Hoseya 10:8 - Mawu a Mulluku

⁸ Mapuro oollapellellamo milluku ddawoottha ayo Aisraele yachimwiiwamo eneerewoonongeya. Miiwa ni epullathi ddineeromella vamakuwanimvo. Athu eneerollota wa miyaango wi, “Nimorelleni!” Eneerollota wa asimiyaango wi, “Niphitteereni!”

Hoseya 10:8 Iomraidhean Croise

Genesis 3:8

Misikuwa, nndduwa nikumphe, athu eellaayo yahiiwa muttotthoroso, Apwiya yeetaka m'matanimmo nave mullopwana ni mutthiyana yahiipittha variyari va miteekho dda m'matani wi Apwiyaayo ehiwoone.

1 Mamwene 13:2

Nave muthooyo aakhuwella va nikuwanno ni mawu a Apwiya wi, “We nikuwa, we nikuwa, Apwiya enallota wi, ‘Mwaana ooromolliwa Yosiya aneeroyariwa mu nibanja na Davide. Nave va weyaano aneerovelleella wonanko mukutho allupa mukutho oorumeyella o mapuro oollapellamo mafano ayo enoosa lubani va weyaano nave eneerewoosa makhuva a athu.’ ”

1 Mamwene 13:34

Nenna naari nichimo nuullupalli va nibanja na Yerobowamu. Sika ekaambiiwa nibanja naye noonongeyeliiwa ni otthollosiwa va ellapo yavatthi.

1 Mamwene 14:16

Vano Apwiya eneerewaahiya Aisraele attheene kaambiiwa Yerobowamu ahaachimwiha Aisraele.”

2 Mamwene 23:15

Yosiya aakumullattho nikuwa na o Betele nno Yerobowamu mwaana a Nebati, amakilleeye va nipuro noollapellamo mafano. Yerobowamooyo ahaachimwiha Aisraele ni nikuwa nenno. Yosiya aanikumulla apwesattho mallukwiiwa ni waasilla ophiyera ahaatthattusa nthupi nave ahoosattho mafano a Asherimu.

2 Epilli 31:1

Ddittheddene ddimanlle, Aisraele attheene yaphwanyeyevo yaaya o mizinda dda Yuda yaakumulla apoto oopatuleya, yinttaka mafano a Asherimu ni woononga mapuro oollapellamo mafano ni makuwa o ellapo ddittheddene dda Yuda, Benjamini, Efuremu ni Manase ophiyera yaadditthollosa ddittheddene. Vatulli viwa Aisraele attheene yaahokollweella o mizinda ddiwa, arive muthu owaniwa.

Yesaya 2:19

Athu eneerothawella m'makhunguni ni m'mallitini voothawani owalli wa Apwiya ni masiva a omweniiwa mvo Apwiyaayo enaaphiyiiwa wi yoopopihe ellapo yavatthi.

Yesaya 2:21

Eneerothawella m'makhunguni ni m'mittharini voothawani owalli wa Apwiya ni masiva a omweniiwa mvo Apwiyaayo enaaphiyiiwa wi yoopopihe ellapo yavatthi.

Yesaya 32:13

Miiwa ddoohiyanahiyana ddinamella va ellapo ya athwaaka. Ddawoona, inllellani enyumba ddittheddene nnddo yakhalliiwamo moottaphuwa navettho muzinda oyo waari ni ehakallallo.

Yesaya 34:13

Miiwa ddoohiyanahiyana ddineeromella mu enyumba ddaye ddakhoto ddooteteziwa ni m'mipandani mwaye. Nave ninaakhalle nipuro na akhatwe ni owaniwa wa nthiwatiwa.

Hoseya 10:2

Murimiiwa tti wawoottha sika eneerollakiwa ekaamba ya machimwiiwa. Apwiya eneerokumulla makuwiiwa nave eneerowinttaka apoto oopatuleya.

Hoseya 10:5

Athu a o Samariya eneerewoova nifano na musaanaang'ombe a o Betehaveni noonongiwa. Athwiiwa eneeroninllella navettho allupa mukuthwiiwa eneeromwinllella mullukwiiwooyo vawi ntitimiho naye noomuvenyeravo.

Hoseya 10:9

Apwiya enallalleya wi, “Aisraele aakhalla echimwaka waambeella mvo yachimwalliiwa o Gibea. Sika eneerogonjihiwa o Gibea wenko.

