wi nikhalle mullako wa otiyerella. Wenko aneerekokaakhulla wonanko mmo eerelleeye va enamwanaaye akhumalle o Iguputo.

Malaki 1:2

Apwiya enallota wa athwiiwa wi, “Kinnuukondani nyuwaano.” Koma alliwa yahaakhulla wi, “Ethiyo moonihalle echikondaanyu va hiyaano mwawiidde?” Apwiya yahaakhulla wi, “Esau ni Yakobo yaari muthu ni mwanamunne koma kamukondille Yakobo ni edduullu ddaye

Mateyu 2:15

Yaakhalla wenko ophiyera Herode aakhwa. Ella yeereye wi ekwakhwanelle eyo yallotille Apwiya mwa namallotella wi, “Kaamwiithana mwanaka wi akhumewo o Iguputo.”

Deuteronomo 33:3

Apwiya ennaakonda athwiiwa oopatuleyiiwa attheene eri m'mattani mwiwa. Athwaayo ekeraatthille vatthi, enahuddera mawiiwa,

Deuteronomo 7:7

Kheyaawuutthoonlleni ni wuukondani ekaamba yawi mwaari anchichi waakhwaranya athu amodda attheene vawi mwaari ooyevesesa variyari va mitundu ddittheddene.