Hoseya 10:12 - Mawu a Mulluku

¹² Mumidde echilungamo nave muneerohata echikondaaka yoohisintheya. Tipulani ntthalla nanyu vawi enthawi yoowaashaasha Apwiya yookwakhwana. Waashaasheni Apwiya ophiyera ewiille wi emurupihe murimu amadaliso.

Hoseya 10:12 Iomraidhean Croise

Masalimo 105:4

Muwaashaasheke Apwiya ni masiviiwa, okohella ekhoviiwa wa enthawi yoohimalla.

Masalimo 72:6

Aneerokhalla wonanko murimu oorupella m'matani, enyeenye yoorupella ethaya.

Miyambo 11:18

Muthu oonanara annallivelliwa ddoolleka koma oomidda echilungamo annathuviwa.

Miyambo 18:21

Nllumi nookhalla ni masiva a okhwa ni okumi, oonikonda annacha ezipaso ddiwa.

Oollalleya 11:6

Ohinase omidde m'middwaawo, misikuwattho ohiniithuuwiiha mattaawo vawi khonadduwella nnddo ddinaawunnuwe khaya tti nndda apaalle nndde apaalle piilliddene.

Yesaya 30:23

Mwaamiddaka mmiddwaanyu, Apwiya eneerewuurupihellani murimu wi omelle nave muneerohata ddinchichi. Nllapo nenno eziweto ddanyu ddineerophwanya munyepu munchichi.

Yesaya 31:1

Otulli wa athu ayo enaya o Iguputo wooveka nikavihero. Alliwa enaaroromella akavalwiiwa, waata wa magaretiiwa akhoto ni masiva a akhotwiiwa oowella va akavalo. Koma khenamuroromella Aweella a Israele apaalle oveka nikavihero na Apwiya.

Yesaya 32:20

Oodalisiwa tti nyu vawi muneerekomidda mukhwipi mwa mihinje nave abulu ni eng'ombe ddanyu ddineerekocha virive veko.

Yesaya 44:3

Kineerohella maaddi veellaponi yawumma, kineereweetiha mihinje muchipululuni. Kineerewaarumihella anaawo munepaaka, kineerokitthiha madaliswaaka va edduullu ddawo.

Yesaya 45:8

We murapo, murupihe murimu ovenyera oddullu, mirapo ddiithe echilungamo. Ellapo yavatthi ehulleye wi vikhume ovullusa, wi vimelle echilungamo. Mi Apwiya sika kinaphatusa ddenndda.”

Yesaya 48:18

Wiiwellenlleke malamulwaaka, murendellaawo weerokhalla wonanko muhinje, echilungamo wonanko ephevo ya va enyanja.

Yesaya 5:6

Kineeroyitthattusa emateeyo ntthalla, enaakhalle yoohiphadderiwa ni yoohikoholliwa nave muneeromella kakande ni miiwa ddimodda. Kineerolamulellattho mirapo wi ddihimurupihe murimu.

Yesaya 54:14

Oneerokeraattheya mu echilungamo, khowattho onyingallelliwa, ddawoona, khowattho woova, Khuwa woopopihiwa kaambiiwa ddeko ddawoopiha khaddiwaatamella.

Yesaya 55:6

Muwaashaashe Apwiya mvo enaphwanyeyiiwa, muvekelle wa alliwa mvo eriiwa vakhuviru.

Yeremiya 50:4

Apwiya enallota wi, “Mallapo yaayo, enthawi yeeyo Aisraele ni Ayuda eneerotthukumana vamodda, eneeroowa yinllaka. Eneerewaashaasha ddoopaalla dda Apwiya Mullukwiiwa.

Ezekiele 34:26

Kineerewaakeraatthiha athwaaka vakhuviru ni mwaangwaaka nave kineerewaadalisa vawaamorihellani murimu va enthawi yaphaama.

Hoseya 12:6

Vano nyu attheene hokollweellani wa Mullukwaanyu. Mukhalle a echikondi ni oolungama. Nave mumuroromelleke Mullukwaanyu enthawi ddittheddene.

Hoseya 14:1

Nyu Aisraele, hokollweellani wa Apwiya vawi mwaamora ekaamba ya machimwaanyu.

Hoseya 6:3

Hankoni nillipihelle waadduwella Apwiya. Eneeronihokollweella wonanko waayaaka ni osa, owa wiwa onaakhalle madaliso wonanko murimu, murimwiine ntthokollapallaka oyo anoollowiha ethaya.

Hoseya 8:7

Aisraele ennamidda ephevo nave enamuhata namangalle. Tirigu khanna makalla, khakhalla ni yoocha. Akhanllekena, alleto sika yaache yoocheeyo.

Amosi 5:15

Mwiitaneke ni yoonanara, mukondeke yaphaama, mukeraatthihe echilungamo m'mathatoni. Sika Apwiya Mulluku Amasiva Mattheene ttuuweerellani echifundo nyu oohalla mwiillaponi.

Amosi 5:4

Apwiya enallota ni a nibanja na Israele wi, “Kaashaasheni wi mukhalle ni okumi.

Amosi 5:6

Waashaasheni Apwiya wi mukhalle ni okumi. Mwaaheera ddiiddo eneerowoosa ni munllo athu a o Israele, oneerewaashellelliha a o Betele oohikhallavo oowuthiimiha.

Amosi 5:8

Ngamooneni oyo aphatusalle etheneeri dda Muhomekiwiiphe ni Ompoto khamuyaawo atthattusalle epiphi okhalla owala ni otthaana okhalla mahiiyu, anawiithana maaddi a mu enyanja ni owiithella mu ellapo yavatthi, nnddina naye tti Apwiya.

Luka 13:24

“Mullipihelle ovollowella va mullako mung'onong'ono kaambiiwa, kinimuulleellanithi wi athu anchichi eneereweesa ovollowellavo koma khewora.

Mitteko 2:18

Enthawi yeeyo kineerokitthiha Munepaaka, naari va akaporo aallopwana ni aatthiyana. Sika eneerollotella.

2 Akorinto 9:10

Nave Mulluku oyo anavaha mmiddo wi omiddiwe ni yoocha wi echiwe, aneerewuuvahanittho mmiddo muttheene munapaalleenyu nave aneerewunnuwiha ni wimmiha ddoohata ddinchichi ekaamba ya woollowa matta wanyunko.

Yakobo 3:18

Nave echipaso ya echilungamo ennamiddiwa mwamurendelle wi yaapindulelle ayo eneera murendelle.