Hoseya 2:6

Sika ekaamba ya yeella kineeroyiwalla ettillaaye ni miiwa. Kineeromwaapheella ni esiri wi ahoone musewu.

Hoseya 4:13

Ennavelleella mikutho m'miyaangoni, ennoosa lubani* mu asimiyaango, vatthi va miteekho ddoovattha monga muthundu, nnjalle ni munkhundi ekaamba yawi muuthuuchiiwa tti waphaama. Sika ekaambiiwa aniinyu aatthiyana ni avokohaanyu enararuwiiwa.

Hoseya 4:15

Naari Aisraele ehiroromelleyaka, athu a o Yuda ehiphwanyeye ni mullatu. Ehiye woollapella o Giligala apaalle o Betaveni. Ehillupellettho vamiitthoni va Apwiya.

Hoseya 5:8

Ipani mapallapata akhoto o Gibea ni o Rama, achenjezeni athu a o Betaveni. Nyu athu a o Benjamini, hoollani!

Hoseya 8:5

Nifano na musaanaang'ombe nno a o Samariya enallapelliiwa ninnakinanara. Vano owallaaka wohaakharella wunchichi athwaayo. Vinaavire enthawi yoorekama mwawiidde athu a o Israele wi yeelle?

Hoseya 9:6

Enthawi yoollakiwa yaphiya, alliwa yapallalleya, Aiguputo eneerewaatthukumaniha wi yaavitthe mu mahame o Memfisi. Ekhwiya ddineeromella va eziwiya ddasiliva. Mpa mwiwa muneeromella miiwa.

Amosi 1:5

Kineerewinttaka mikoko ddoollipa ddoowallella millako dda Damasiko. Kineerewaavenyihamo athu ookhalla o ntapo na Aveni navettho oyo anaalamulelleke o Betedeni. Athu a o Siriya eneerophariwa okaporo eneerewaakusella o Kiri.” Mi Apwiya koollota.

Amosi 3:14

“Nllapo kinaamullakeemi Israele ekaamba ya machimwaaye, kineerokumulla makuwa a Betele, manyakiiwa eneerokothowa ni omorella vatthi.

Amosi 7:9

Mapuro oollapellamo a Isaki eneerewoonongiwa, enyumba ddoollapellamo dda Israele ddineerotthattuwa ntepe, kineerowukila nibanja na mwene Yerobowamu ni nsupada.”

Amosi 8:14

Attheene ayo enallupella mu nnddina na Ashima, mulluku a Samariya wi, ‘Kinimallupella mu nnddina na Dani, mullukwaaka,’ apaalle wi, ‘Kinimallupella mu nnddina na musewu woopatuleya wa o Beeresheba’ attheenaayo eneerewiikuha, oohivenyattho.”

Mika 1:13

Sika nyu a o Lakishi, amakellelleni akavalo o magareta. Mwaattakihera machimo a o Israele, sika mwahaachimwiha athu a o Ziyoni.

Mika 1:5

Ddittheddenenndda ddineereya ekaamba ya ddoonanara dda Yakobo ni machimo a Israele. Ethiyo ddoonanara dda Yakobo tti ddawiidde? Ethiyo khe dda Samariya? Ethiyo mapuro oollapellamo mafano a Yuda eri wuuwi? Ethiyo kheri mu Yerusalemu?

Nahumu 3:11

Wettho Ninive onaakhalle wonanko woolezela, oneerewaapheella muru, oneerewaashaasha nipuro noothawellawo.

Luka 23:30

Enthawi yeeyo Athu eneerollota wa miyaango wi ‘Nimorelleni!’ Eneerollota wa asimiyaango wi ‘Niphitteereni!’

Deuteronomo 9:21

Ello yoonanara mwayoopilleenyu, musaanaang'ombe, kaayivokhella vamunlloni. Nave kaayinyenyanyenya ni oyisillasilla nave kitathillella ntuura nene m'muhinjeni woovenyera m'mwaangonimmo.

Yawuupullulla 6:16

Yaakhuwa wa miyaango ni malluku wi, “Munimorelle hiyaano nave munivitthe vamiitthoni va oyo anakeraatthi va mpando woomwene ni o osha murima wa mwaanaankhosa.

Yawuupullulla 9:6

Wa miyeri mitthanunndda athu eneerekewaashaasha okhwa koma khephwanya. Eneeropaallesesa okhwa koma okhwanko oneerewaathawella.