Hoseya 10:1 - Mawu a Mulluku

¹ Aisraele tti wonanko muteekho wa mpesa woohakallalla oyo onimma ezipaso ddinchichi. Mmo eyuumiiwa enavirellelliiwa waata tti mmo enavirellelliiwa omaka mapuro oollapellamo. Mmo munaatella makuwiiwa tti mmo mwiillaponi mwiwa munaatelliiwa apoto oopatuleya.

Hoseya 10:1 Iomraidhean Croise

1 Mamwene 14:23

Vawi yahiimakellattho mapuro oollapellamo mafano, apoto oopatuleya ni mafano a Asherimu vamwaangoni ni vatthi va miteekho ddoovattha.

Yeremiya 11:13

Ddawoona, we Yuda, milluku ddawo tti ddinchichi wonanko mizinda ddawo. Makuwa oovelleellellavo mukutho wa Baala oowulliha muru tti manchichi wonanko misewu dda mu Yerusalemu.

Yeremiya 11:17

“Apwiya Amasiva Mattheene ayo yawaallilleni sika yeeruzalle wi eneerewuullakani mwawoopiha ekaamba ya ddoonanara mweerilleenyu nyu a mu nibanja na Israele ni na Yuda. Mohaashiha murima voovelleellani mikutho wa Baala.”

Yeremiya 2:28

“Ethiyo vano milluku ddanyu nndde mwiipangelleenyu ddiri wuuwi? Ddivenyethi vano dduuvulluseni va enthawi ya ddoohoosanndda. Nyu athu a o Yuda, milluku ddanyu tti ddinchichi wonanko mizinda ddanyu.

Hoseya 12:11

Koma athu yallapella mafano o Giliyadi. Mafano yaalla eneerewoonongeya. Yaanavelleella mikutho dda eng'ombe o Giligala. Koma makuwiiwa kineerewaatthattusa malluku awuukelliwa m'matani.

Hoseya 12:8

Efuremu aallota wi, ‘Kootukhuwa, kookhalla ni eyuuma yinchichi, khaphwanya mullatu mwa miyaano va eyuumaaka.’

Hoseya 13:15

Naari Efuremu ahakallallille wonanko epango, ephevo ya wookhuma nndduwa, ephevo ya Apwiya eneerewoopa ovenyera ochipululuni. Sika aneetuutu eneerowelleella nave mathiyaaye eneerewumma. Adani eneerewoononga eyuumaaye yoowallamella mutengo.

Hoseya 13:2

Vano enimachimwave, enniipangella mafano awoopiwa ni siliviiwa. Mafano mattheenaayo tti mitteko dda athu eeruso. Ennallota wi, ‘Velleellani mikutho wa yaalla nave mwaallapelle asaanang'ombaalla vawaakhupaarellani.’

Hoseya 13:6

Kahaachiha evona koma evonille yahiitukhulla nave yaakitiwalla.

Hoseya 2:10

Vano kineerewoonihella vaweella epwillimwinddaaye wa ezibwenzi ddaye nave khaavo naari mmodda anaamwaakihere m'mattani mwaka.

Hoseya 2:8

Khaadduwella wi tti miyaano kamuvaha tirigu, vinyo ni makhura. Khaadduwella wi tti miyaano kamuvaha siliva ni golide munchichi oyo athu yapangelliwa nifano na Baala.

Hoseya 3:4

Vawi Aisraele eneerokhalla mallapo manchichi ehinna mamwene apaalle enduna, oohivelleella mikutho apaalle wiimesa apoto oopatuleya, oohikhalla ni milluku dda mpa apaalle efodi.*

Hoseya 4:7

Mmo allupa mukutho yaatelliiwa tti mmottho yattepelliiwa ochimwa. Kineerotthattusa oriiheya wiwa wi okhalle owulliwa muru.

Hoseya 8:11

“Aefuremu yahoonjera makuwa oovenyihellavo machimo koma makuwaayo yaatthattuwa mapuro oochimwellavo.

Hoseya 8:4

Enniitthoollella mwene moohithwara opaalla waka. Enniikeraatthihella oohoollelliiwa kihiwaakhullelle. Ahiipangella mafano asiliva ni agolide koma aaddoonongana.

Levitiko 26:1

“Muhiniipangella mafano, muhiimese ddoophwanaphwaniha ddoosema, malluku awuupuwelliha apaalle apoto amalluku oosema moophwanaphwanihella mu ellapwaanyu wi muddillapelleke. Mi tti Apwiya Mullukwaanyu.

Nahumu 2:2

Vihanlle vang'ono wi Apwiya ehokollose ooriiheya wa Israele wonanko mmo wakhallelliiwa khalle, adani ehinaakhe ddeko ddittheddene ni woononga mipesa ddiwa.

2 Akorinto 5:16

Waambeella vano ophiyera muhoollo khaninamweeruzattho arive muthu moollikana ni omuthu. Naari khalle naamweeruza Khrisitu moollikana ni omuthu koma vano khanineera ddiiddo.

Afilipi 2:21

Amoddaayo attheene enallipihella ddeko ddawaaddivella weekhiiwa ohiri ddeko dda Yesu Khrisitu.