Hoseya 10:3 - Mawu a Mulluku

³ Vano eneerollota wi, “Khaninna mwene ekaamba yawi khanaawooville Apwiya. Komave mwenooyo anaaneerelle tini?”

Hoseya 10:3 Iomraidhean Croise

Genesis 49:10

Yuda eneerophareella ekopo yoomwene enthawi ddittheddene. Aneerowummellella omwenooyo, nave aneerosunga masiviiwa, ophiyera mwaneenaneena aphiyalle, oyo anaalamulelle athu attheene.

2 Mamwene 15:13

Shalumu mwaana a Yabeshi aavollowa omwene mu muyakha wa 39 wa omwene wa Uziya mwene a o Yuda. Nave aalamulella mweeri mmodda o Samariya.

Masalimo 118:9

Othawella wa Apwiya tti waphaama, okhwaranya ororomella enduna.

Masalimo 12:4

Vallethi athu yaalla enallota wi, “Nineeropambana ekaamba ya nllumi nahu, eyano nookhallana, vano anaanigonjihe ttaani?”

Yesaya 5:19

Alliwa enallota wi, “Apwiya yaakuve, ephare muttekwiiwa moohiselliwa wi noone. Nnddo ddinapaalla weera Aweella a Israele ddeereye wi niddidduwelle.”

Hoseya 10:15

Nyu athu a o Betele emoddamoddave yeeyo eneeroweereyellani ekaamba ya ochimwa wanyu wuullupalli. Ekhoto yaamba ohinase, mwenaanyu aneerewiiphiwa.”

Hoseya 10:7

Mwene a o Samariya aneerokuselliwa wuuteete wonanko mwanamuteekho wookusiwa ni maaddi

Hoseya 11:5

“Koma aakhoota ohokollweella wa miyaano sika eneerohokollweella wuukaporoni o Iguputo nave Asiriya aneerokhalla mweniiwa.

Hoseya 13:10

Nyu mwallota wi, ‘Nivaheni mwene ni oohoollellaahu.’ Ethiyo mwene awi uuvullusenooyo ari wuuwi? Ethiyo oohoollellaanyu awi yuutetezenaayo eri wuuwi?

Hoseya 13:11

Kahuuvahani mamwene moosha murima nave kahaavenyihavo moowalli.

Hoseya 3:4

Vawi Aisraele eneerokhalla mallapo manchichi ehinna mamwene apaalle enduna, oohivelleella mikutho apaalle wiimesa apoto oopatuleya, oohikhalla ni milluku dda mpa apaalle efodi.*

Mika 4:9

We muzinda, oninllellati mookhuwa ddiiddo? Ethiyo khonna mwene? Onahoowellati wonanko mutthiyana va enthawi yooyara?

Yohane 19:15

Yaakhuwa wi, “Mwiipheni! Mwiipheni! Mutthomeyeni vamutandani!” Pilato ahaakoha wi, “Munapaalla kimutthomeye vamutandani mwenaanyu?” Allupa mukutho uullupalli yahaakhulla wi, “Hi khaninna mwene mmodda koma Kaisarave.”

1 Samuele 12:25

Koma mwaavirellellaka weera ddoonanara mudduwelle wi nyuwaano ni mwenaanyu muneerewoonongeya.”