Hoseya 1:7 - Mawu a Mulluku

⁷ Koma kineerowoonihella echifundo athu a Yuda nave kineerewaavullusa ni masivaaka, mi Apwiya Mullukwiiwa,” oohikhalla ni muura, nsupada, akavalo ni oowella va akavalo.

Hoseya 1:7 Iomraidhean Croise

2 Mamwene 19:29

Vano Yesaya aamulleella mwene Hezekiya wi, “Echizindikiro ya nnddo ddineereye tti yawi muyakha yoolla munaamuche tirigu animorella muyakha woosiisello oomella mwawi ddiiddo, muyakha woothwarellella muneeromullima ni omuhata tirigu, muneerewaalla miteekho ddampesa ni ocha ezipaso ddene.

2 Mamwene 19:34

Kineerowaakihera ni owuteteza muzindoolla ekaamba ya ntitimiho naka navettho echipanganwaaka ni Davide oorumeyellaaka.”

2 Mamwene 19:35

Sika mahiiyu yaayo mungelo a Apwiya aaya o misasa ddakhoto dda Aasiriya awiiphawo akhoto 185,000. Ohinase athu yaawoona akhoto attheenaayo ekhwille, eri millumillu!

2 Mamwene 6:18

Vano athu a o Siriya yaambeelliiwa omuhella ekhoto Elisha, olliye aavekella wa Apwiya wi, “Kinimuuvekani wi muweerihe athu yaalla wi ekhalle ohoona.” Sika Apwiya yaaweeriha akhotwaalle okhalla ohoona monga Elisha avekelleeye.

Masalimo 33:16

Mwene khanavulluwa ekaamba ya wunnuwa wamullokwaaye wakhoto, akhoto khenavulluwa ekaamba ya waata wa masiva.

Masalimo 44:7

Koma nyuwaano moonaakihera wa adanaahu, mohaawulliha muru ayo eniitana ni hiyaano.

Eksodo 14:13

Vano Mose aawaakhulla athwaayo wi, “Muhoove! Llipani murima nave mweerekemoona oweha mmo Apwiya enaawuuvulluselleniiwa. Vawi Aiguputo ayo munawooneenyu ollello, khamuwa muwoonattho.

Eksodo 14:30

Sika va nllapo nenno Apwiya yahaavullusa Aisraele m'mattani mwa Aiguputo. Aisraele yahoona mitembo dda Aiguputwaayo ddikakhelliwaka mukhwipi mwa enyanja.

Yesaya 12:2

Ngoonani, Mulluku sika oovullusaaka, kineeromuroromella nave ngiwa koova. Apwiya sika masivaaka ni echipwaaka, alliwa tti oovullusaaka.

Yesaya 30:18

Komave Apwiya ennatiyerella oweerellani echifundo alliwa tti ookhonzeka wi yuureerelleni murima ekaamba yawi Apwiya tti Mulluku eechilungamo. Oodalisiwa tti attheene enaaroromella Apwiya.

Yesaya 49:6

Apwiya enallota wi, “Tti ello yoovevuwa wi okhalle oorumeyellaaka, wi waavenyihe malloko a Yakobo, waahokollosella owaniwa Aisraele oohalla. Kineeroweerani wi mukhalle owala wa mitundu ddimodda dda athu, wi ovullusa waka ophiye o makomello a ellapo yavatthi.”

Yesaya 7:14

Ekaamba ya yeella Apwiya weekhiiwa eneerewuuvahani echizindikiro. Ngoonani, namwalli aneerokhalla ni erukullu nave aneeromuyara mwaana aamullopwana nave aneeromuvaha nnddina nawi Imanuwele.

Yeremiya 25:5

Alliwa yaanallotella wi arive muthu mwa nyuwaano ahiye makhallellwaaye oonanara ni mitteko ddaye ddoonanara wi mukhalle mu ellapo eyo Apwiya yuuvahilliiwani nyuwaano ni makhollwaanyu wa enthawi yoohimalla.

Yeremiya 25:6

Muhithwareke milluku ddimodda munaddirumeyella ni oddillapella. Muhittatthamulleke owalli wa mi Apwiya ni mafano oopangiwa ni mattaanyu wi kihiwoonongeni.

Yeremiya 33:26

Vano wonanko mmo keerelleemi ddenndda moosimikiza, kineerosunga echipangano eyo kakeraatthihalleemi ni edduullu dda Yakobo ni Davide, oorumeyellaaka. Kineeromutthoolla mmodda mwa edduullu dda Davide wi alamulelleke edduullu dda Abrahamu, Isaki ni Yakobo. Vano kineerewaamorella ethakaraka ni waahokollosellattho ddaphaama.”

Hoseya 1:8

Khanakondiwa ahiyalle waamwa Gomeri aakhallattho ni erukullu amuyara mwaana mmodda aamullopwana.

Hoseya 11:12

Apwiya enallota wi, “Aefuremu aakaapheella ni ddawoottha. Aisraele tti noolleka nave Ayuda aakiwukilave miyaano Mulluku Aweella ni oororomelleya.”

Zekariya 4:6

Vano olliye aakilleella wi kimulleelle Zerubabele mawu a Apwiya awi, “Ddawoona, oneeropambana koma ohiri ni ekhoto apaalle ni masivaawo koma ni munepaaka. Mi Apwiya Amasiva Mattheene koollota.

1 Samuele 17:47

Nave athu attheene etthukumannaalla eneerodduwella wi Apwiya khenavullusa ni nsupada apaalle nivaka. Apwiya sika mwaneena ekhoto nave eneerewuuvelleellani m'mattani mwahu.”