Hoseya 10:10 - Mawu a Mulluku

¹⁰ Kineeroowa wi killipane ni athu eekukwaalla wi kaallake. Athu a mitundu ddimodda eneerotthukumana wi ewanena ekhoto ekaamba ya machimwiiwa manchichi.

Hoseya 10:10 Iomraidhean Croise

1 Mamwene 12:28

Vano Yerobowamu aganizalle ddenndda, aasema mafano agolide meelli a asaanaang'ombe. Nave ahaalleella athu wi, “Mookhalla muyaaka o Yerusalemu woollapella wa enthawi yoorekama. Nyu Aisraele attheene, milluku ddanyu dduukhumihalleni mu ellapo ya Iguputo tti nndda.”

Yobu 39:10

Ethiyo ttuuyimaka enari ni mikwe wi ellimeke apaalle ttuuwuuthwara nngu yuungaka mizere mutapo?

Yesaya 1:24

Sika Apwiya Mulluku Amasiva Mattheene, Amasiva a Israele, enallota wi, “We ootulli, oollipana ni miyaano kineerewaatthollosa, adanaaka kineerewaahokollosella ddoonanara.

Yeremiya 15:6

Mi mwaakihiya, munnavirellellave okireya etulli. Sika kahuullakani ni owoonongani ni muwonwaaka ekaamba yawi kaatopa ni okhululuka.

Yeremiya 16:16

Apwiya enallota wi, “Kineerowiithana adani anchichi wonanko awiipha ehomba nave eneerewaaphara athwaalla. Vatulli viwa kineerowiithana adani amoddattho anchichi wonanko oosaya enama wi yaaphare athwaalla omiyaangoni, o asimiyaango ni m'makhunguni a m'mallukuni.

Yeremiya 21:4

“Mwamulleelle Zedekiya wi Apwiya Mulluku a Israele anallota wi, ‘Kineerowaakhani ezida ddakhoto ddiri m'mattani mwanyu munawaneenyuna ekhoto ni mwene a o Babiloni ni akhotwaaye ayo ewaaphenlleni ni misasa ddakhoto. Kineerodduukellella ezida dda akhotwaanyu muwari mwa muzindoolla.

Ezekiele 16:37

Vano kineerewaatthukumaniha ookondanaawo ayo yahakallalla ni weyaano, attheene ayo waakondeewe ni ayo wawiiteewe. Kineerewaatthukumaniha ovenyera embali ddittheddene nave kineerewuurulla vamiitthoni viwa wi yoone epwillimwinddaawo.

Ezekiele 16:42

Vano kineerohiya, owallaaka oneeromalla nave ngiwa kiweerellattho ehache. Kineereweera ellapo tuu, ngoopattho owalli.

Ezekiele 23:46

Mi Apwiya Mulluku kinallota wi, “Mwiithane mulloko wa athu wi waahoose ni owaakha eyuumiiwa.

Ezekiele 23:9

Sika ekaambiiwa kamuhiyalleemi m'mattani mwa ezibwenzi ddaye, Aasiriya ayo aawanddeellelleeye.

Ezekiele 5:13

“Muneerodduwella mmo osha murima waka onaaweerelliiwa nave kineerewaasimwella ophiyera murimaaka okhurumuwalle. Sika eneerodduwella wi mi Apwiya koollota mweehache vawuullakani mwawi ddiidda.”

Hoseya 10:9

Apwiya enallalleya wi, “Aisraele aakhalla echimwaka waambeella mvo yachimwalliiwa o Gibea. Sika eneerogonjihiwa o Gibea wenko.

Hoseya 4:19

Eneerovenyihiwa wonanko ello yoovavihiwa ni ephevo nave eneerowullihiwa muru ekaamba ya mikutho ddiwa ddeelleto.”

Hoseya 4:9

Vano allupa mukuthwaayo kineeroweerella nnddo kinaaweerelleemi athu. Kineerewaallaka ekaamba ya makhallellwiiwa oonanara ni waahokollosella mitteko ddiwa ddoonanara.

Hoseya 8:1

Apwiya enallota wi, “Ipani nipallapata! Adani aatthukumanella enyumba ya Apwiya wonanko mipungu va enama yookhwa. Athu aatathilla echipanganwaaka nave aachimwella malamulwaaka.

Hoseya 8:10

Ekaamba yawi yahiiwanana ni mitundu ddimodda kineerewaatthukumaniha wi kiwoononge. Naanweene vaava eneerohoowa wunchichi ekaamba ya olamulello wa mwene a o Asiriya.

Mateyu 22:7

Mwenoolle aasha murima wunchichi, sika ahaaruma akhotwaaye wi yawiiphe awiiphaalle ni woosa muzindiiwa.

Deuteronomo 28:63

Wonanko mmo Apwiya ddaaddivellelliiwa wuudalisani ni owaatihani, emoddamoddave yeeyo oneerewaaddivellattho wi ewoonongeni, yuuttholloseni ni wuutullani mu ellapo eyo munaawaakheenyu.